بيان هام - ۩ أكاديمية الفينيق ۩



لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: إلى السارق مهند جابر / جهاد دويكات/ قلب.. (آخر رد :أحلام المصري)       :: طيور في عين العاصفة* (آخر رد :عبدالرحيم التدلاوي)       :: الأصمّ/ إيمان سالم (آخر رد :إيمان سالم)       :: حلم قصير وشائِك (آخر رد :أحلام المصري)       :: ،، نهرُ الأحلام ،، (آخر رد :أحلام المصري)       :: جبلة (آخر رد :أحلام المصري)       :: إخــفاق (آخر رد :أحلام المصري)       :: ثلاثون فجرا 1445ه‍ 🌤🏜 (آخر رد :راحيل الأيسر)       :: الا يا غزّ اشتاقك (آخر رد :ممدوح أسامة)       :: الأزهر يتحدث :: شعر :: صبري الصبري (آخر رد :ممدوح أسامة)       :: صَمَتَ الليل؟ (آخر رد :ممدوح أسامة)       :: الادب والمجتمع (آخر رد :ممدوح أسامة)       :: مقدّّس يكنس المدّنس (آخر رد :ممدوح أسامة)       :: تعـديل (آخر رد :الفرحان بوعزة)       :: رفيف (آخر رد :عدنان عبد النبي البلداوي)      


العودة   ۩ أكاديمية الفينيق ۩ > ▆ أنا الفينيقُ أولدُ من رَمَادِ.. وفي الْمَلَكُوتِ غِريدٌ وَشَادِ .."عبدالرشيد غربال" ▆ > ⊱ مَطْويّات⊰

⊱ مَطْويّات⊰ للنصوص اللاتفاعلية ..

إضافة رد
 
أدوات الموضوع انواع عرض الموضوع
قديم 02-04-2018, 10:05 PM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي بيان هام

