[بنعيسى الحاجي]

خـلـق الـكـون
2

وكـان الكـون لا بد يكـون
كيـف كاين صورة ف كتـاب
المَـا والرّيـح بهـم بْـدَا
كيتسمّاوْ فتـوح البــاب
وعليهم كـان التركيـز
كيـف راد أسّـس وبْنـَى

حط المَا على ظهر الريح وجا حْساب
وفوق المَا حـط العـرش، راحة وهـنا
طلعْ الدخان فوق المَا، بـْدَا يْبان ضباب
وذاك الدخّـان تسمّى السْمَـا رحمة لـِنــَا

خلق وفـرَق، بعد ما كانـو سْمَا واحـد.
سبع سماوات وحدة وحدة بعـاد علينا
سـر الحكمة في أمر الله ديما واجـــد
السْمـا تّبْنات وذيـك البنيَة كانـت زينة

سبحان الله ، من بعد السْمَا خلق الليـل
وآمر السما تبيّن الشمس يجي النهـار
حتى الـقمر يبان مْضَوّي ف ظلام الليل
وتجي النجوم تزيّن السما وتعاشر لـقـْمر

وبْلا تعْطال شرقت الشمس وجا النهـار
طلع القمر بان مْضَوّي ف ظلام الليـل
وبانو النجوم زيّنو السما وعاشرُو لقـمَر
ودار الله لكـل كوكـب ، مْكـان ومنـزل

من جَا لغـروب كـيف مقــدّر
الليـل هـجَـم على الـنهـار
الشمس غابت وجَا الـظـلام
النهار سكت على ما فـيـه
ما دّا هضرة ما جـاب كـلام
بقـى الليـل هـو الليـل.......
...... وبقـى النهار هو النهـار

/// ــــــــــ ///
يتبع