صباحك يامصر زى وشك

[دينا سعيد عاصم]

صباحك يامصر زى وشك جميل وحزين
ياللى وجعت القلب على حسك سنين وسنين
عاشقة يامصر ترابك الحنة
نفسى يامصر تعودى زى زمان كما الجنة
فاكرة يامصر "صباحك الوردى اجمل صباح عندى"
اسمعها قبل ماروح الصبح مدرستى
قلبى يغنى يامصر يابنتى وحبيبتى
فاكرة يامصر "المريلة الكحلى"
وشاب اسمر عيونه من بعيد لبعيد تلمح لى
تشغل الاغنية حلوة تصرح لى
الرقة دايبة فى الخجل والذوق
امشى بثبات مطمنة ورافعة راسى لفوق
فاكرة يامصر رغيفك البلدى
كما وجه بنت صبوح بقلب رقيق ومتندى
امشى فشوارعك متذوقة نضيفة
الناس ببساطتها عمال فتراحيلها
فلاح ومحنى لها وصنايعية حريفة
دكتور مهندس صيت عابر بلاد وبلاد
وبنات بخيرهم فأى بلاد تصون اعراض
اسمع " يا احلى البلاد يابلادى" اغنى واغنى
ارقص وانط وقلبى سعيد لبكرة الحلو مستنى
احضن دروسى وعيلتى وجيرانى
ميهمنيش ان كان ده مسلم ولا نصرانى
انا اصلى من المنصورة والعزة واخدانى
آآهين يامصر عاللى باحسه دلوقت
دانا بابكى لوغنوا نفس الغنوة من ضيقتى
باشوف عيونى مش عيونى ولا هى دى مرايتى
ولاهى دى مصرنا ولاهى دى نهايتى
ابكى تهزنى ايد الصغير امسح على شعره
اشوفه عودة لحكايتى
مسكين ماهوش دارى باللى مستنيه
ياماكان فى نفسى ارشقه فالارض زرع ارويه
الارض بارت والولاد زى العيدان الخضر
عاشقة يامصر ترابك بس شايفة الغدر
خايفة على عيون الصغار من العسس ومن الضلام والقُدْر
خايفة ولسه بحلم ييجى على ولادى
هوا بلادى ويملا الصدر
وتطبطب عليهم ارضنا وسمانا والقمرة
ويغنيلهم "منير" فى عشق البنات "والمريلة الكحلى" و"الليلة ياسمرة"

1- العنوان مقتبس من مقال بلال فضل "صباحك يامصر زى وشك"
2- "يابنت يامو المريلة كحلى ياشمس هالة وطالة مالكولة لو قلت عنك فى الغزل قولة ممنوع عليا ولا مسموح لى" اغنية صلاح جاهين يغنيها منير "مودة فى اواخر ثمانينات القرن الماضى بين تلاميذ الاعدادى"و"الثانوى"

[عبير محمد]

الله

والله استمتعت بهذا الصهيل الذي تنسّمت فيه عبق ارضي

وعطر بلادي وذكرياتي وايام الطفولة

مااجملك الشاعرة الوارفة بنت بلادي العزيزة دينا

كم راقتني هذه الحروف التي غنّت معها الروح

وتراقص على انغامها القلب

دمتِ بهذا الألق غاليتي

ودام نبض قلمك الغاية في العذوبة والنقاء

تقبلي مروري

مودّتي وورودي

اميرة الإحساس

[دينا سعيد عاصم]

الشاعرة الرقيقة اميرة الاحساس عبير محمد

اسعدتنى سعادتك يا اختاه..كونى دوما كما انت بهذه الرقة وهذا الالق....

دينا سعيد

[سيدة الشولي]

الجميلة / دينا سعيد
مصادفة جميلة يا دينا أن أجدك هنا
ونص فيه من البراءة ما يشبه براءتك وطيبتك
وبساطتك
تحية لنصك الرقراق
ولك غاليتي

أختك
سيدة

[احمد بارود]

هذه الملامسة البريئة لمصر في اولادها وبناتها وغناها وماضيها .. حاضرها والأمل .. لكنها ملامسه حزينة أيضا .. بينما مصر هي الفرح القادم لكل العرب بأمر الله .. تحياتي استاذه دينا عاصم

[دينا سعيد عاصم]

الاخت الرائعة سيدة الشولى
بل اسعدنى مرورك فهو غاية التكريم...فاشملينى دوما برقتك...

اختك دينا سعيد

[دينا سعيد عاصم]

الاديب الفاضل الاستاذ احمد بارود...
ما ارق مرورك والطفه..مفعم بالامل ..صدقنى الامل عَدْوىَ وانا اتعديت منك...شكرا لتواصلك الجميل

دينا سعيد

[حسين حرفوش]

@@@
واحكي ..

وقولي .. يا ( دين ) ..

عن حلوة الحلويين ..

فاردة ..إديها لنا ...

والعين سقاها الضنى

وضهرها ما انحنا

في إيد غراب البين

يا شهرزاد عصرنا

لجلك ..عشقنا الكلام

لجلك .. غوينا ..الغـُـنــا ..

لكن .. أشوفك فين ..

@@@

[دينا سعيد عاصم]

الشاعر الرائع حسين حرفوش

رد اثرى النص وفاقه حلاوة وروعة...دمت لى بهذه المودة والرقة ...تقرؤنى دوما بعين الاعزاز..فكن دوما كذلك

دينا سعيد

[نافع سلامة]

مصر نعمة واللي يكرهها يعمى
مودتي

[دينا سعيد عاصم]

الاخ الشاعر الكريم نافع سلامة

نعمة واللى يكرهها يعمى..حقيقة..بس ماحدش بيكره مصر..وقال عمنا جاهين
انامصر عندى احب واجمل الاشياء
احبها بعنف ورقة وعلى استحياء
واشتمها والعن ابوها بحب زى الداء
واسيبها واهرب فدرب وهى فى درب
وتلتفت تلاقينى جنبها فى الكرب

بوركت وسلمت يدك

دينا سعيد

[عبدالرحمن لطفي]

الأخت الكريمة دينا

لا أجد ما أقول سوى مصر أم الدنيا ستبقى كذلك مهما عبث العابثون

لك كل الاحترام والود

عبدالرحمن

[دينا سعيد عاصم]

الاخ الكريم الشاعر عبد الرحمن لطفى

هذا الحب هو مايستفزنا لنقاوم "العابثين" ..

دينا سعيد عاصم

[علي عضيبات]

همس الابنودي

مصر كبيره وتبقى كبيره

وتستاهل الحب والعطاء

كل الود والاحترام