إطمئنوا الأمور ماشية وعال العال

[محمد طرزان العيق]

إطمئنوا الأمور ماشية وعال العال
*****************************
كتب صديق على صفحته معتذراً ومستفسراً بأنَّه قد غاب عن الفيس عدَّة أيَّام - وعلى الغالب لمرض مزمن في شبكة الكهرباء- فأحبَبْتُ أن أطمئنه وأطمئن الجميع أيضاً فكتبت له، بعد أنْ حمدتُ الله على سلامته وهنَّأتُه على تحسُّن صحِّة شبكة الكهرباء، بأنَّه لم يفتهُ الشيئ الكثير
1- بالشام الحرب بعدها شغَّالة وعين الله عليها والطرفين ما قصَّروا في بعضهم البعض٠٠٠
2- مخيَّم اليرموك بعدو محاصر وعصفور ما عم بيمُر منُّو ومسلسل الموت جوعاً قد بدأ وهو مستمر من أسبوعين على التوالي٠٠٠
3- التفجيرات اليومية في العراق مستمرَّة والحرب مستعرة في الأنبار وقيل عن النيَّة في جعل كربلاء قبلةً ومكاناً لحجِّ المسلمين
4-في جنوب السودان قامت الحرب بين القبائل والنَّاس ذبَّحوا بعض ومئات الآلاف من اللاجئين
5- في لبنان جندَلوا أحد النواب-وزير سابق والسعوديِّة بدْها تعطتي 3 مليارات دولار لفرنسا عشان يسلِّح الجيش اللبناني[يمكن منشان يحاربو إسرائيل!]
6- وعلى ذكِر إسرائيل فهي ما بتضيِّع وقتهاعَ الفاضي ;الإستيطان ماشي وناويين يضمُّوا إلهم منطقة الغور [لأنها على قولهم منطقة فاضية وبالتالي فهي من حقِّهم] والسُّلطة إعتبرت ذلك خط أحمر[يالطيف ألطف] ،بس المفاوضات ما بيتخلُّوا عنها مشان يحرجوا إسرائيل٠٠٠
7-أمَّا بمصر المظاهرات شغالة والإعتقالات كمان٠٠٠الناس هناك ما بيحسُّوا بالملل و كل يوم في قوانين جديدة٠٠٠وأعلنوا الإخوان منظَّمة إرهابية
8- في ليبيا صار فيها تفجيرات بالسيارات المفخَّخة وفي إحتجاز للوزرا وفي خناقات على حصص البترول!٠٠٠
9-بان كي مون بعدو قلقان كالعادة٠٠٠ مسكين قضَّى هالأمانة العامِّة من قلق إلى قلق وأنا والله خايف عليه بالآخرْ يُفرُطْ ونخسر هالزلمة٠٠٠
10-وباليمن رجعوا الحوثيين يتحركَشوا بالجيش والحكومه ،هاي غير المشاكل اللي في الجنوب
11- وفي تونس بعدها الأوضاع عَ حالها ،يعني يمكن شكَّلوا حكومة وغيرو غيراتو!٠٠٠٠
وبإختصار ما راح عليكو شي إطمئنوا الأمور ماشية بوجودْنا وبغير وجودْنا ٠٠٠٠ليش ، دخيلْكو ، في حدا سائل علينا؟!٠٠٠

محمد طرزان العيق
صوفيا 02.01.2014

[نوال البردويل]

اطمئنوا الأمور ماشية وعال العال

صحيح وكل شي على حاله ما بتغير
الحمد لله اللي إجت على قد هيك
وما فيه تطور جديد لأنه مؤكد إنه راح
يكون مزيد من السقوط ومزيد من التشريد
ومزيد من الانتهاكات و و.......إلخ
من المصائب والتنازلات
وما فيه حدا سائل فينا
نقد لاذع لواقع يتردى يوماً بعد يوم
كل التقدير وتحياتي

[خالداحمدمحمود]

أذا فالتقطع الكهربااااااااااااااااااء