لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: مدرجا باللامعنى الحسير / يحيى موطوال (آخر رد :يحيى موطوال)       :: طقوس شيطانية وتضحيات الأطفال (آخر رد :نجيب بنشريفة)       :: رئيس الأول للمجلس، وذلك تطبيقا لمقتضيات الفصل 148 من الدستور، (آخر رد :نجيب بنشريفة)       :: مشقوقةٌ كل المدن (آخر رد :أشرف أمين)       :: رثاء الشاعر ماجد وشاحي :: شعر :: صبري الصبري (آخر رد :صبري الصبري)       :: تحن لمدينتي (آخر رد :محمود قباجة)       :: يا حلمَ ليلةِ صيفٍ انقضت وبقي الحلمُ عالقاً لم ينته (آخر رد :حنا حزبون)       :: إجهاض صحفية أم إجهاض مهنة (آخر رد :نجيب بنشريفة)       :: يا فادي البطش ... (آخر رد :نفيسة التريكي)       :: لواعج الشوق (آخر رد :ريان خالد)       :: لأنّ ما قبلكم هو أنا ،،وما بعدكم هو أنا ،،، (آخر رد :نفيسة التريكي)       :: عشقتك 2 (آخر رد :سيد يوسف مرسي)       :: يا أيها (آخر رد :نجيب بنشريفة)       :: يا سيدتي 2 (آخر رد :سيد يوسف مرسي)       :: حروف بلا أرصفة (آخر رد :يزن السقار)      


العودة   ۩ أكاديمية الفينيق ۩ > ▂ ⚜ ▆ ⚜ فينيقكم بكم أكبـر ⚜ ▆ ⚜ ▂ > ⊱ السّـــــــــــــاخِر ⊰

⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ...

إضافة رد
 
أدوات الموضوع انواع عرض الموضوع
قديم 10-09-2019, 01:46 AM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي حوارُ النفسِ مع النفسْ!٠٠

حوار واحَدْ مع نَفْسو - حوارُ النفسِ مع النفسْ!٠٠

(واحَدْ عم يشرح لحَالو الوضِعْ)
********************************
-قال شُو اللِّي ما بيِجِي معاكْ ، قال روحْ انتِ مَعُو ...
-بس ما بعرف هاي شُو اسمها مسَايسِة ويللا متَايَسِة...
-لا شو متَايَسِة يا زلمة هاي اسمها تكتكة
- أيوا يعني احلى وأشلْبَنْ من كلمة تنازُلْ...
-صح هيك هي الحياة ، واللي بيِتْكبَّر ع الدِّنيا بتِكبَر عليه !٠٠٠
- وإزا هيك ما بتِمشي مَعاك، فَأحسنْ شي خُدْها ع قد عقِلها...
-طيِّب ماشي الحال ، يعني الواحد لازم يكون عندو من فترة لفترة شوية مرونة...
-مليح بس ما يصيرْ الاستثناء هو القاعدة ، يعني تصير هالحياةْ كلها تنازل ورا تَنازلْ!٠٠
-ولَك ليش هيك هيِّي صارت حياة؟...
-أنا أقولَّكْ اسكُتْ احسَنْ ما تُضربَك شِي كُمْ
-اي هِي وِقفتْ ع الكُمْ...مَهِي ضربَتْنا كُوع وشلُّوط كمانْ٠٠٠ و هاي إجْرينا دايما بالفَلَقة!٠٠٠
-قالْ هذا نصيِبَك واللي بيرضَى فيهْ بيِتهنّى...
-ياسلام ع الهنا ما احلاه ، اذا الصبح بتتصبّح بمشكلة ، بتتغدى بورطة وبتتعشى بمصيبة...
- وَلَك هذا اسمو امتحان
-طيب شو يعني ما في بهالميدان غير محسوبكم حديدان...
-وَلَك مِش هيك الحكاية ، الحكاية انُّو الله بيحبَّك ومشان هيك بيبْتلِيكْ لَيْكافِيكْ ويجَازِيكْ...
-يا عيني عَ المحبِّة والهنا ، قالْ والعَاقبةُ ليكْ....
-آخ قالْ عِيش يا كْدِيش تا ينبِتْ عشبْ الرَّبيعْ...
-اسمَع ، مشان الله ، ما تجيبْلِي سيرة الرَّبيعْ ع لسَانكْ...اصلاً من يوم ما اجا هالربيع لَعِنَّا والخير ما شُفناه...
-لَكْ ليش إنتو شو شفتوا؟ ، لسَّا الخير لقدام !٠٠٠
-فالْ الله ولا فَالَك ، شو لسّا ما شفُنا شي؟!٠٠ليشْ في أكتَر من هيك؟!٠٠٠
-هُوهو ، هوووووو ، هادا لسَّا ولا شِي!٠٠
-ممكن تعيرْنِي سكُوتكْ ، خلصْ أُسكتْ٠٠٠
-وَلَكْ كيف بدَّك تِسمعني إزا أنا ما حكيت؟!٠٠
-إفهمها زي ما بدَّك!٠٠٠
-قصدك أسِّدْ نِيعِي٠٠٠
-عليكْ نورْ وهياتك صَايِر تِفهم!٠٠٠٠
- وإنت لسَانَكْ صَايِر طَويلْ٠٠
-يا أخي خلص ما بدِّي أسمَعكْ٠
-هاظا اللي إنت شَاطرْ فيه!٠٠
-وَلَكْ شو أساويلَك ، ماإنتِ صُرت تحكي أي كلام!٠٠
-مَا تقولْ لحَالكْ ، يا سلام ع حكَياتَكْ إنتِ٠٠
-والله ما أتيسْ منَّك غير اللي عم بيحاورك٠
-هاظا هو الكلام المزبوط ٠٠٠
-إيه ، خلص لَكَانْ !٠٠
-خلِّي كُلْ واحَدْ فينا في محلُّه
- أيوَهْ زي ما قالوا ; كإنَّك يا أبو زيد ما غزيتْ
-هلَّأ هاي مسايسة ويللا متايسة
-أنا بَقُولْ; شو رايك ننهيها بمْباوَسة!٠٠
- هيك من الأول ، قول إنَّك ما تقدَرْ عليِّي
- ما حَدا بيِكبَرْ على حَالو!٠٠٠
-يعني حارتنا صغيرة وبنعرِفْ بَعضْ
-إحترِم حالَكْ تَا أحترمَكْ!٠٠٠
-ولَكْ شو قصدكْ
-ولا شِي .....
ثمَّ سادَ صمتٌ طويلٌ طويلْ

