إحنا إللي خَرَمْنا الهَوا - ۩ أكاديمية الفينيق ۩



لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: الأصمّ/ إيمان سالم (آخر رد :إيمان سالم)       :: حلم قصير وشائِك (آخر رد :أحلام المصري)       :: ،، نهرُ الأحلام ،، (آخر رد :أحلام المصري)       :: طيور في عين العاصفة* (آخر رد :أحلام المصري)       :: جبلة (آخر رد :أحلام المصري)       :: إخــفاق (آخر رد :أحلام المصري)       :: ثلاثون فجرا 1445ه‍ 🌤🏜 (آخر رد :راحيل الأيسر)       :: الا يا غزّ اشتاقك (آخر رد :ممدوح أسامة)       :: الأزهر يتحدث :: شعر :: صبري الصبري (آخر رد :ممدوح أسامة)       :: صَمَتَ الليل؟ (آخر رد :ممدوح أسامة)       :: الادب والمجتمع (آخر رد :ممدوح أسامة)       :: مقدّّس يكنس المدّنس (آخر رد :ممدوح أسامة)       :: تعـديل (آخر رد :الفرحان بوعزة)       :: رفيف (آخر رد :عدنان عبد النبي البلداوي)       :: الزمن الأخير (آخر رد :حسين محسن الياس)      


العودة   ۩ أكاديمية الفينيق ۩ > ▆ أنا الفينيقُ أولدُ من رَمَادِ.. وفي الْمَلَكُوتِ غِريدٌ وَشَادِ .."عبدالرشيد غربال" ▆ > ⊱ السّـــــــــــــاخِر ⊰

⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ...

إضافة رد
 
أدوات الموضوع انواع عرض الموضوع
قديم 17-10-2016, 07:20 PM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي إحنا إللي خَرَمْنا الهَوا

إحنا إللي خَرَمْنا الهَوا
******************
يوم الأحد بالذات وأحياناُ أيَّام العطل بتكون طويلة ومشحونة بساعات إضافيّة إلى حدِّ المللْ٠٠٠ تعودت عَ الحركة وفي الحركة بركة!٠٠٠لذا٠٠٠
اللي عندو كرسي مطبَّش، أو شِي ساعة -يخزي العين عنها- خربانة، أو شي بسكليت مبَنِشْرة عجلاته أو برَّاد مسدودِة نِفْسهْ ومحرِّنْ ، أو حَنفيِّة صايِبْها زكام وإنسدادْ ، أو حدا بدُّو يبيِّضْ الطناجر والصحون ، أو الأسانسير تبع بنايتهم مشلولْ٠٠٠أو إذا في حدا مِنكُم راسُه بوَجْعُو أو عندو-بعيد عنكو - في بَطنُه أو في أي محل تاني(مافي داعي أقول وين - يعني ونتُو أكبَرْ قَدِرْ) دودْ٠٠٠ وغيرها وغيرها من المشاكل٠٠٠ ٠
أنا /ويا خوفي من كلمة أنا/ وهاي أنا سلفاً بحذِّركوا!٠٠٠ أنا مُختص حِجَامة وكَاساتْ هوا ، مقلِّع أسنان بدون بَنجْ ، رافع لِـ بَنَات الأدَنينْ وشَايِلْ اللوزاتْ، خَافِض للحرارة و رافع للسكَّري ، مُطهِّر للكِبارْ والصِغار ولدينا حِجَابات (حُجبْ وتَمائِمْ) لكل البَلاوي٠٠اللي عِجِزْ عنها الطبيب والمداوي!٠٠
بالمختصَر المفيدْ ، حابِبْ أقولْ وأنا أكادُ أذوب منَ التواضع والصِّدقْ والأمانِة ما في شي بعْجَزْ عنُّو٠٠٠يعني شو أقولْكم حِتى إشارات المرور بوقِّفها بِمَزاجِي والسَّاعة مُمكنْ أخلِّيها تِمشِي بالعَكِس (بس بالعادِة ما بَسَاوِيهَا) وزي ما إنتو شافين حَضِرتي مو مسبِّعْ الكارات وبس ،لأ يمكن ،الله وكِيلكم إنِّي ممكن أمارِسْ أي وظيفة أو مهنِة ولو حتَّى إنها مش موجودة أو العلماءْ بَعِدْهُم ما إخترَعوها أو إكتَشفُوها ٠٠٠٠
بتعرفوا يا جماعة الخير /وما بَزِلْ إلَّا عليكو/ إنُّو مرَّة من المَرَّاتْ شركة ناسا الفضائيّة(إيه شركة ناسا ما غيرها) إستدعوني السِّيعَة وَحَدةِ بنُصِّ الليل لإنُّو صار في عطُل فنِّي في المحطَّة الفضائية الدولية المشتركة، وطبعاً ما فشَّلْتهم ولا كسرِتْ بخاطِرهُم وسافرت بنفسِ الليلة وطبعاً عمِلتْ اللازم وشيَّكِت على كلِّ الأجهزة(فحصِتْها واحدْ واحَدْ ) ، ومَا إلْكُو عليِّ يمين إنُّو ما طِلعت الشَّمس إلَّا وأنا في البيت وعم أشرب قهوتي!٠٠٠
فلا تترَدَّدوا ، يا حبايبي ، إنُّو تتصْلوا فينا ، بسْ مِشْ عَ الهاتف لأنو الخَطْ عِندي مقطوعْ ، ولا على الموبايل لإنُّو ما عندي رصيد ، وهوِّ أصلاَ مُو شغَّالْ، وإذا إجا حدا منكُم لعندي فالرَّجاءْ إنُّو لا يحاول يرنْ على جرسنا لإنُّو خربانْ ٠٠وأصلاً الكهرَبا في بيتْنَا مقطوعة لإنُّو الفيوزات مَضروبة٠٠٠٠لذا دُقُّوا على الباب بقوة حتى أسمعكم لأنو كمان جهاز السمع تبعي-يعني هيك بالصدفة- خربان٠٠٠عِلماً بأنَّ البابَ مفتوحٌ لأن مْفصَّليَّاته مكسَّرة وحتّى مكسور خَاطِرها, و بالمناسبة رجلي أنا كمان مطبَّشِة وهي في الجبصين لإنُّو درج البناية مخلَّعْ وتزحلَقِتْ عليه لإنُّو أصانصور بنايتْنا معطَّلْ ، فلا تِنسوا تجيبوا ''بيلْ''(مصباح) أو شمعة معاكو , لإنُّو متل ما قلتلكم , مافي عنَّا كهربا ، وإنتبهوا ما تتزحلقوا لإنُّو الميِّة ، والحمد لله ، فايْضَة عِنَّا!٠٠٠٠

