[محمد طرزان العيق]

المشاركة الأصلية كتبت بواسطة وفاء أمين

من حطّة إيدك يامّه
للمُصحف والسِبحة
وبسمتِك الِسمّحة
على سجادة العَصرْ
روحِك في المِسك الماضي
في البيت الفاضي
بتملا وجودِكْ
بتنّشأ ف منامي
على صُوتِك
--قوم افِطر ياابني معايّا
اغَضبْ من كُتر غبايّا
وازعّق لِك
يوووه بقا يامّه
مِش قايم ولا ناقصِكْ
فاتشدي غَطايّا بحنيّة قلبِكْ
طّيب يابني
خليكْ على راحتكْ !
ايييه يامّه..
بتفوت على جوعي ايام
ومقضّيها أي كلام
وأوانى المطبخ مستكفّية
عالرّف بإيدك مَكفّية
رِزقهَا غايب ومصّدية
من بعَدِك يامّه
الطاسه آهي ولِعتْ
مِسكّت فيّا !
وعناكِبْ قاعدة
بتغِزل شالِك
بَسمع صُوتِك
فى زوايا البيت
صورتِك قدامي
وبتحكي كلامِكْ وكلامي
والكنَبه حبيبتك مليانه تراب
رجليها اتكَسرت مهو موت وخَرابْ
وصينية عليها سبِرتايّه
طّفاها غيابِك
وبواقي البُن اللي اتشقّق
من فنجِالِك
والكنَكة الصفرا عّلى ايديها
بصَمات احلامِك
آه يامّه ..
سيبتيني لقهري
اتحّنى ضهري
من كُتر نِدايا لايامِك
مع اني بإيدي نِزلت دفنّتِك
معرفتش ارقد جنبك
شَدوني ساعتها وانا حاضِنك
من يومها بحّن اوي لحُضنِكْ
ودعُاكي الطاهِر ف صَباحي
من غِيرك يامّه انا دلوقتي
عايش مِش عايش
وبمووووت من بعِدك
وانا صّاحي!
وفاء امين

دامَ يراعكِ٠٠٠
كل قواميس الدُّنيا لا تكفي لوصف حنان الأم وتضحياتها
ولذا فالجنَّات تحتَ أقدامِ الأمَّهاتْ٠٠٠
رحم الله أمَّهاتنا وغفرَ لهن وأطالَ في عمر الباقيات٠
كل الإحترام والتقدير