|
|||||||
| ⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ... |
 |
|
|
أدوات الموضوع | انواع عرض الموضوع |
05-03-2019, 09:43 PM
|
رقم المشاركة : 1 | |||||||
|
أنا وطبيب الأسنان
من سلسلة أكْرَهْ شِي عَلَيِّ الكزِبْ(10)!٠
{أنا وطبيب الأسنان} ******************* من غير مقدِّمات ولا بهارات ومافي داعي لَـ الكليشة إللي صرتوا حافظينها وإختصاراً لوقتي وأوقاتكم الثمينة، رح أخش بالموضوع مباشرة والله يسترْ !٠٠٠ وبالمناسبة إذا ما عجبكم الموضوع بِنْغيرو٠٠ أنا ما عندي مشكل و أصلاً مو فارقة معاي ٠٠٠كلُّو حكي بحكي ، وكلُّو بحسابو وثَوَابو ونيَّالك يا القَاري لكلامي!٠٠ ___________________________________ -بدّي أروح عند دكتور الأسنان ، بَسْ٠٠٠٠ -بسْ شو؟!٠٠٠ -خايف أفتح تمِّي!٠٠٠٠ -؟؟؟!!!٠٠٠٠ -لا يروح تفكيركم لبعيد ، أنا يعني مشْ خايف من الدكتور ، بس أنا خايف ع دكتور الأسنان٠٠٠ الله يعينو ع هالشوفة!٠٠٠ وبعدين إمِّي الله يرحمها كانت توصِّيني وتقولِّي -يمَّا برظَاي عليك ، لمَّا تروح عند النَّاس ، أقعُدْ مؤدَّبْ وتفتَحِش تمَّكْ!٠٠ وأنا زَلَمِة مش غَظِيب الوالدين زي ما بيقولوا وما بحبِّش أخالِفْ إلها رايْ٠٠٠ و كمان في شغلة تانية مشْ فاهمها ; قال شو بيقولولك :''إفتَح تمَّكْ وإنتِ ساكتْ'' ٠٠٠ كيف يعني وأنا ساكتْ؟!٠٠٠ طيِّب بلكي في بتمِّي حَكِي٠٠٠ شو أساوي ها؟!٠٠٠بلاش يا سيدي من الحكي ، طيِّب ولساني - هاظا اللي مِتبرِّي منِّي - شو أعمل فيه؟!!٠٠٠٠ أريدُ حلَّاً على قولة ''ناديا لطفي''٠٠٠٠ بالمناسبة في حدا بيتذكَّرها٠٠٠ ولَوْ نسيتوها يا جماعة ٠٠٠ الله يسامحكوا ويعفو عنكم ، هاي بطلة الفيلم إللي ظلْ فيه وما زال أبوه لـ''عبد الحليم حافظ'' فوق الشجرة٠٠٠٠ يمكن ما تكون ''ناديا لطفي'' ، يمكن ''فاتن حمامة'' ، اللي طلَّقها جوزها بعد ما زنكَل ، وصار غني ومشهور وتعبَّت جيوبو بالمصاري ، واللي يا حسرتي ما فادتو بشي وكان -الله يسامحو- يصرفها على القمار٠٠٠ هسَّا شو بدنا بطولة السِّيرة ، وخلِّينا بالمهم لإنِّي ما بحِب الحكي أبداً أبداً!٠٠ ومشان هيك بدِّيش أفتَح تمِّي قدَّام دكتور الأسنان ، شو يعني أنا رايح أحكيلو قصِّة حياتي ويللا هوِّ فاضي لطقِّ الحنكْ؟!٠٠أنا رايح لعندو مشان يفحص لي أسناني ويعالجها ، وطبعاً رح أقعد مؤدَّب وما أفتحشْ تِمِّي مهما صار٠٠٠ هاظا تِمِّي وأنا عارفو مليح ، إزا إنفتَحْ هاتْ عَادْ تِعرِفْ كيف تسَكرُّو ، خلِّيه هوِّ (يعني الدكتور) يدبِّر حالو ويلاقي طريقة يوصل فيها لأسناني٠٠٠ أنا الدكتور ويلَّلا هو الحكيم؟!٠٠٠يمكن يلاقي شي فتحة تانية ! ، أنا شو بعرِّفني٠ وكمان إتذكَّرت شغلة تانية ، قال الأب - في بلادنا الديموقراطية - بقول لإبنو ; إذا سألتَكْ بتجاوبني وبديش أسمع صوتك أو حسَّكْ٠٠٠شو يعني الشغلة تعجيز؟٠٠٠كيف بدُّو يحكي المسكين من غير حِسْ ، يعني يحكي مع حالو ، وبلكي فرضاً يعني حالو ما بدٌّوشْ يسمعلو؟!٠٠٠ أنا منِّي وعلي إزا بدِّي أحكي مع حالي ، يعني أحكي من غير ما حدا يسمعنا ، ممكن أحكي من غير ما افتح تمِّي ولا حتَّى أحرِّك لساني ، (بتعِرفوا إنو هاي شغلة منيحة ، وإذا سألتوني ليش ، أقول لكم إنُّو الواحد سيعِتْها بيوخِد راحتو بالكلام ، وبيحافِظ ع أسراره وأفكاره ، ويا دار ما دخَلِكْ شرْ) ومشان هيك كمان وبكل الأحوال مش رح أفتح تمِّي لا قدَّام الدكتور ولا قدَّام غيرو!٠٠ نسيتوا الحكمة العربية العظيمة إللي بتقول ; ''إذا كان الكلام من فضَّة فالسكوت من ذهب''٠٠٠ مين أغلى ، بالله عليكم ، الدَّهب ويلّلا الفضَّة؟