[علي عبود المناع]

المشاركة الأصلية كتبت بواسطة علي عبود المناع

معقول بيك الوصف عل أقل بناظــــــــري

انت يابسمة قدر تبدع نشيد بخاطــــــــــري

ويفيض طرفك حسن يسقــــي ورود بجنتك

وتبتسم بيــــــك المحاسن بكل وقار بوجنتك

بثوبك اتزيـــــــــا الورد واستمطر اشعاري

وضاحك خيوط الفجر ودندن علــى اوتاري

واني رعيد بأولك وانت ربيـــــــــع بآخري

تمشيــــــــــن في العصر بمهل وجدم حافي

واطيـــــــــر للأندلس واستحضر اوصافي

والهيـــــــــــــل من راحتك فنجان يشربني

وخيــــــوط شمس العصر بحروف تكتبني

وتاخذ شمالة عطر من بيـــــــدر اسراري

حسيــــــــــت كف الثرى ايصافح الوسمي

وينقش قصيــــــــدة غزل ومطرزة باسمي

وبلون قوس القزح ينثر هـــــــــوى بدمي

لحظات مثل الحلم ترسم خريطه بحاضري

بصدفة رماني الشعر وحطني بموازيـــنك

والخلق كلها بشغف تحكـــــــي على زينك

زيتون مدري نخل يزهــــــي على عيونك

ردي فــــــــــــؤادي بعجل واكون ممنونك

تلوين خط الزمن وتاريــــــــــخ رومنســي

مو آني نسجت الحرف تاج لشعر شمســي

وانـــــــي السبيت القمر اب رقة احساسي

واني السقيتو وفا من نبعــــــــــي وبكاسي

واني النثرت الهـــــوى شيب بشعر راسي

سافرت لمن دخت مرة بخيــــــالك سافري

معقول بيـــــــك الوصف عل اقل بناظري

صحتين وهنا