۩ أكاديمية الفينيق ۩ - عرض مشاركة واحدة - هيشة بلا ضرع
الموضوع: هيشة بلا ضرع
عرض مشاركة واحدة
قديم 18-10-2019, 10:13 PM رقم المشاركة : 1
معلومات العضو
نجيب بنشريفة
عضو أكاديميّة الفينيق
يحمل أوسمة الأكاديمية للابداع والعطاء
المغرب
إحصائية العضو








آخر مواضيعي

نجيب بنشريفة غير متواجد حالياً


افتراضي هيشة بلا ضرع





هيشة بلا ضرع

إيه آش قالو عليه غير داوي
شوفو وسكتو وبخرو الجاوي
والصلبان إلاَ بغيتي تشيع التناوي
راه ودع العامر وسافر مع الخاوي
برّق ما تقشع إلاَ رمشتي ما تلقى ما تجمع
ذاب الشمع وَبْدا يكمع راه حتى شي ما ساوي
أرا ما تقمع اللجام تقطع داعت الظلمة على القلب الضاوي
لحيا اترفع الحيط تصدع ماتت الكلمة ومول المعقول صبح هدّاوي
تفو نعاودو من الأول وبلاش عليك تسول تيْوجدو عاود ثاني فلحلاوي
العهدة على الراوي معمر الشكاوي ها لمديني آها البدوي باغي يبدع
لا من يشفع وعماهم الطمع يا لمنكر جات فحقو خبزة وعطاوه الربع
يا الكاوي الراكب لهواوي الله إداوي راه بصح ماعرفنا علاش ناوي
السفلي راه خنقو العلوي جامع البلاوي مسلط لهراوي هاوي ياوي ياوي
عاشق السلاوي وخيزو العدوي والشريحة جمعت لمطاوي واهيا اللاوي
راقبو لسكع لمخير فينا تيركّّّع حيت تايركع لولد الضبع ما بغى يشبع وتايتفكّّّع
هوا يفطر بالميركاني فرنساوي طالياني عالمي يا الأدمي باركا غير لملاوي
لا لحقتي يا الضاوي كسرة الخبز وسبع كرموسات ما بقى لا دركّّّ ولا غيث سماوي
الجهل حاكم العالم الهديات إراكم القاضي حتا واحد منو ما سالم دكالي وزيد الشاوي
من الحسيمة لولاد تايمة الله على جرادة سدو عليها فلبرادة واهيا دادة زاكّّّورة مسك صحراوي
ركّّّبنا على تافراوت زيت أوزيتون رمان تين ونخل وسواقي وأركان غطى علْباقي هات الركاوي
العين كا تدمع القلب تيخشع الروح نقرا تلمع والذهب والأحجار لكريمة من نصيب مول لوْدع
فين ما صدْ ما يجي موراه نفع خدم القرد وطرد السبع رصاص إلعلع وحياة لهفتها هيشة بلا ضرع


















  رد مع اقتباس
/