أحبَّتي ; لا تتردَّدوا وتعالوا لَعِنَّا ومافي مشكلة ومَا إلْهَا حلْ!٠٠٠ المَهارَةٌ والإتقانْ لنا عنوانْ ولا خابَ من إعتمد ،بعد اللهِ، علينا٠٠٠
الله يجيب العواقب سليمة٠٠٠ويا إله الكون يا سندي٠٠أنتَ ياربَّاهُ معتمدي٠٠٠ يا إله الكوْنِ خذ بيدي!٠٠٠٠
الدعاية هي 80% من ضمان وأسباب النجاحْ
جرِّبونَا مرَّة ولنْ تُعيدُوها

/طبعة مزيدَة ومنقَّحة/
محمد طرزان العيق
29.03.2015






  رد مع اقتباس
/
قديم 22-10-2016, 11:25 PM رقم المشاركة : 2
معلومات العضو
يوسف قبلان سلامة
عضو أكاديمية الفينيق
عضو تجمع الأدب والإبداع
يحمل أوسمة الأكاديمية للابداع والعطاء
لبنان
إحصائية العضو








آخر مواضيعي

يوسف قبلان سلامة غير متواجد حالياً


افتراضي رد: إحنا إللي خَرَمْنا الهَوا

تحية تقدير لنصك الجميل الساخر الذي اختصر معنى الألم بأسلوب فريد.

بوركت ودام عطاؤك.






  رد مع اقتباس
/
قديم 25-10-2016, 06:17 PM رقم المشاركة : 3
معلومات العضو
خالداحمدمحمود

عضو تجمع أدباء الرسالة
يحمل أوسمة الأكاديمية للابداع والعطاء
السودان

الصورة الرمزية خالداحمدمحمود

إحصائية العضو








آخر مواضيعي

خالداحمدمحمود غير متواجد حالياً


افتراضي رد: إحنا إللي خَرَمْنا الهَوا


اصلوا الكمال لله وحده سيدى
نسيت تترك العنوان ال انت اصلا موساكن فيه
لانك ب كل ها النصوص خليت كتاباتنا زى الصوص جنب الدجاجه
وسكنت قلوبنا ...........






