لِنَعْكِسَ بّياضَنا |
|
 « تَحْــليقٌ حَيٌّ وَمُثـــابِر » |
|
|||||||
| ⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ... |
 |
|
|
أدوات الموضوع | انواع عرض الموضوع |
18-09-2023, 02:59 AM
|
رقم المشاركة : 1 | ||||||||
|
مصباح علاء الدين!
مصباح علاء الدين! _لااااا ياباااا!، لااااالااااا، ياااااابا..!!؟، أعوذ بالله من الشيطان الرجيم، غريب أمر هذا الكابوس! هذه المرة الثالثة التي أشاهده!!،في الصباح سأترك كل شيء وسأذهب لزيارة قبر أبي، فهناك خطب ما لست مرتاحا له!؛ ..: ليس هنا!، كيف ذلك.. أين قبر أبي؟!، يا عيب العيب يا مسعود حتى قبر أبوك نسيت مكانه! ، في اي مكان وأي اتجاه كان؟.. تذكرت هناك، نعم هناك... أخيرا ً وجدت قبر أبي!.. معلش يابا، معلش توخذش على خاطرك، سامحني بتعرف أنت المشاغل والحياة بتعمي بصر الواحد! ؛.. غير المغضوب عليهم ولا الضالين آمين، الله يرحمك يا بوي و يغفر ذنوبك ويدخلك جنات الخلد.. تعرف يابا بيني وبينك ذنوبك كثيرة ههههه.. آآخ آآخ كلنا على هالطريق.. تأخرت على الشغل والمحل .. بخاطرك يا بوي بزورك صباح العيد إن شاء الله.. : _مسعووووود، يااااااا مسعوود مسعووووود!! : مين!، مين!! بسم الله الرحمن الرحيم، مين؟! ..: أنا ابوك يا مسعود ولك انسيت صوتي كمان الله لا يوفقك!! : أبوي!! ههه، هههههه!، كيفك يابا اااشو الي صحاك؟، ولويش صوتك خشنان هيك! : سيبك من صوتي، أنا غضبان عليك يا مسعود، هيك أمنتك على كل اخوانك الأصغر منك!، توكل كل حقوقهم وتحرمهم من الميراث؟، مش عيب عليك! : أنا!، أنا!، أنت يابا الحق عليك، أنت الي سجل كل شي باسمي.. وأنا أكثر واحد تعب وأنت عايش وأنت ميت!! اخواني أعطيتهم حقهم بحق الله!!، انسيت يابا شو صار بمسعود وأنا دااير زي الكلب من حارة لحارة أجمع حديد ونبش بين الزبالة.. انسيت ياباااا انسيت؟! كلنا تعبنا يابا، طول حياتنا نحفر بالصخر عشان نعيش.. لا تكون طماع، رجع حق اخوانك وخواتك المسكينات، فش اشي دايم يابا، مش رح اتكون أشطر من أبوك تعملش مثلي.. أنا ندمان يابا ندمان كثير لأني أكلت حقوق عمامك وعماتك، وغيرهم كثير..! وعمالي بدفع الثمن غالي أكثر ما تتخيل.. يا ريت رجعت حقهم قبل ما أدخل هالقبر وسامحوني.. يا ريت!!.. إخزي الشيطان يا مسعود، لا تخليه يضحك عليك كمان!، بلاااش تتعلق من ذنيك الطوال يا أهبل هههه صحيح يابا ذكرتني، بدي اسالك سؤال؟ : اتفضل يابا إسأل! : في مصباح قديم كثير كان بخزانتي قبل ما أموت!، وين راح؟ : أعطيته لسعيد زماااان بعد موتك بشهر تقريبا، ليش!! : وبعده عند سعيد؟ : اكيد، ما انت بتعرفه لسعيد هاو خردوات!، لكن حيرتني ليش بتسأل عنه؟! : هالمصباح يا مسعود أهم وأغلى ما كنت أملك، هو الي خلاني ملياردير، فيه خادم بحققلك أمنية وحدة لمرة وحدة، بشرط ما تكون ظلمت أي إنسان! : مصباح، وخادم وبحقق أمنية!!