[أيمن محمد المنصور]

شَعرك متل قاسيون تدلّى ع كتف الشام
عيونك ساحة المرجة و الميسات
شفافك عطر ياسمين معربش
ع حيطان القيمرية و أسوار ما بتنام
خدودك ساحة وعد تنين عشاق
تواعدوا بالصالحية
و التقوا بالسبع بحرات ...
كلك متل أقدم مدينة بعدها بتنبض غزل
و أعتق عاصمة بتفيض غرام و أحلام ...
بحبك متل ماعشقك نزار
و طاف بحواريكي شاعر و رسام
أنتي العمر و انتي العرش
و انتي ملتقى الأديان
أيه ايه شو بحبك أنا يا شــ ــام