بيان هام

**********************
يا جماهيرَ أُمّةِ الفيس بوك العظيمة٠٠٠٠
في هذه المرحلة العصيبة التي٠٠٠٠ قاطعني صوتي الداخلي بحدّة وصرخ : وَلَكْ أسكتْ , أسكتْ هاي الكليشة النّاس حافظينها و ملُّوا منها ٠٠٠٠خَلصْ حُطْ ع الرابع وأدخل بالموضوع على طول , فعلاً أنا سكتت و فكّرت انّو كلامو مزبوط وهيَّاتني رح أخش في الموضوع بدون إحم ولا دستور٠
صباح الخير ، واقولها إلكمْ بملء الفم وأنا أتنفّس الصعداء كمان... ومش رح تتصوّروا مدى سعادتي وأنا أدوِّن كلماتي٠٠٠٠
بصراحة - ومن فرحتي- مش عارف من وين أبدأ هذا البيان الهام٠٠٠٠
هل يا ترى بالإعتذار من حضراتكم ، أمْ بِلومْ نفسي وتقريعها؟!... بس أنا بعرف إنّو قلوبكم طيبة ورح تسامحوني ع عملتي السودة٠
في حدا عاقل بيعمل هالعملة٠٠٠٠أنا , ومن على هذا المنبر , اعلنُ الندمْ وأبوسُ القَدمْ٠٠٠٠٠قالْ شو انّو والله اليوم أول نيسان ولازِمْ أدبّرلي شِي كذبة تليق بمقامكم , ظنيت حالي فالح وفهمان ’ قمت من زود فهمي- زي ما إنتو شايفيين - وقعت بشر أعمالي.
والله محتار شو اقولكم٠٠٠٠
يعني السنة الماضية كتبت إلكم إنو السعودية وجّهت انذار لإسرائيل و على إثر ذلك - وبالغلط-هاجمت اليمن , ما صدّقتوني٠٠٠٠طيّب يعني لو قلتلكم انّو مارك زوغربرغ صاحب الفيس غيّر المهنة تبعتو ، كمان مشْ رح تصدقوني , فقلت ما في غير اني اريحكم من كذباتي ولو ليوم واحد بسْ٠٠٠٠
ما بتتذكروا انّي من زمان كتبت انُّو انا من عشاق الشاعر الكبير "أحمد مطر" وأحَبُّ بيتِ شعرٍ إلي منّو هو البيت العظيم : (انا الكذاب فلا تصدقوني)٠٠٠٠مزبوط ويللا لأ ؟؟!٠٠٠٠مَهُو أنا هيك فعلاً٠٠٠٠و ''جاجْتِن حفرَتْ ع راسْها عَفرتْ!''٠٠ وهاظا اللي صار مع حضِرتْي٠٠٠٠ دَخّلتْ ع حَالي غولْ ''هدف'' ، ومتل ماقالوا ; '' إللي من إيدو الله يزيدو!''..فَـ مشان الله تسامحوني.
مشكلتي إنّي ربّطتت إيديّي وإجريّي بهذا اللي ما يِتْسماشْ لمَّا تفصْحَنِتْ وأعلنِتْ ، بل كذبِتْ بأنِّي مش رحْ أكتِبْ بالفيس " حتى إشعار آخر"٠٠٠
خَرْجي وانا بستاهل أكتر مِن هيك مَهو كمان انا لسانِي طويلْ , ومش بس هيك وفوق هاظْ بالع راديو كمان٠٠٠٠يللا طِلْعت من حَظكو وإرتحتوا شوي منّي!.
بس,اي والله والحمد لله , ها قاد جاء "الإشعار الآخر"٠٠٠٠وبصراحة أنا كنت عم انتظر ساعةْ قدومه لهاظا "الإشعار الآخر" بفارغ الصبر٠٠٠٠ قالْ شو إنّو حبِّيتْ ارتاح من الكذب ولو ليوم واحد, هو يوم الاول من نيسان!٠٠٠٠
بس , وَلاكِنْ , مَهِي حياتنا للأسف كلها كذب في كذب , ظنّيت اني ارتاحْ واريِّحكم ، ولكن هاي كانت اكبر عقوبة إلي : انّو كيف اصبر اربع وعشرين ساعه بدون النت وبخاصة الفيس؟! .
اعوذُ بالله هذا هوِّ المستحيل بعينو٠٠٠٠بَسْ عَبَثْ!٠٠
إن شالله فكّرتوا إنّو انّي سكّرت الإنترنت , أنا أصلاً ما طلعت منّو , و كنت طول الوقت قاعد اتلصّصْ واتجسّسْ عليكم ٠٠٠٠ ومتل ما بتعرفوا : اللي فيهْ عادة مش ممكن يتركها٠٠٠٠
أودُّ ان اعتذر لكل المحبّين عمّا سببته لهم من ازعاج وخداع ومُكر وخُبثْ - وهذا بالطبع ما تتطلَّبُه هذه الكذبة -
وفي نفس الوقت احب ان أطمئن الشامتين ، الذين تنفسوا الصعداء بأني سأكفُّ أخيراً عن ازعاجِهم بكتاباتي , فاقول لهم : خَسئتم , انِّي لنْ اصمت وعن الحق فلنْ أسكت٠٠٠٠وبحِبْ أقوللهمْ يافَرحة و ما تمّتْ : فلا قلمي إنكَسرْ ولا صوتي إنكَتَمْ٠٠٠٠وافكاري ما إندَثرتْ وزيّ ما بيقولوا عَقلاتي بِراسي وبَعرفْ خَلاصي٠٠٠٠
المُهم يا جَماعةْ الخير هاي "الإشعار الآخر" قد أتَى , والحمد لله بسرعة , و هيك ستعود اليكم خَراريفِي وشَطْحاتي وزنَاخَاتي٠٠٠٠أُحيِّي كل من كان متفائلاً وحزِرَ بانها مجرَّد مزحة وهم كثُرْ و بدون أنْ أذكر اسماءهم ٠٠٠٠أسجّل لكم جميعاً كاملَ إحترامِي وحُبّي ، وأقدّرُ لمَنْ صدّق كذبَتي وجَزَعْ ، فأخصُّهم بالإعتذار وبكثيرٍ من الإعتزاز والفخار بهم أيضاّ وأشكرهم على مشاعرهم النبيلة٠٠٠٠ وقد صدَقَ البعضُ حين قالوا ; مَنْ لم يتركْ الدُّخان فلنْ يستطيع ترْك الفيس والله وهذا سوسة٠٠٠٠اي والله سوسة٠٠٠٠وكما قال آخرون : لا مفرَّ من الفَسْفًسَة أو كما أحبُّ أنْ أقولْ الفًسْبَكَةْ ، ما تآخذوني ع الاطالة٠٠٠٠بس عنجد اشتقتلكم كتير ، كتير, اي والله ، كُومَاتْ وكُومَاياتْ٠٠٠٠
شكرا من القلب لكم جميعاً سواء للّي انخدعوا أو للّي كَشفوني
والله أنا كنتْ عَم اقرا تعليقاتكم وعَمْ أتفَتّفتْ من جُوّا , بس شو بدي أساوي , كنت عم استنى هادا ''الإشعار الآخر'' تا يجي مشان ارجع اكتبْ٠٠٠٠
عنجد إنكم , والله, ذبَحتونِي بتعليقاتكم الاكثر من طريفة ورائعة وغمرتوني بلطفكم ومحبتكم , وانا كمان -يشهد الله - بحبكم كتير!.
واخيرا جَا هذا ''الاشعار الآخر'' ، الله اكبر ، انا في حِلمْ ويلّلا في عِلمْ ، وزيّ ما يقولوا اخوانا السودانيين ؛ انا زاتْ نفسي مش مصدقْ نفسي انو دا حصل.....الحمد لله كابوس وانزاح عنِّي
أوعدْكم إنُّوا هذا مش رحْ يتكرر مرة تانية , بس لا تنسوا مقدارْ محبْتِي للشاعر احمد مطر , واللي ع راسو في ريشة دايماً بِحَسّسْ عليها. ومرّة تانية أعتذر عن الإطالة , بس شو الفائدة ما إنتو عارفين البِيرْ وغطاه والسلام ختام على كل الأنامْ٠.
اشتقت لكم كتير كتير ٠

م.ط.ع
--------------------------------

ملاحظة : هاي مش إختصار إسمي ولكن هاي هيّي إختصاراً للأحرف الأولى من عبارة "مشيت طبعا عليكم"
02.04.2016






  رد مع اقتباس
/
قديم 04-04-2018, 10:31 AM رقم المشاركة : 2
معلومات العضو
هيام صبحي نجار
عضو أكاديميّة الفينيق
تحمل وسام الأكاديمية للإبداع والعطاء
فلسطين

الصورة الرمزية هيام صبحي نجار

إحصائية العضو







آخر مواضيعي

هيام صبحي نجار غير متواجد حالياً


افتراضي رد: بيان هام

ببقولوا حبل الكذب قصير .. حتى في أول نيسان
وكمان بيقولوا المسامح كريم
يلا ... خيرها بغيرها
تعيش .. ويعيش الفيسبوك






نعبُّ الكأسَ من ألقِ المعاني ... وتَعْبَقُ في مناحينا الأماني
ربوعُ الشعْرِ منتَجَعُ الأماني.... بحورُ الشعرِ يا أحلى المواني
  رد مع اقتباس
/
قديم 20-04-2018, 11:31 AM رقم المشاركة : 3
معلومات العضو
زياد السعودي
الإدارة العليا
مدير عام دار العنقاء للنشر والتوزيع
رئيس التجمع العربي للأدب والإبداع
عضو اتحاد الكتاب العرب
عضو رابطة الكتاب الاردنيين
عضو الهيئة التاسيسية للمنظمة العربية للاعلام الثقافي الالكتروني
الاردن

الصورة الرمزية زياد السعودي

افتراضي رد: بيان هام

يشدني خطك الساخر
شكرا على الاضافة
ومحبة






  رد مع اقتباس
/
قديم 20-04-2018, 10:15 PM رقم المشاركة : 4
معلومات العضو
غلام الله بن صالح
عضو أكاديميّة الفينيق
عضو تجمع أدباء الرسالة
يحمل أوسمة الأكاديمية للابداع والعطاء
الجزائر
إحصائية العضو








آخر مواضيعي

غلام الله بن صالح متواجد حالياً


افتراضي رد: بيان هام

نص ساخر جميل
دمت بحرفك الناقد لما في المجتمع من سلبيات
مودتي وتقديري






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 06:11 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط