لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ... |
|
أدوات الموضوع | انواع عرض الموضوع |
08-09-2018, 03:05 AM | رقم المشاركة : 1 | |||
|
شو هاظا الأرق؟!٠
شو هاظا الأرق؟!٠ *********************** أنا مِستغرِبْ كيف إنُّو في ناس بيِشْكوا من الأَرقْ٠٠٠شو هاظا الأَرَقْ؟!٠٠ عرِفتْ بعدين إنُّو يعنِي ; عدم القدرة عَ النُّوم٠٠٠قلت هَاي هِي الشَّغلِة٠٠٠ إييهْ بسيطَة !٠٠ أنا - واللهِ - كنتْ مفَكِّر إنُّو شِي تَاني ومِحرِزْ٠٠٠قلتْ لَحَالِي الحَمدُ لله أنَا هاظَا الشِّي غريبْ عنِّي وفشْ عِنَّا مِنُّو في البيت٠ وبعدينْ أنَا ، بينِي وبينكُو، قلِقِتْ، وخُفِتْ إنُّو شِي يومْ هِيكْ -مِنْ غيرْ إحِمْ ولا دَسْتُورْ- هاظَا الأَرَقْ يقرِّرْ ييجِي يزُورْنَا، ويتْسَلَّلْ لَعِنَّا فسَألِتْ /ومتِلْ ما بِيقُولوا ; اللِّي بيِسْأل ما بِيضِيعْ أو ما بِيتُوهْ/ : - و مِنْ إيشْ دَخِلْكُو ، بيِيجِي الأَرَقْ؟!٠٠ رَدُّوا علَيِّ الناسْ الفَهمانِينْ ، وقَالولِي : إنُّو هاظا الأَرَقْ بِيصِيبْ الواحَدْ ، بعِيدْ عَنْكُو وعَنْ السَّامعين ، اللِّي بِيكُونْ رَاسُو تَعْبَانْ وعندُو مشاكِلْ كتيرْ ومَهمُومْ !!!٠٠٠ فرِحتْ وضْحِكِتْ بعبِّي وقلت : - الحمدُ لله أنا راسي فَاضِيّةْ متِل البَطيِّخة المِخَوْخَة ، يعني المِستويِّة٠٠ قَالْ أرَقْ قالْ ، وعَلى إيش؟!٠٠ مَهِي كُلِّ الأمُورْ عنَّا مَاشْيِة ، زيِّ السَّاعَة و عَالْ العَالْ!٠٠ وكلْ شِي تمامْ ومافِي شِي ناقِصْنَا، والحمدُ للهْ ، بهَالبْلادْ !٠٠ ويللا إنتو إلكُم رَايْ تاني!!؟٠٠٠ أنا شخصيَّاً ، يعني متِل ما بيقولوا العَوامْ ; ''منِّي وعليِّ''، بدِّي أقُولْكُم شَغلة ، بَسْ ما تحِسْدوُني عَليها ٠٠٠ - أنا ، ياجَماعةِ الخيرْ ، أَنامْ في اللِّيلة الواحِدةْ وأخُشْ في سُباتٍ عَميق مِن5 إلى 6 مرَّات ، ويمكِنْ أكتَرْ، يعني أنامْ وأصْحا( أوعْكو حَدَا يفكِّر أنِّي عمْ أغنِّي مع أم كلثوم ; '' مقطع أنام وأصحَا على إبتسامتك'' ، من أغنية [إنتَ عمري] ، على ما أعتقِدْ) ، وأرجع أنام وأصْحا عدِّة مرَّاتْ بالليلة الوَحَدِة!٠٠٠٠ بس قالْ في ناس مُغْرِضِين بيقولوا إنُّو هادا نوم ''غير مستقِّر'' و الحَاسدين بيقولوا إنُّو ''نوم متقطِّع''!٠٠٠٠ مُشْ مُهِمْ ، أهمْ شِي إنُّو ما يقُولُوا إنُّو أَرَقْ!!٠٠٠ أصْلاً هَايِّ الكِلْمة بصَراحةْ مَا عَجْبَتنِي ومرَّاتْ بتأرِّقْنِي ٠٠٠قالْ أرَقْ قالْ٠٠٠ نَامُوا تَصِحُّوا وما فازَ إلَّا النُّوَمُ٠٠٠ وتِصْبحُوا عَ خيرْ ، فعَلَى ما يَبْدُو - ياسَيدِي إللِّي مو إنْتِ- إنُّو أَجَتْنِي كَبْسةْ نُومْ، و مِشْ مْنِيحْ أكسِرْ بخَاطِرها ، الله يجبُر خَاطِركو ولا تِقْرَقُوُا( من كلمة '' قَرَقْ '')٠٠٠٠ ملاحظة ; إذا ما فِي كِلمةْ '' قَرَقْ '' باللغة العربيِّة فَدَخْلُّوها فيها وإستَعِمْلوها ، بَسْ لا تِنْسوا تسَجْلوها بإسْمِي٠٠٠ ومْشَان الأمانِة العِلميِّة والموضوعية ، يمكن تكون كلمة '' قَرَقْ '' هي نَفْسها كلمة ''أرَقْ'' ، بس مكتوبة بلغة أهل ''الطِّيرة'' أو ''لُوبيّة'' أو حتَّى ''صَفُّورية''( وهذه هي أسماء بلدات وقرى فلسطينية)٠٠٠شو بيعرِّفني أنا!٠٠٠أنا إللي علَيِّ قُلتُو، وإنشالله يتِّفْقُوا عَ أصِلْ هالكلمة بينَاتْهِنْ، وبالتَّوفِيئ إنشالله وهاي ''التَّوفِيئ'' هي نفْسْ كِلمِةْ ''التوفيق '' بَسْ ، بلغة أهِلْ ''صفد'' و''الجاعونة'' و ''حيفا'' و''الأُدِسْ'' يعني إيلياء أو يور سالِم أي القدُسْ!٠٠ هاي مثلاً السَّاعة تقارب الواحِدة ، بعد منتصف الليل ومِشْ جَاييني نوم ، شو فيها يعنِي؟!٠٠واحدْ بدُّو ينامْ ( يعني أنا)، بسْ مِش قادر ولا عارِف ينام ومشان ما تقولوا إنُّو قَلقَان ، يعني قد أصَابَه الأرقْ ، هيَّاتو ( يعني ; هَا هوَ) عم يكتب ويتسلِّى مَعاكُم و فِيكُم ، مو أحسن مِنْ إنُْو يِتْقلَّبْ ويَتَشَقلبْ في فِراشهِ ذاتَ اليمينِ وذاتَ اليَسَارْ؟!٠٠٠٠ بصراحة أنا مستمْتِع ومكيِّف وعمْ أسمَعْ رائعةَ أم كلثوم ''عوِّدتِ عينِي على رُؤياكْ'' وهي تَشْدُو : [ وأسْهَرْ عَلى ضيِّ مِيعَادكْ ، لما الزَّمان يجْمَع بينَّا٠٠٠أبَاتْ على نَجْواكْ وأصبَحْ على ذِكْراكْ]!٠٠ فِي أحلى مٍن هيك؟!٠٠ ومتِلْ ما شَايفينْ أنا سَهرانْ ، ومو أرْقَانْ [وهاي الكلمة سجلُوها بإسمي] رغم إنّي نعسان!٠٠٠ الله يبعِدْ الأرقْ عنَّا وعنْكو٠٠٠خلِّيه يدوِّرْ عَ غيرْ عنوان٠ خَلَصْ ، بيِكْفِي لحَدْ هونْ لإنُّو يمكن تكُونوا مَلِّيتوا أو إنُّو ،لا سَمحَ الله ، ترُوحْ نَعوُسْتِي أو- من غيرْ شَرْ- تِنكْسِرْ٠٠ الله يستُرْ، بِيصِيرْ بدنَا مْجَبِّرْ وهلأ بِيقولوا ما فِي جَفْصِين أو جَبْصِين ''جِيبسْ'' بِـ هَالبْلاد!٠٠٠ وبَعْدينْ خَلِّينَا سَاكْتِينْ أحسَنْ٠٠٠٠أصْلاً أنا مَا بَحِبْ الحَكِي الِكْتِير واللَّتْ والعَجِنْ٠٠٠٠يييي!٠٠٠٠ سَلامَاتْ ،يا حَبَايِّبْ، سَلامَاتْ!٠ ~~~~~~~~~~ طبعة طازَة ، مَزيدة ومنقحة 08.09.2018 الطبعة الأصلية في 28.04.2014 محمد طرزان العيق |
|||
14-09-2018, 10:56 AM | رقم المشاركة : 2 | |||
|
رد: شو هاظا الأرق؟!٠
نص ساخر جميل
مودتي |
|||
22-09-2018, 10:31 PM | رقم المشاركة : 3 | ||||
|
رد: شو هاظا الأرق؟!٠
هذا هو تحدي اﻷرق ...
ألا تعترف به حتى لو سرق منك النوم تحياتي وتقديري
|
||||
13-03-2019, 03:18 PM | رقم المشاركة : 4 | ||||
|
رد: شو هاظا الأرق؟!٠
اقتباس:
سلامٌ سلامْ
وقبل أر أردّ عليكم ، لابد أن أعتذر عن البلادة والكسل والتأخير في الرَّدِّ عليكم وأتمنّى أن تتقبلوا إعتذاري ولو أنّه غير مبرّر أشكرك على جمال كلماتك وعلى سخائك بالدعم المتواصل لي وأرجو من الله أن يبعد عنكم القلقَ والأرق محبتي وتحياتي |
||||
13-03-2019, 03:29 PM | رقم المشاركة : 5 | ||||
|
رد: شو هاظا الأرق؟!٠
اقتباس:
شكراً أختي أمل بداية أودُّ أن أعتذر عن البلادة والكسل والتأخير في الرَّدِّ عليكم، وأتمنّى أن تتقبلوا إعتذاري ولو أنّه غير مبرّر لأنه أتى من التقصير وقلة الخواص(الكسل)٠ ومرة أخرى شكراً على مروركم وعلى تعليقكم الثمين فأنا سهران ولست قلقان٠٠٠فعلاً هذا هو التحدّي!٠٠٠٠ تحياتي ومودّتي |
||||
13-03-2019, 03:40 PM | رقم المشاركة : 6 | ||||
|
رد: شو هاظا الأرق؟!0
اقتباس:
عزيزي الفاضل الأستاذ جمال
بداية أودُّ أن أعتذر عن البلادة والتأخير في الرَّدِّ عليكم، وأتمنّى أن تتقبلوا إعتذاري ولو أنّه غير مبرّر لأنه قد أتى من التقصير وقلة الخواص(الكسل)٠ شكراً على ''الدعم'' و''المواساة'' فطول السهر وقلة النوم ليس بسبب القلق أو الأرق وإنما كما ذكرتَ هو من الألقِ المنبلجِ ما بين الغسَقِ والشَفَقْ!٠٠ حيّاك الله وأبعد عنكَ الأرقَ وزادكَ ألقاُ على ألق وأعوذ من ربِّ الفلق ٠ |
||||
13-03-2019, 03:47 PM | رقم المشاركة : 7 | |||
|
رد: شو هاظا الأرق؟!٠
عزيزي الفاضل الأستاذ بن صالح
بداية أودُّ أن أعتذر عن البلادة والتأخير في الرَّدِّ عليكم، وأتمنّى أن تتقبل مني إعتذاري ولو أنّه غير مبرّر لأنه قد أتى من التقصير وقلة الخواص(الكسل)٠ وشكراً على ردكم الجميل النابع من جمال وصفاء ذائقتكم٠يسعدني أن الموضوع قد راقكم وشهادتكم بمثابة جائزة و وسام لي٠٠ أدعو لكم بدوام الإبداع ٠٠٠ لا أصابكم الله بالأرق مع خالص التحية للجزائر وأهلها حمى الله الجزائر |
|||
أدوات الموضوع | |
انواع عرض الموضوع | |
|
|
|