۩ أكاديمية الفينيق ۩ - عرض مشاركة واحدة - راسك فالتراب
الموضوع: راسك فالتراب
عرض مشاركة واحدة
قديم 08-03-2019, 01:44 PM رقم المشاركة : 12
معلومات العضو
نجيب بنشريفة
عضو أكاديميّة الفينيق
يحمل أوسمة الأكاديمية للابداع والعطاء
المغرب
إحصائية العضو








آخر مواضيعي

نجيب بنشريفة غير متواجد حالياً


افتراضي رد: راسك فالتراب






ها تيكشبيلا ها تيليوْلا
ماقتلوني ماحياوْني
غير السكات الي عطاوْني
ألْحْرامي ما يْموتشي
جات اخبارو فلْكوتْشي
كحلو بلعمى ميمتي حتى انسوْني
حلفو بالنعمة ها هوما قصوْنى
حرفو الكلمة كملوها عصَّوْني
خالوني حلوى وجميعهم قَصّوْني
يا مالك سر النغمة راهم عرّاوْني
يا لفاهم روح الحكمة بالذل كساوْني
لا فطناسي لاجابري زيدك يا لعوني
فجمعة امطل تمة لعسل صابرين لقريص النحل
أرى ما تطل دابا تحصل كََّالّا يضحكو كََّالو اهبل
عييت انقاسي هاذا لعب الدراري وفعايل بو خنشوش
بو خنوس لاهاتو لفلوس ولى دايع ويحوش
كملو بالدْرَكّّْ يا الصبار يا ويل أم الحولي
حرقو السدرة كثرة الهضرة فالمنتظم الدولي
اتّقْبَتْ العَلّافة قلبو الزلافة انشف الدم داع الهم
ضاع الكم سجنو الخال بوصاية ولد العم
لَكَّْدَمْ لا تخمم متكي على عصايا وفيديا لكْبلْ
كليت ما كْلاَ الطبل حرقوني وقصدت الجبل
ماشي رايح على لَحْبلْ ينعل سيحْتْ السّل
يا داك العتروس يلعب فوق الريوس بغى يولّي جمل
فهم اللي طاري هز رحيلو للصحاري حرتها لَبْغلْ
لا عقل لا شكل وركلة الميت كاتقتل هادشّي من قبل
باعو وشراو فلخاوي وبقى داوي أغير واد أو حْمَلْ












  رد مع اقتباس
/