غردت الروح بعماق
عشق مروي يا للا
خفقت غريب لسماع
موحش النعناع كٌّْبالا
عنى بزاف مخطاه قاصد الكاف
عطف النون ما يتسالا
حقول وبساتين ولا حراز
على قد شوف العين لا جلالة
حامل فجوفو خيرات وعناقد جوهر
مسك الصخيرات يا مبختر أولا لاّ
طارت معزا إلى افهمت المغزى
بلارج زادوه غرزة سالو حلالة
قتلوه بلفقصة سباوها فواد سبو
يبكي شابل فقداتو ساحة الدلالة
فاكية ديال لمهدية اختارها بالحبة
ومنها قبة وراها عقبة يالالي ولالا
هذاك سيدي بوغابة محمية خلابة
من عالي على سهول وسواني طلالة
تَمّه لاموني لرسام من ترفاس الكاموني
لمولاي بوسلهام ما مشى للزوالة
الله عليك يا بو لقنادل خضرة ولحم
بقر وغنم ما يحبو لبسالة
مجاور شاطئ الأمم يا ليحالتو حالة
ضواحي سلا النبالة ولخلالة
ليلها طويل والشمع إسيل دموع تلالى
راها تناجي بورقراق منوض البلبالا