اقتباس:
المشاركة الأصلية كتبت بواسطة فاتي الزروالي
يا لغادي..//فاتي الزروالي
السوايع بدالة
والفلك يدور
والحال حالة
والوجه مبشور
لغدر سلالة
والعيب مقدور
لعقارب تجري
فمواكب بحور
تهيج وتمضي
بالجرح صخور
تضرب الصح
وتخلي لقشور
ترفع الخش
وتغرق ديور
يالغادي بيا
راه الفلك يدور
راك تحت الظل
وتقول مستور؟؟
تفيق الشمس
والسواد بخور
تصفا السما
تعري لعيوب
يا الغادي بيا
بالزمان مغرور
ماتفيدك فضة
ولا ذهب ولا قصور
يا لغادي بيا
وتسرج فخيول
تقول ماعندي سعد
وبالوقت مغدور
السوايع بدالة
ترجع حالة
والهم يزول
ربي قادر
فلحظة يقول:كن فتكون
يرفع راية
وشعب يثور
لي شفاية
يبات فرحان مسرور
فلحظة
الي يكون يكون..
الاثنين 23/05/2022
مكناس
|
مرحبا أستاذة فاتي
اكتشفت فيك عبر هذا الزجل، نفس غيواني مثقل بالمعاني والوزن الجميل.
مودتي