[نعيمة زيد]

الغربة يالغربة
جمرة كَادية ومكدية
في قلوب الغايبين علينا
واللقمة حارة
ميعرف قيمتها غير لي تكواى بنار فراقها
الغربة حامية واللقمة حارة
ولي ما يصبر يعيش بين الناس سفاهة
يتهموه بقلة لعقل وما يلقى صديق
الغربة تحرر الروح من كيد الغمازة
وبلادك لي عطاتك اللقمة وعفاتك من السوال
بلادك لي ما خلاتك بين الناس عرَّة تمد يديك وترجع خاوية
بلادك لي انت فيها فايق بالذل ما ترضى
وانت يالل في بلادك هناك وهنا
كلها بلاد الله مكاينش لي غادي يديها معاه
غير فراق الحباب صعيب وربي يقرب البعيد
أفاطم انا وانت كنتلاقاو اكثر ما نشوف امي واخواتاتي
الفنيق بلادنا تجمع لقريب والبعيد
كلنا فيها اخوة هي امنا وابانا
وهي الخيمة العمرة برفاق الدرب
آري داب سرابة وانسي الهم ينساك .