|
إرادتنا صلبة وعزِمْنا حَجَرْ صنِّينْ
www.youtube.com/watch?v=hIFhpUNSN4Q
إرادتنا صلبة وعزِمْنا حَجَرْ صنِّينْ *************************************** يا مرسال يااللي رايحْ عَ فْلِسطينْ سلِّم عَ اللي فيها بَعِدْهُم صامدينْ بحيفا والناصرة ، عرابة وسخنينْ باللد والرملة وعكا طولكرم وجنينْ أمِّ الفحم ويافا بينَادُولْنا وصبَّارينْ وما نِنْسى الطنطورة وغزة ونِمْرينْ هادول واللهِ همِّي حارِسها الأمينْ طبريا بتِستَنَّى الحريِّة هيِّ ونعلينْ وحاكوراتنا والبيَّارات في كُفر عينْ قولوا لهُمْ إنَّا كتير،كتيرْ مشتاقينْ ويشهد الله علينا إنُّو قتَلْنا الحَنينْ مِ اللَّوعة والهِجران بَعِدنَا سهرانينْ وإنْ كتَمْنا آلامْنا بيفضَحْنا الأنينْ صارْ لنا في الغربِة مدِّة صَابرينْ قالولْنا كُلْها أكَمِّنْ شَهرْ يا لاجئينْ مرَّتْ الشهورْ وهاي عدَّت السنينْ لَأيمتى حَنْظَلّ عَ الجَمِر قَابضينْ وعَ الظلُم والبؤس والمرارة سَاكتينْ يعْنِي مَكتوبْ علينا نِبقى لاجئينْ لأ يا سيدي حِنَّا عَالوطَن راجْعينْ القدُسْ جَريحَة بتْئِنْ ومَعها حِطِّينْ وَلْكُمْ بقبرُهْ قد تمَلْملْ صَلاح الدِّينْ وإنتو ياعَرَبْ مثل الجُثَثْ هَامدينْ مَا في خَواصْ مِنْ العويل والأنينْ فلسطينْ رح يحرِّرها دمِّ المقاتلينْ إرادتنا صلبة وعزِمْنا حَجَرْ صنِّينْ وما بْنِرضَى وطن لنا إلا فلسطينْ وللوطنْ بالنضال والإيمانْ عائدينْ رح نحرّركْ من النَّاقورة إلى عبوين هذا وَعِدْ والنَشَامى ما بيِنْسوا الدَّينْ د٠محمد طرزان العيق صوفيا / 17.08.2014 |
رد: إرادتنا صلبة وعزِمْنا حَجَرْ صنِّينْ
اقتباس:
نعم القدس في القلب وبإذن الله ستعود للعرب والمسلمين أشرك على تفاعلك السريع وعلى عواطفك النبيلة تحياتي ومودّتي |
رد: إرادتنا صلبة وعزِمْنا حَجَرْ صنِّينْ
أستاذي الانيق محمد
والله كلنا الى فلسطين والقدس مشتاقين مشتاقين مشتاقين كان الله في العون دم جميل مبدعاً محبتي ومحبتي |
رد: إرادتنا صلبة وعزِمْنا حَجَرْ صنِّينْ
اقتباس:
على العهد نبقى ولن نرضى بغير التحرير ضماناً لعودة ارضنا السليبة .. بوركت دمائكم المنذورة من اجل الحرية والكرامة والشرف وفقكم ورعاكم الرب |
رد: إرادتنا صلبة وعزِمْنا حَجَرْ صنِّينْ
مرسال جميل جدا أبدعت تحميل أشواقك للوطن و رسالتك للأحرار دام مدادك الراقي
|
رد: إرادتنا صلبة وعزِمْنا حَجَرْ صنِّينْ
فلسطينْ رح يحرِّرها دمِّ المقاتلينْ
إرادتنا صلبة وعزِمْنا حَجَرْ صنِّينْ وما بْنِرضَى وطن لنا إلا فلسطينْ وللوطنْ بالنضال والإيمانْ عائدينْ رح نحرّركْ من النَّاقورة إلى عبوين هذا وَعِدْ والنَشَامى ما بيِنْسوا الدَّينْ د٠محمد طرزان العيق صوفيا / 17.08.2014 صرختك من بلاد الغربة بصوت فلسطيني مستحضرا الديار الفلسطينية الغالية ما هي إلا مفاتيح عودة |
| الساعة الآن 10:04 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة
بل تمثل وجهة نظر كاتبها فقط