لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ... |
|
أدوات الموضوع | انواع عرض الموضوع |
24-04-2018, 04:32 AM | رقم المشاركة : 1 | |||
|
صدِّق أو لا تصدِّق (18+)
صدِّق أو لا تصدِّق (18+)
************************* هاي المرَّة ، وعنجد ما بزِّلْ ع حدا٠٠٠ كل يوم ، لما أفيق ، طبعاً أفتح الكومبيوتر وعلى مابين يُقلِعْ ، أروح أعمل قهوتي في المطبخ ولمَّا أرجع ، أركِّز قعدتي على الكرسي أمام الشاشة وبعدين أفتح صفحاتي المفضَّلة وطبعاَ وأوّلهن صفحة الفيس -للإطمئنان على الرعية- و ثانياً أشغِّل صفحة الكتابة باللغة العربية ( لوحة الكتابة على الشاشة ، فأنا ما زِلتُ أكتب - بعيد عنكو- بالفارة ) وفي الأخير أفتح صفحة قناة التلفزيون المفضلة لي (إسمحولي مش رح أقول شو إسمها - هاي ، من الأمور السياديِّة) مشان أسمع الأخبار وبالتأكيد منشان هيك أحطِّ السمَّاعات على أُذناي!٠٠٠ وهون وصلنا إلى بيت القصيد٠٠٠أنا ، يا جماعة الخير ، ومن غير ما أحلفْ ، صرت أضع السَّماعات ، سواء كان هناك داعي أو لأ٠٠٠ الله وكيلكم صارت هالشَّغلة عندي عادة!٠٠٠ وكتير من المرَّات أنا أحتار من نفسي وأتساءَلْ ; -وَلَكْ شو عم تسمع؟!٠٠ - ولا شي٠٠٠نسيت أشغِّل قناة التلفيزيون!٠٠ - مفهوم ، طيِّب ليش إذاً إنتِ حاطِتهِنْ؟!٠٠ - ما بَعرِف!٠٠٠ وعنجد ما بَعرِف٠٠٠صارت هاي الشغلة (وضع السَّماعات على الأذنين) عادة ، لا و بلْ شرطاً من شروط إستخدام الكومبيوتر!٠٠ جرَّبتْ كذا مرّة أقعد ع الكومبيوتر(مش فوقُه يا جماعة) بدون السماعات ، بسْ ما كانت تزبط معي !٠٠ بتصدقوا إنِّي بَحِّسْ حالي ''فَلُّوصة'' ، طبعاً ، مع فارق التشبيه!٠٠٠ شو جاب ''الرَّاس'' لَـ ''المقْعَدة''؟! ، بس هاظا هوِّ واقع الحال٠٠٠ وعنجد هلأ أنا عم أكتب هذا الموضوع والسمَّاعات على راسي ، رغم إني مش فاتِح لا تلفزيون ولا فيديو ولا حتى موسيقا٠٠٠بالله عليكم مش غريبة هاي العادة؟!٠٠ بسْ ولكِنْ ، وعلى ما يبدو فإنِّي أحِس حالي بالسَّماعات وكإنِّي مغطَّى ومَحمِي!٠٠٠ وبعدين ، بيني وبينكو، بتكون دانَاتي دفيَانة وعلى كل حال إذا ما فادتني ، أكيد ما رحّ تضُرْني٠٠٠٠ شو رايكم هاي عبقرية ويلَّلا جنون٠٠٠ ولله في خلقه شؤون٠ ملاحظة ; اللي بيعرف شو معنى فلُّوصَة ، فَلُطفَاً ، وليسٌ أمْراً ، إنُّو يشرحها لِـ اللِّي ما بيعرف!٠٠لإنِّي بصراحة أستحي أن أوضِّحها لكم ، وأمَّا بالنسبة للمِقعدة فهي المؤخرة ، ولا تضغطوا عليِّي أكثر من هيك ، مش رَحْ أرضَخْ وأوضِّح معنى المؤخرة٠٠٠ بَس ولا يهمكم وتكرموا ، وهاي منِّي ; الفلُّوصَة هوَ مَن كان عاريَ المِقعَدة٠٠٠يعني الجبهة الداخلية تبعتو بتكون مكشوفة!٠٠منيح هيك ، يللَّا إبسطوا٠٠٠ م٠ط٠العيق 18.05.2016 |
|||
25-04-2018, 01:42 AM | رقم المشاركة : 2 | ||||
|
رد: صدِّق أو لا تصدِّق (18+)
سلام الله
ميمون منجزكم طمعاً في رايكم وتعقيبكم نرشح لكم هذا المنجز : http://www.fonxe.net/vb/showthread.php?t=71200 رايكم منارة ود لا يبور |
||||
25-04-2018, 11:57 AM | رقم المشاركة : 3 | |||
|
رد: صدِّق أو لا تصدِّق (18+)
هذا الواقع ...
نصحو لنراجع البريد و الفيس و نتصرف تصرفات لا عقلانية كوضع السماعات لساعات و دون سماع شيء جميل سردك |
|||
30-04-2018, 08:00 AM | رقم المشاركة : 4 | ||||
|
رد: صدِّق أو لا تصدِّق (18+)
صباحك سعيد استاذنا
الساخر ساحر أرى انك تصنع لنا دوما من فسيخ الحياة شربات دمت بخير |
||||
30-04-2018, 06:25 PM | رقم المشاركة : 5 | |||
|
رد: صدِّق أو لا تصدِّق (18+)
الله ، الله كم أسعدتني كلماتكم...لقد اضفت على مقالي ابعاداً أخرى... شكراً لكم من صميم القلب
|
|||
01-05-2018, 06:53 PM | رقم المشاركة : 6 | ||||
|
رد: صدِّق أو لا تصدِّق (18+)
تجيدون الساخر وتغرفون من واقع محزن
شكرا لحرفك الساحر تحياتي
|
||||
أدوات الموضوع | |
انواع عرض الموضوع | |
|
|
|