محمد طرزان العيق
09.09.2016






  رد مع اقتباس
/
قديم 10-09-2019, 08:46 AM رقم المشاركة : 2
معلومات العضو
جمال عمران
فريق العمل
يحمل أوسمة الأكاديمية للابداع والعطاء
مصر

الصورة الرمزية جمال عمران

إحصائية العضو







آخر مواضيعي

جمال عمران متواجد حالياً


افتراضي رد: حوارُ النفسِ مع النفسْ!٠٠

اخى محمد
ساخرة قالت الكثير عن التخاذل والخنوع والخضوع باسم السياسة واللين.. رغم بعد الفارق.
بدت لقطة الربيع وكأنها محشورة فى الموضوع..
دمت ساخرا من واقعنا الأليم.
لك المجد ولقلبك السعاده.
مودتى






  رد مع اقتباس
/
قديم 10-09-2019, 02:53 PM رقم المشاركة : 3
معلومات العضو
رافت ابو زنيمة
عضو أكاديميّة الفينيق
يحمل أوسمة الأكاديمية للعطاء والإبداع
الأردن

الصورة الرمزية رافت ابو زنيمة

افتراضي رد: حوارُ النفسِ مع النفسْ!٠٠

جميل هذا الحوار
أحسنتَ يا صديقي
دمت وهذا الابداع الانيق
دم جميل مبدعاً كما أنتَ دائماً
محبتي وتقديري






كــــــــــــــــــــــان،،،!!
  رد مع اقتباس
/
قديم 10-09-2019, 03:15 PM رقم المشاركة : 4
معلومات العضو
غلام الله بن صالح
عضو أكاديميّة الفينيق
عضو تجمع أدباء الرسالة
يحمل أوسمة الأكاديمية للابداع والعطاء
الجزائر
إحصائية العضو








آخر مواضيعي

غلام الله بن صالح غير متواجد حالياً


افتراضي رد: حوارُ النفسِ مع النفسْ!٠٠

نص ساخر جميل يصف الواقع المتردي
دمت رائعا
مودتي وتقديري






  رد مع اقتباس
/
قديم يوم أمس, 02:10 PM رقم المشاركة : 5
معلومات العضو
الزهراء صعيدي
عضو أكاديميّة الفينيق
تحمل أوسمة الأكاديمية للابداع والعطاء
سوريا

الصورة الرمزية الزهراء صعيدي

إحصائية العضو








آخر مواضيعي

الزهراء صعيدي غير متواجد حالياً


افتراضي رد: حوارُ النفسِ مع النفسْ!٠٠

اقوال و أمثال تربينا عليها و أغلبها إذلال نفس و ترخيص حال و لكن بقالب التسامح على أساس ..
نص جميل سلم مدادك






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 08:28 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط