[عمر ال شيبي]

اهداء الى صديق لم يحصل على مبتغاه

غيري سقيّه

[poem=font="simplified arabic,6,white,normal,normal" bkcolor="green" bkimage="" border="none,4,gray" type=2 line=0 align=center use=ex num="0,black""]
البارحه والراس مبلي تفاكير = من حالتي وقرود حظّيْ الرّديّه
يا بوي شفتن وآعيوني مناظير = ارقب بها الغدران روحه وجيّه
مالي من المسعاد اية مداوير = بيني وبين الشين غفلن عنيّه
ساعة تلاقي العين راسي تعامير= كيفن حميد الروح يطلب حميّه
من سالفة مشوار سحب وأعاصير = نبض الخفوق ايصير مزن وحنيّه
من شوقنا والليل ظيّه تناوير = لجل الكحل بالعين رقّه ورقيّه
اوقاتنا بالحيل نظره وتصاوير = من فاتنة نوّار واسمع قضيه
عديتها بشعور ما له تبارير = هاجس رحيب القلب جانا برضيّه
يوم ٍ رحل بالروح وسط المزاهير= ورد الحلا وعطور حن وحليّه
يوم ٍ تباعد كيف نفسي مسايير = صوب الحنين بشوق حظن العبيّه
مالي على المنقود اية معاذير = لين الامر موصول صبح وعشيّه
فيها توالي الليل لب التفاكير = امشي بتوه البال سارح بليّه
مبلي أنا ياناس مدري التفاسير = جن وجنون افكار فيها الخطيَه
لو دار ت الايام فوق المغاتير = لشْري لها من بوح قلبي هديّه
لرسل لها مرسال بشر وتباشير= خاتم رصيع الماس ماشفت زيه
بين العرب موجود لكن تزاوير= عيره وقشره من نواحي لقيه
لنّي تعيس الحظ ما ليْ بتقادير = شفت الورد بالشوك غيري سقيه
حوله نياب اذياب مرخص محاذير= ضاقت بنا والعين عافت بريّه
يا بوي شفتن وآهمومي جوارير = من رقبة الغزلان ساع الرّويّه
[/poem]