، بتحكي جد يابا!! : صار لازم اروح يابا، صار لازم اروح، لازم أرو... : استنى يابا، يابا، يابا!!... ..: وأخيرا رجعت حقوق اخواني وخواتي وسامحوني كلهم الحمد لله، وضحكت على سعيد الأهبل وأخذت المصباح منه.. ايوااه هسا خليني امخمخ وأفرك المصباح، دقيقة لازم أكون مجهز الأمنية.. شو بدك تتمنى يا مسعود؟، اممم أيوه بدي اجننه لمارد المصباح، بدي أخليه يلعن اليوم الي اشتغل فيه هالشغله ههه، بلا أغنى رجل بالعالم بلا حكي فاضي، رح اطلب منه يحقق جميع أمنياتي، ههه يالله انجرب...: شبيك لبيك خدامك بين اديك، أمرك يا سيدي.. : هاه!! شو هالضباب الكثيف، وينك مش شايفك!! ، ها، ها، لا لا تهدر الوقت أمنيتك يا سيدي! : امنيتي، ان تحقق كل ما اتمناه!..: معذرة منك يا سيدي هكذا أمنية غير متوفرة ابدا ً!!، هكذا تكون قد نفذت أمنيتك الوحيدة، ها ها ها ها..! :. شو يعني هيك انضحك علي!! لاااالااالا انتظر اتوسل إليك أيها المارد..! : وداعا يا مسعود، وبسلم عليك أبوك وبقلك: مفكر حالك تضحك علينا ، طول حياتك رح تظل طماع وحمار واهبل ، طول حياتك رح تظل حمار وطماع.. رح تظل حمار.. رح تظل.. رح.. :لالالالالالالالالا!!!!...يابا يابا لا لا!!!... : . . . . بسم الله عليك مسعود!، مسعود حبيبي!!، سمي بالله واشرب من هالطاسة.. . .
|
||||||||
|
|
20-09-2023, 04:15 AM
|
رقم المشاركة : 2 | |||||||
|
رد: مصباح علاء الدين!
ساخرة وتحمل في طياتها الكثير من العبر
كجزاء الطمع ضياع ما جمع كالعرق دساس ، والولد سر أبيه .. ك( كل ذكي في اللي أذكى منه ) ولو كانت الأرزاق تجري على الحجى.. هلكن إذًا من جهلن البهائم .. الساخر طيع بين يديك وقلمك يحترفه بمهارة .. لك التقدير والاحترام أستاذنا المكرم/ محمد داوود العونة.. |
|||||||
|
|
|
21-09-2023, 01:08 AM
|
رقم المشاركة : 3 | |||||||||
|
رد: مصباح علاء الدين!
اقتباس:
مرحبا شاعرتنا المبدعة / راحيل الأيسر شكرا كثيرا بداية على حضورك هنا، وهذه القراءة المتعمقة.. ووجهة نظرك التي أعتز بها.. . . . دام مدادك البديع.. . . كل التقدير والاحترام
|
|||||||||
|
|
|
21-09-2023, 12:03 PM
|
رقم المشاركة : 4 | |||||||
|
رد: مصباح علاء الدين!
ساحرة جميلة وهادفة
دام ألق حرفك البهي مودتي |
|||||||
|
|
|
24-09-2023, 12:50 AM
|
رقم المشاركة : 5 | |||||||||
|
رد: مصباح علاء الدين!
اقتباس:
بعد التحية الطيبة.. حضورك شاعرنا القدير هو الساحر والجميل.. شكرا من القلب لحضورك هنا.. . . دام مدادك.. . . كل التقدير والاحترام
|
|||||||||
|
|
|
| أدوات الموضوع | |
| انواع عرض الموضوع | |
|
|
|
|
العرض العادي
