11-11-2020, 03:22 AM
|
رقم المشاركة : 1
|
معلومات
العضو |
|
إحصائية
العضو |
|
آخر
مواضيعي |
|
|
لكني عاشق مختلف
اقتباس:
المشاركة الأصلية كتبت بواسطة طارق المأمون محمد
بسم الله الرحمن الرحيم
اعتراف
أنا بَعْتَرِفْ
أنا زَيِّي في حُبِّك ألِفْ
فينا البِكَفْكِفْ في الُّدموعْ
فينا الدموعو أبَتْ تجفْ
فينا الِبناغِم في النجّومْ
زَيْ التّقُولْ بينهم ولِفْ
فينا الِبقوقِي مع الطيور
جِنْحاَتها زَيْ قَلبُهْ بْترِفْ
فينا الِبنوم يَحَلْم تَجِيهُ
كَطَيْفْ جميل فاق الوَصِفْ
فينا البِخاْف لَمّنْ يِنومْ
النومْ بِطيفِك يِنْغَرِفْ
لا يلاقي طيفكْ في المنام
لا النومْ يجيبِكْ و يِنْصَرِفْ
فينا البِجَدِّعْ في الحجار
فينا البلقِّطْ في الصَّدَفْ
واحدين يِشَخْبِطُوا في الرِمال
واحدين يبَحْلِقوا في الَّسقِفْ
فينا الثباتُه كما الجِبال
يِطراكِ يَبْكي و يِرْتجِفْ
واحدين بِيَعْصِروا في الُّضلوعْ
خايفين ضُلوعُهم تِتْنَسِفْ
واحدين يقَلِّبُوا في القِلِيبْ
قايْلِنُّه مِن ريدِكْ تِلِفْ
واحدين يِفَتِّشُوا في القلوب
كايسِينْلِهُمْ واحد سَلَفْ
فينا اللضاع وَتَرَ الكلام
ضَيَّعْ حُروفُه حَرِفْ حَرِفْ
فينا الكلامه كِتِرْ وراك
يرطُنْ كلامْ ما بِنْعَرِفْ
واحدين يِشَتّتُوا في العُيون
خايفين غَرَامهم ينكشِفْ
واحدين عَدِيل فَضَحُوا الغَرام
عارفينه لي عيونهم هدَفْ
واحدين يِحَرْسُوكْ في الطريق
شان يبقى من حُسْن الصدَفْ
واحدين يقابلوك يِعْرَقُوا
مَطَر الخريف فوقُهم نَزَفْ
تانيين يشوفوك ينْشَفوا
تَشْفَقْ تَشُكْ قَلِبُهم وِقَفْ
ناس قاموا يوصفوا في العيون
قالو السحر ما بِتْوَصِفْ
خمسين يمينهم في الكتاب
قالوا الكلام تحت الكتِفْ
السالموك حلفوا الحرير
ما بختشي وما بِنكَسْفْ
فينا البِيَسْمَعِك ينتشي
يرْقُصْ تَقوْل سامع عَزِفْ
ناس شالوا خاتم و جَرّبوه
قاصدين مقاس فوق الرَّدِفْ
عشرين بيحاكوا فْمَشْيَتيك
سوُّوا البِدَعْ قالوا بتَلِفْ
تانين بِحَنِّسُوا في النسيم
خايفين علي خَدِّكْ يجِفْ
ناس ضاعوا في ليل الخُصلْ
جَزَموا الصباح ما بنكَشِفْ
أنا داير اقول
أنا بعترف
أنا ليك عاشق مختلف
لكني واحد من ألِفْ
لي كل زول في حبه ليك
يا إنتِ أسلوب مُختَلِفْ
5 مايو 2010
|
ااااااااااااااااا
|
|
|