هَايْ هيِّ كُلْ الحكايِة

[محمد طرزان العيق]

[youtube]https://www.youtube.com/watch?v=9O1d5MiCLbY&t=74s[/youtube]

هَايْ هيِّ كُلْ الحكايِة
**********************

إسْمَعْ تَا قُولّكْ هالحْكَايّة٠٠٠٠
بَسْ أُوعَى تْجِنْ٠
حْكَايّةْ شَعبْ بيِعشَقْ٠٠٠٠
بلادُهْ وإلْهَا بِيحِنْ٠
قَالوا جِيلْ العَجَايِزْ٠٠٠٠
بيِمْضِي بِحُكْم السِّنْ٠
والصّغَارْ بيِنْسُوا القَضِيِّة وعَ٠٠٠٠
بَالْهُمْ ليشْ تَا تعِنْ٠
عَدَوْنَا هيكْ فكّرْ وهيكْ٠٠٠٠٠
كَانْ يِعتِقِدْ وِيْظِنْ٠
خَابْ ظنُّهْ وِجْراسْ العوْدِةْ٠٠٠٠
بشِدِّةْ عَمْ بِتْرِنْ٠
والحَنِينْ مَعْ مُرورْ الوَقِتْ٠٠٠٠
عَمْ يِقْوَى وعلينا بِيزِنْ٠
قَالُوا الزَّمنْ بِيداوِي الجْرَاحْ٠٠٠٠
وبُكْرَة الألامْ بِتْكِنْ٠
نِسْيوا إنُّو قِشْر الخَشْبْ كُلْ٠٠٠٠
مَاعِتِقْ عَ عُودُهْ بِيِحِنْ٠
شَعِبنَا واللهْ مَا نِسِي الوَطَنْ٠٠٠٠
ومِنَ الوَجَعْ بِيِئِنْ٠
واللَّاجِئْ عَ بْلادُو لازِمْ٠٠٠٠
يِرجَعْ تَا يِرْتاحْ وِيّكِنْ٠
غيرْ فَلَسطِينْ وَطَنْ مَا يِقْبَلْ٠٠٠٠
ولَوْ حَارَبْ الجِّنْ٠٠٠
ومَهْمَا عَدوْنَا تْمَادَى بِبَطْشُهْ٠٠٠٠
وغَارَاتُهْ عَلينَا يْشِنْ٠
مِشْ رَحْ نْلِينْ فِشْ حَدا يِتْخَلّى٠٠٠٠
عَنْ بْلادُو مَا بْظِنْ٠
حَقْنَا مَا بِيِضِيعْ مَهْمَا المُحتَلْ٠٠٠
شَرَّعْ قَوانِينْ وبِيِسِنْ٠
العَالَمْ كُلُّو بْيِعْرِفْ إنُّو العينْ٠٠٠٠
بِالعينْ والسِّنْ بالسِّنْ٠
العَدالِة لازم تِتْحَقَّقْ مشَانْ٠٠٠٠
السلام بْرِبُوعنَا يكِنْ٠
الحَلْ هو بالعُودِة وإقامة دولِتنا٠٠٠
وإلّا طبُولْ الحَرْبْ بْتِبقَى
تُقْرعْ وصُوتْهَا يْطِنْ٠

د٠محمد طرزان العيق
صوفيا/02.08.2016