|
♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
|
أدوات الموضوع | انواع عرض الموضوع |
18-04-2014, 05:32 AM | رقم المشاركة : 26 | ||||
|
رد: أغنيات كنانيه
(26)
آه يا ناريْ !! ( 30\10\1973 ) آه يا ناري آه يا ناري مين يِروح ياخُد بتاري ؟ مـِاللـِّي حاشُو عن بلـَدنا نِسمِة الشوق في العصاريْ ؟! يا بلدنا ارتاح " بِلالِك " لمـَّا شاف الزند صاحي والأمل في الأرض مالِك في مَمالـِك تاجها من لولي جراحي ندهَه مِنـُّه وركعَه مِنـِّكْ تِكتِمِل سورِة سِلاحي والنبي يبارِك رجالِك : دَه وزير جوَّه الوَزارَه دَه غفير بيْداديْ حارَه ده يطير وِيغَنـِّي غارَه ده أمير وانتِ الإمارَه بالأَمارَه إبن بطنِك مات في حُبـِّك ضَمـَّه مِنـُّه وبوسَه مِنـِّك تِطرَح الألحان كَناريْ آه يا ناريْ ! ده " مِجاهِد " مالـُه مالـِك حَبـِّك فيومـُه وليلـُه وفحنين القلبِ شالـِك لمـَّا يِطلَع في نَهارِك يِكتِمِل في الليل هِلالـِك " والزَّناتي " الفَهلَواتي قالها شاري يوم ما قال : كلـِّنا لو قلتِ آه نِسبَقِك ونموت بِدالـِك لَجلِ ما تِرجع بيوتـِك للحَواريْ آه يا ناريْ ! " بَسيوني " ودَّع حِتـِّتـُه جَمـَّع ولَمـَّع هِدمِتـُه وفقَطرِ تِسعَه وشالْ بَقُـلـُّه فين يا مسافِرْ ؟ قَللـّي وِقولـُه مَدفَع وِفزِندُه شُعلـِةْ نار : رايِح حِدى الكَنالْ ! والمَرَّه دِه يا " عْليوَهْ " حنطوَّل المِشوارْ ! حاخـُد غُنا وْمِوَّالْ واعبُر لسينا الغاليَه وارجع لـُكُم بالغاليَه وبألفِ ألفِ نهارْ ! سافِر ولونُه مَدفَع وفزندُه شُعلِةْ نارْ ! بَقـُلـُّه : إمتى وفينْ ؟ قال : أجِّلِ السؤالْ ! وفقَطر تِسعَه وشالْ ! داريْ ، وانا اللـِّي يومها ما اعرَفشِ إنـُّهْ الداريْ ! وآه .. وآه يا ناريْ ! يا " سِويـلـَم " إوعى يِفلـِتْ ! فهـِّمُه الدَّرسِ بأًصولُهْ ! وَدِّي " سامـَك " لاجلِ يِفرِد للخواجَه عَرضِ طُولـُهْ ! وَكـِّلِ وْحوشِ البَراريْ !! آه يا ناريْ ! واد حِليوَه اسكَندَراني تِنزِل شْباكـُه الكَنالْ وَدِّ يِصطاد حَندَقـَه وكَروَه وبوريْ قام طِلِعلـُه في الشـَّبـَك حـِلِّ وْحَلالْ ضِفدَعَه وسَردينَه نايلونْ إسمَها " عَسـَّافْ يَغوريْ " يا " يَغوريْ " وكـُلِّ نوريْ لاجـْلِ ما يعَدِّي وَبوريْ فِالمَعابـِر والكَنالْ جالكـُم الأسطى " مِخيمـَرْ " واد مِزَحمـِةْ واد وِدالْ قـَلـُّكَم دِلوَقتِ دُوريْ جيتَ انـَضـَّفْ جيت اقول للـضـَّلمـَه : غُوريْ ! " بـارْ " مِنـَيـِّلْ ، " ليفْ " مِقـَنـْدَحْ فار يِشـَيـِّلْ لـَمـَّا نِسْرَحْ لو يِباتْ " حِصنـًا مَنيعًا " ، كالغُبارْ عالجـَّزمـَهْ يـِصـْبـَحْ !! أو سَرابْ جُوَّه الصـَّحاريْ ! آه يا ناريْ !! يا " بهيـَّه " خـَلـِّي بالـِكْ دُولْ وِلادِكْ دُولْ رِجالـِكْ تِسلـَمي ويِسـْلـَم تُرابـِكْ لـَمـَّا تِرسِم روح رِجالـِك بُندُقـِيـَّهْ والعَدُوِّ دَه هـُوَّهْ هـُوَّهْ خِيبـْتـُهْ في أرضِ المعارِك هـِيـَّهْ هـِيـَّهْ مَصر يا مَصري الحبيبـَه إسمِك الحِلوِ الأمينْ زَيِّ النـَّجَفْ سَقـفِ حـَلـْقيْ مُبتَداهْ مُنتـَهاهْ القَلبِ - مِيـْتْ شَمعـَه وِنُورْ ليكِ قـِصـَّهْ ولينا قـِصـَّهْ وانتِ روحِ القِصـِّتينْ إسمـِكِ الحِلوِ الجميلْ يِبتِسـِم رغمِ الأنين أصلِ نيلـِكْ دَمـِّنا في العِرقِ جاريْ ! آه يا ناريْ !! يا بهيـَّه خـَلـِّي بالـِك في بلادِ القلبِ حـَتـَّنـِّكْ أميرَهْ إنتِ أختي وإنتِ أُمـِّيْ لَمـَّا يِتـْقالْ إسمـِكِ الغالي أسـَمـِّيْ إنتِ حـَتـَّنـِّكْ وَتـَر ، يِنضِرِبْ ، لَو يِنضِرِبْ حَيقولْ فِيومِ الضـَّربِ ألحانـُه الكبيرَهْ ! في حدودِ الحـُبِّ حـَتـَّنـِّكْ أميرَهْ !!. تِطفيْ ناريْ ! آه يا ناريْ !!. |
||||
|
|
|