عطر منثور

[أمل عبدالرحمن]

عطر منثور
..........
ياللي تحداني هواك
وعزيتْ علي وصلك
لاتتحدى اللي ما تنحني إلا لربك ،
في صبا همسك في شظايا صمتكْ
في احساسك في قسوتك
ما انقص أنا من دونك
بس تزيدني لمسة قُربك
مثل الورد حقيقي ويموت في ظلال وِدك
.
.
تاج الغلا متمكن في العاليات
أمل يسِهرْ\ يِربِك وجدك
لو انْكَرْتْ لو اخفيتْ يِبانْ
عطري في ضمة حرفك في سكونك
في جرحك
في لهفة وَجْهِك ،
شِفني ان مريتْ اشلون
ألخبط كيانك
كيف يضيع كلامك !
حتى ملامحي بصمة
عجزت تلاقي منها في كتابك
قمت تنزعها من الروح
تهديها للجاريات صِناعة أوهامك ..
وأسمع صدى صرختك من بعيد
تضج من سهام مسمومة في ثنايا أيامك
هذي أوهامك هذا سرابك
صاروا جلادك
تفننوا بانهيارك
.
.
تِذَكًر يوم قال دمعي
’محال الحقيقة تكون مثل الوهم
محال الجبل يذوب من غيث سحابة ،
لاهذا مو غرور ..
هذا بعض ماعندي
ألحان أعزفها قصايد في باهي سحرك
مراسيل شوق أرسلها قوارب في بحرك
حب عف فارق في ابتسامة نفسك
.
.
يمكن أخفيت عنك دمعي وقسيتْ
لكن بداخلي بركان يهتز من حروف اسمك،
هو صحيح إني بحبك تماديت ؟!
وإلا أنتْ اللي في صدق السنين زاد ونين جَمركْ !
مثل الضلع أنا انخلقت من عطش صدرك
لاتكسر الضلع ويصعب بعد المعاناة جبرك
بس الأكيد إنك روح الحياة
وأدري إني الشهد الغالي في نبضك ..
بس متى يكون وصلك ؟!
ما اسمع ...!
قول ...
أمل أحبك
أمــــل ..