[سيد يوسف مرسي]

عمايل ألوزه 5
سلقط ملقط وزه بتلــــــقط
عامله حكاية ودايره رحاية
نافشه الريش غاوية جناية
جــــو البــــيت و كآبه الزيت
ولما بتخرج تعـــمل كُتْكُتْ
بدهـــا تمشي على مشــاية
داخله تكشر طالــــعة تكشر
فارده قلوعها زى المـركب
ولما بتمشي تعمل شكشك
كيف غلاية على صلاية
شاده المنشر ورافعة القنطر
فاكره غسيلها مسك وعنبر
حمزة أبـوها وبعــلها عنتر
ولما بتحكي خــشمها نشتر
راسمه حكاية على مقلاية
سايبه عيـــالها بلا مجراية
جو جحورهم في الحلـــفايه
حالفه يمين على القطمير
لا زم تسكن فـــــوق البير
ليه نجمعها مع ابن الزير
مخها ضارب والراس غارب
عايشه في دنيا ليها قوارب
كل ما تبحر عقلها ضارب
وبدها تقتل بسم عقارب
طعمها مر عكس الُبر
واللي واخدها شايف المر
حتى الدم ما فيه يخر
سلم أمره لخالقه وربه
وغمض عينه وسبل جفنه
غابت شمسه وكفن عزه
عاش يراود بنت مهاود
طاطا براسه وبده تهاود
حتى الخــالي قله عاود
حكم القـــــــايد للمعاند
والمزمر ليه يتعايب
قال أشكيها وعم ماليها
عمر وعدى أراوض فيها
أسكت ياابني أنت شاريها
كسرت شوكته وهدت حيله
مين يصدق دنيا أحواله
حتى القاضي كان ميال
عنده قانون كالغربال
أصدر حكمة بكل جرآه
إن الوزة بنت حداقة
صادقة وعاقله وفيها لباقة
عايز وزير يكون عنتير
كيس متعبي ونسجه حرير
أما صاحبها راجل خنزير
يلزمه مكبس أو خراطة
تطحن عضمه طحن سلاطة
وتسلم لينا بنت حداقة
وفضل الحال ع دا الموال
واللي خربها عبد العال
سلقط ملقط وزه بتلقط
واللي ما عاجبه يسكن بلمان

بقلم // سيد يوسف مرسي