[عبير محمد]

نــــدى العبيـــــر

انت حبيبي انا
حق ازعل واغير
حق احلم واطير
وانت بكلك معايا
نجم وسابح ف سمايا
ليه من غيرتي تزعل
وانا عايشة بيك وليك !!
..........................
عارفة انك ويايا
قلبك دايب في هوايا
حبّك ساكن جوايا
طيفك عايش معايا
ومنايا ألاقيك
..........................
تقابلني بدحكة حلوة
تبادلني الشوق بغنوة
نرسم احلام لبكرة
تطرح ورد ومحبة
ف قلوب م الهوا دايبة
تغني ليا وليك
..........................
موال قلبي يلالي
وانت بتقول تعالي
اسمع دقاته تمرح
والعين بيك بتفرح
وبشوق نبضي يغنّيك
..........................
وِفــْ يوم لحظة لقانا
غنى ربيع هوانا
وحنين جوايا يجري
لمكان شفته بعنيك
..........................
روحك شلال مودّة
تزرع ف القلب وردة
ترويها بنبع حبّك
وعبيرها بيناديك