[نجيب بنشريفة]

صهدو يتقاطر عليا ونا صابر بزاف ماشي شوية
زادو فيه طوالة ولاّت حلتو حالة لاتامن لا تيق راه الدنيا بدالة
كَّْالو كان ياما كان فهاد الزمان قطعة الجديان فيد الجمالة
وفريق لحوالة شدها طوالة داس بنت العم وولد الخالة يا لالا
ولالا يا لالا ياك الزين سلالة أحقي فالشلوح ونصيبي فجبالى
شدينا طريق تايناس يا الناس ووصلنا وقلبي عساس ما لبساتو جلالة
زيتهم تقيل مرهون فالشواري يتملح منو للليل أو الخل معايا
رايم جنبي ما يتزعزع من حدايا عقل بلبغو متشبع ولى صاري مورايا
نهار على قدو شمرنا الجلايل قصدنا سنام الجبل مهجور من سنين
شار لي لعشير ناحية تاونات باب الحسيمة يا ولاد تيسة فينكم فين
والهيتي والتبوريضة ولهدية بعادك دار في القلب كية تابعة كية
وحتى لهنا وهبطنا اختصرنا الطريق تم نبع ماه بارد يوجع السّنّين
سماوها عين حمار ورد منها فنص النهار زواتو مات مسكين
رجعنا لدوار الزيتونة سالمين غانمين وأهل لقبيلة يتهامسو ضاحكين
وكَّْالاّ انبسطو والدراري والدريات فرحانين تحت شجرة الجوز مظلْلين
بالبساطة مغطيين على الطبيعة مسطيين كولشي بيو سولو دكالة



https://www.youtube.com/watch?v=Q5g5xoTdwwM