٠٠٠ إحكوا بصراحة٠٠٠ أيوا هيك ريَّحتوني ، ومشان هيك كمان وإحتراماً لرأيكم مش رح أفتح تمِّي عند الطبيب ، وعليّْ الطربوش إذا خالفتوني ما بَروحْ ، مِنْ أصلُهْ ، عند دكتور الأسنان!٠٠٠ أسناني ويللا أسنانكم اللي عم توجعني٠٠٠ طبعاً هاي أسناني وأنا حرْ فيها وفي شغلة أخيرة وأوعدكم-لإني ما بحب الحَكي والرَّغي واللَّت والعَجِن والغيبة والنميمة وطقِّ الحنَك ولا القيل والقال أو طولِةْ اللسان - مش رح أضيف عليها شغلات تانية /وهاي وَعِدْ شرَفْ منِّي/!٠٠ هاي الشغلة وعنجد ومن غير حلف أيْمَان ، والدنيا زي ماإنتو عارفين رمضان، إنُّو كل ما أفوت ع العيادة تبع الأسنان ببطلوا أسناني يوجعوني ، طيِّب لإيش لَعَادْ أفتح تمِّي ها ٠٠٠صح ويللا أنا غلطان٠٠٠ وماتجاوبوني أحسن بعدين ما يمُطّ الكلام بيناتْنَا ونصير ناخُدْ ونعطي ولبكرة مش رح يخلص الكلام٠٠٠ونصيحة أخويٍّة منّي ; ما تتدَّخلوش باللي ما إلكو مصلحَة فيه , وبعدين أنا مش فاضي ، ومستعجل رح أتأخَّر - من تحت راسكو - ع طبيب الأسنان!٠٠٠ والختام سلام ٠ ----------------------------- ملاحظة ; أنا بعدني عند وعدي فإذا ما عجبكم الموضوع ، أمانة تخبروني وأنا بغيْرو ، من غير منيٍّة ولا جْمِيلة٠ محمد طرزان العيق صوفيا/23.06.2016 |
|||||||
|
|
06-03-2019, 05:20 PM
|
رقم المشاركة : 2 | ||||||||
|
رد: أنا وطبيب الأسنان
اقتباس:
صباح الورد والفل والياسمين
أضحكتني والله٠٠٠٠شكراً على جرعة المشاكسة اللطيفة والمناكفة الهزلية وعلى المزاح وخفّة الدَّم!٠٠٠٠ كم نحن بحاجة إلى بسمة في الظلمةِ الدهماء والحزنِ المقيم مع خالص التحيّة |
||||||||
|
|
|
06-03-2019, 06:46 PM
|
رقم المشاركة : 3 | |||||||
|
رد: أنا وطبيب الأسنان
وبما أني طبيب أسنان وإبن خالتي إدوار " حلاق "
وجدت أن هناك تشابها بين المهنتين . الكرسي هو الكرسي إن كان للمريض أو للزبون . فكلنا زبائن يا صاحبي . الفرق بين ابن خالتي وبيني هو في " طق الحنك "... مسكين إدوار البسة بتاكل عشاه .. تم بلا لسان ! أما محسوبك ، ولكي أبعد شبح الخوف عن مرضاي ، ولكي يقوموا بدفع الأتعاب من غير لف ودوران . فإنني أغرقهم بسيل من الكلام في السياسة والرياضة وأحيانا في الجنس ، فآخذ منهم ما أريد وهم يحصلون على خدمة علاجية خمس نجوم . تحياتي |
|||||||
|
|
|
06-03-2019, 10:25 PM
|
رقم المشاركة : 4 | ||||||||
|
رد: أنا وطبيب الأسنان
اقتباس:
مساء الخير
سابقاً في قديم الزمان كان الحلاق يقوم أيضاً بمهمة قلع الأسنان والحجامة اي فصد الدم الفاسد وحتى تجبير الكسور شكراً على المداخلة اللطيفة والشروحات الوافية انا شخصياً وكما ترى لا أحب الكلام والثرثرة واجلس في حضرة طبيب الأسنان بأدبٍ جم ولا افتح فمي البتّة وعلى الحكيم أن يدبر راسو تحياتي |
||||||||
|
|
|
11-03-2019, 12:15 PM
|
رقم المشاركة : 5 | ||||||||
|
رد: أنا وطبيب الأسنان
اقتباس:
الأستاذ العزيز جمال
تحياتي ومحبّتي أعجبتني مداخلتكم الساخرة وتقييمكم وتعليقكم على الموضوع والهدف منه٠٠٠ لقد كشفتَ مخطّطاتي وأهدافي وقرأتَ ما بين السّطور أدامكم الله وأدام عليكم إبداعكم٠ |
||||||||
|
|
|
11-03-2019, 12:21 PM
|
رقم المشاركة : 6 | ||||||||
|
رد: أنا وطبيب الأسنان
اقتباس:
أخي الحاج عوض
تحيّاتي وأمنياتي لكم بدوام الصحة والإبداع٠٠ سأستمع إلى نصيحتكم الثمينة ولن أغير الموضوع وطلباتكم أوامر أسعدني وأثلج صدري إعجابكم بالقصة وبالخصوص بطلها الثرثار سلامُ ومحبَّة |
||||||||
|
|
|
|
|
|
|
العرض العادي