  رد مع اقتباس
/
قديم 23-12-2016, 02:56 AM رقم المشاركة : 4
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحنا إللي خَرَمْنا الهَوا

اقتباس:
المشاركة الأصلية كتبت بواسطة خالداحمدمحمود مشاهدة المشاركة

اصلوا الكمال لله وحده سيدى
نسيت تترك العنوان ال انت اصلا موساكن فيه
لانك ب كل ها النصوص خليت كتاباتنا زى الصوص جنب الدجاجه
وسكنت قلوبنا ...........

بارك الله فيكم ، صحيح أنا مش ساكن بذاك العنوان واللي هو أصلاً مش موصوف٠٠٠بس أنا حاسس إنَّك ح تلاقيني
أشكرك على الكلمات الحلوة ، والكمال لله وحده٠٠صدقت






  رد مع اقتباس
/
قديم 23-12-2016, 02:59 AM رقم المشاركة : 5
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحنا إللي خَرَمْنا الهَوا

اقتباس:
المشاركة الأصلية كتبت بواسطة يوسف قبلان سلامة مشاهدة المشاركة
تحية تقدير لنصك الجميل الساخر الذي اختصر معنى الألم بأسلوب فريد.

بوركت ودام عطاؤك.
بارك الله فيك أخي يوسف
حاولت بأسلوبي المفرط في المبالغة لرسم صورة أغلب شخوصنا٠٠٠٠ نحن نفقَهُ في كل شيئ ،لكنَّا في الواقعِ لا نعرف شيئاً!
٠٠






  رد مع اقتباس
/
قديم 23-12-2016, 06:29 AM رقم المشاركة : 6
معلومات العضو
نوال البردويل
عضو أكاديمية الفينيق
عضو تجمع أدب الرسالة
فائزة بالمركز الثالث
مسابقة القصة القصيرة2018
عنقاء العام 2016
تحمل وسام الأكاديمية للابداع والعطاء
عضو لجنة تحكيم مسابقات الأكاديمية
فلسطين

الصورة الرمزية نوال البردويل

افتراضي رد: إحنا إللي خَرَمْنا الهَوا

طيب شو رأيك إنه هالعينة (أبو العريف) موجودة
بيفشروا وبيكذبوا وكتير من الناس بينخدعوا فيهم
وموجودين في كل ميادين الحياة ومجالاتها!
في كل الأحوال موفق والله معاك
وما تخاف الهبلان كتار
تحياتي أ. محمد
كل التقدير






  رد مع اقتباس
/
قديم 20-03-2017, 03:26 AM رقم المشاركة : 7
معلومات العضو
زياد السعودي
الإدارة العليا
مدير عام دار العنقاء للنشر والتوزيع
رئيس التجمع العربي للأدب والإبداع
عضو اتحاد الكتاب العرب
عضو رابطة الكتاب الاردنيين
عضو الهيئة التاسيسية للمنظمة العربية للاعلام الثقافي الالكتروني
الاردن

الصورة الرمزية زياد السعودي

افتراضي رد: إحنا إللي خَرَمْنا الهَوا

بارع في الساخر
القراءة لكم متعة
بوركتم






  رد مع اقتباس
/
قديم 26-09-2017, 07:45 PM رقم المشاركة : 8
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحنا إللي خَرَمْنا الهَوا

اقتباس:
المشاركة الأصلية كتبت بواسطة نوال البردويل مشاهدة المشاركة
طيب شو رأيك إنه هالعينة (أبو العريف) موجودة
بيفشروا وبيكذبوا وكتير من الناس بينخدعوا فيهم
وموجودين في كل ميادين الحياة ومجالاتها!
في كل الأحوال موفق والله معاك
وما تخاف الهبلان كتار
تحياتي أ. محمد
كل التقدير

وأي مجتمع يخلو من هم على شاكلة هذا الصنف الدَّعِي٠٠يفهمون بكل المجالات ولا تفوتهم شاردة أو واردة
تحياتي وخالص شكري على مروركم العطر






  رد مع اقتباس
/
قديم 26-09-2017, 07:49 PM رقم المشاركة : 9
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحنا إللي خَرَمْنا الهَوا

اقتباس:
المشاركة الأصلية كتبت بواسطة زياد السعودي مشاهدة المشاركة
بارع في الساخر
القراءة لكم متعة
بوركتم
بارك الله فيكم
أشكركم من صميم القلب على الإطراء والمديح وما إنا إلا بتلميذٍ صغير ، أحاول وأجرّبْ






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 01:57 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط