لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: هناك من دحرج الحجر (آخر رد :فوزي بيترو)       :: دموع الحجل (آخر رد :إيفان عثمان)       :: بداية الحياة (آخر رد :عدنان حماد)       :: في ذكرى النكبة الثانية والسبعين (آخر رد :عبدالرشيد غربال)       :: حائك السيدة / عبير هلال (آخر رد :خديجة قاسم)       :: * كأسطورة ...!! * بقلم عبير هلال (آخر رد :عبير هلال)       :: احتضار ..( عبدالرشيد ) (آخر رد :عبدالرشيد غربال)       :: عاصفة (آخر رد :قصي المحمود)       :: آثار (آخر رد :قصي المحمود)       :: صوم الدهر :: شعر :: صبري الصبري (آخر رد :محمد خالد النبالي)       :: بعين واحدة (آخر رد :قصي المحمود)       :: أنا رأيتُ كلّ شيء منذ كان اليهود في العرّوب (آخر رد :عبدالحليم الطيطي)       :: كتب الرماد (آخر رد :محمد حسين عودات)       :: مهلاً أراك بليغُ الشعر تحتشدُ (آخر رد :نوري الوائلي)       :: يفتشُ عن جنازتهِ التي في الحرب (آخر رد :الشاعر حسن رحيم الخرساني)      


العودة   ۩ أكاديمية الفينيق ۩ > ▂ ⚜ ▆ ⚜ فينيقكم بكم أكبـر ⚜ ▆ ⚜ ▂ > ⊱ السّـــــــــــــاخِر ⊰

⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ...

إضافة رد
 
أدوات الموضوع انواع عرض الموضوع
قديم 05-03-2019, 08:43 PM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي أنا وطبيب الأسنان

من سلسلة أكْرَهْ شِي عَلَيِّ الكزِبْ(10)!٠

{أنا وطبيب الأسنان}
*******************
من غير مقدِّمات ولا بهارات ومافي داعي لَـ الكليشة إللي صرتوا حافظينها وإختصاراً لوقتي وأوقاتكم الثمينة، رح أخش بالموضوع مباشرة والله يسترْ !٠٠٠

وبالمناسبة إذا ما عجبكم الموضوع بِنْغيرو٠٠ أنا ما عندي مشكل و أصلاً مو فارقة معاي ٠٠٠كلُّو حكي بحكي ، وكلُّو بحسابو وثَوَابو ونيَّالك يا القَاري لكلامي!٠٠
___________________________________

-بدّي أروح عند دكتور الأسنان ، بَسْ٠٠٠٠
-بسْ شو؟!٠٠٠
-خايف أفتح تمِّي!٠٠٠٠
-؟؟؟!!!٠٠٠٠
-لا يروح تفكيركم لبعيد ، أنا يعني مشْ خايف من الدكتور ، بس أنا خايف ع دكتور الأسنان٠٠٠ الله يعينو ع هالشوفة!٠٠٠
وبعدين إمِّي الله يرحمها كانت توصِّيني وتقولِّي
-يمَّا برظَاي عليك ، لمَّا تروح عند النَّاس ، أقعُدْ مؤدَّبْ وتفتَحِش تمَّكْ!٠٠
وأنا زَلَمِة مش غَظِيب الوالدين زي ما بيقولوا وما بحبِّش أخالِفْ إلها رايْ٠٠٠
و كمان في شغلة تانية مشْ فاهمها ; قال شو بيقولولك :''إفتَح تمَّكْ وإنتِ ساكتْ'' ٠٠٠ كيف يعني وأنا ساكتْ؟!٠٠٠ طيِّب بلكي في بتمِّي حَكِي٠٠٠ شو أساوي ها؟!٠٠٠بلاش يا سيدي من الحكي ، طيِّب ولساني - هاظا اللي مِتبرِّي منِّي - شو أعمل فيه؟!!٠٠٠٠

أريدُ حلَّاً على قولة ''ناديا لطفي''٠٠٠٠ بالمناسبة في حدا بيتذكَّرها٠٠٠ ولَوْ نسيتوها يا جماعة ٠٠٠ الله يسامحكوا ويعفو عنكم ، هاي بطلة الفيلم إللي ظلْ فيه وما زال أبوه لـ''عبد الحليم حافظ'' فوق الشجرة٠٠٠٠ يمكن ما تكون ''ناديا لطفي'' ، يمكن ''فاتن حمامة'' ، اللي طلَّقها جوزها بعد ما زنكَل ، وصار غني ومشهور وتعبَّت جيوبو بالمصاري ، واللي يا حسرتي ما فادتو بشي وكان -الله يسامحو- يصرفها على القمار٠٠٠

هسَّا شو بدنا بطولة السِّيرة ، وخلِّينا بالمهم لإنِّي ما بحِب الحكي أبداً أبداً!٠٠
ومشان هيك بدِّيش أفتَح تمِّي قدَّام دكتور الأسنان ، شو يعني أنا رايح أحكيلو قصِّة حياتي ويللا هوِّ فاضي لطقِّ الحنكْ؟!٠٠أنا رايح لعندو مشان يفحص لي أسناني ويعالجها ، وطبعاً رح أقعد مؤدَّب وما أفتحشْ تِمِّي مهما صار٠٠٠ هاظا تِمِّي وأنا عارفو مليح ، إزا إنفتَحْ هاتْ عَادْ تِعرِفْ كيف تسَكرُّو ، خلِّيه هوِّ (يعني الدكتور) يدبِّر حالو ويلاقي طريقة يوصل فيها لأسناني٠٠٠ أنا الدكتور ويلَّلا هو الحكيم؟!٠٠٠يمكن يلاقي شي فتحة تانية ! ، أنا شو بعرِّفني٠

وكمان إتذكَّرت شغلة تانية ، قال الأب - في بلادنا الديموقراطية - بقول لإبنو ; إذا سألتَكْ بتجاوبني وبديش أسمع صوتك أو حسَّكْ٠٠٠شو يعني الشغلة تعجيز؟٠٠٠كيف بدُّو يحكي المسكين من غير حِسْ ، يعني يحكي مع حالو ، وبلكي فرضاً يعني حالو ما بدٌّوشْ يسمعلو؟!٠٠٠
أنا منِّي وعلي إزا بدِّي أحكي مع حالي ، يعني أحكي من غير ما حدا يسمعنا ، ممكن أحكي من غير ما افتح تمِّي ولا حتَّى أحرِّك لساني ، (بتعِرفوا إنو هاي شغلة منيحة ، وإذا سألتوني ليش ، أقول لكم إنُّو الواحد سيعِتْها بيوخِد راحتو بالكلام ، وبيحافِظ ع أسراره وأفكاره ، ويا دار ما دخَلِكْ شرْ) ومشان هيك كمان وبكل الأحوال مش رح أفتح تمِّي لا قدَّام الدكتور ولا قدَّام غيرو!٠٠

نسيتوا الحكمة العربية العظيمة إللي بتقول ; ''إذا كان الكلام من فضَّة فالسكوت من ذهب''٠٠٠
مين أغلى ، بالله عليكم ، الدَّهب ويلّلا الفضَّة؟٠٠٠ إحكوا بصراحة٠٠٠ أيوا هيك ريَّحتوني ، ومشان هيك كمان وإحتراماً لرأيكم مش رح أفتح تمِّي عند الطبيب ، وعليّْ الطربوش إذا خالفتوني ما بَروحْ ، مِنْ أصلُهْ ، عند دكتور الأسنان!٠٠٠ أسناني ويللا أسنانكم اللي عم توجعني٠٠٠ طبعاً هاي أسناني وأنا حرْ فيها

وفي شغلة أخيرة وأوعدكم-لإني ما بحب الحَكي والرَّغي واللَّت والعَجِن والغيبة والنميمة وطقِّ الحنَك ولا القيل والقال أو طولِةْ اللسان - مش رح أضيف عليها شغلات تانية /وهاي وَعِدْ شرَفْ منِّي/!٠٠ هاي الشغلة وعنجد ومن غير حلف أيْمَان ، والدنيا زي ماإنتو عارفين رمضان، إنُّو كل ما أفوت ع العيادة تبع الأسنان ببطلوا أسناني يوجعوني ، طيِّب لإيش لَعَادْ أفتح تمِّي ها ٠٠٠صح ويللا أنا غلطان٠٠٠ وماتجاوبوني أحسن بعدين ما يمُطّ الكلام بيناتْنَا ونصير ناخُدْ ونعطي ولبكرة مش رح يخلص الكلام٠٠٠ونصيحة أخويٍّة منّي ; ما تتدَّخلوش باللي ما إلكو مصلحَة فيه , وبعدين أنا مش فاضي ، ومستعجل رح أتأخَّر - من تحت راسكو - ع طبيب الأسنان!٠٠٠ والختام سلام ٠
-----------------------------
ملاحظة ; أنا بعدني عند وعدي فإذا ما عجبكم الموضوع ، أمانة تخبروني وأنا بغيْرو ، من غير منيٍّة ولا جْمِيلة٠

محمد طرزان العيق
صوفيا/23.06.2016






  رد مع اقتباس
/
قديم 06-03-2019, 08:05 AM رقم المشاركة : 2
معلومات العضو
جمال عمران
فريق العمل
زعيم الغلابة
يحمل أوسمة الأكاديمية للابداع والعطاء
مصر

الصورة الرمزية جمال عمران

افتراضي رد: أنا وطبيب الأسنان

أخى محمد
موضوع يحمل السم فى العسل ..يعنى واخدنا لاتجاه والمعانى رايحة فى اتجاه تانى خالص ..وهذا ينبئ عن كاتب. .لئيم ..داهية. .وهى كلمات تعنى أريب وذكى. .
اعتقد ان طبيب الأسنان سوف يغير صنعته إلى طبيب لسان ..وسوف يكون لديه الكثير من الأدوات والمعدات الطبية التى توقف ثرثرة لسانك الى الأبد .
..مداخلة لاستكمال المزاح ..مع احترامى
مودتى







*** المال يستر رذيلة الأغنياء، والفقر يغطي فضيلة الفقراء.***
  رد مع اقتباس
/
قديم 06-03-2019, 04:20 PM رقم المشاركة : 3
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: أنا وطبيب الأسنان

اقتباس:
المشاركة الأصلية كتبت بواسطة جمال عمران مشاهدة المشاركة
أخى محمد
موضوع يحمل السم فى العسل ..يعنى واخدنا لاتجاه والمعانى رايحة فى اتجاه تانى خالص ..وهذا ينبئ عن كاتب. .لئيم ..داهية. .وهى كلمات تعنى أريب وذكى. .
اعتقد ان طبيب الأسنان سوف يغير صنعته إلى طبيب لسان ..وسوف يكون لديه الكثير من الأدوات والمعدات الطبية التى توقف ثرثرة لسانك الى الأبد .
..مداخلة لاستكمال المزاح ..مع احترامى
مودتى
صباح الورد والفل والياسمين
أضحكتني والله٠٠٠٠شكراً على جرعة المشاكسة اللطيفة والمناكفة الهزلية وعلى المزاح وخفّة الدَّم!٠٠٠٠
كم نحن بحاجة إلى بسمة في الظلمةِ الدهماء والحزنِ المقيم
مع خالص التحيّة






  رد مع اقتباس
/
قديم 06-03-2019, 05:46 PM رقم المشاركة : 4
معلومات العضو
فوزي بيترو
عضو أكاديميّة الفينيق
عضو تجمع أدب الرسالة
يحمل أوسمة الأكاديمية للابداع والعطاء
الأردن

الصورة الرمزية فوزي بيترو

افتراضي رد: أنا وطبيب الأسنان

وبما أني طبيب أسنان وإبن خالتي إدوار " حلاق "
وجدت أن هناك تشابها بين المهنتين . الكرسي هو الكرسي
إن كان للمريض أو للزبون . فكلنا زبائن يا صاحبي .
الفرق بين ابن خالتي وبيني هو في " طق الحنك "...
مسكين إدوار البسة بتاكل عشاه .. تم بلا لسان !
أما محسوبك ، ولكي أبعد شبح الخوف عن مرضاي ، ولكي يقوموا
بدفع الأتعاب من غير لف ودوران . فإنني أغرقهم بسيل من الكلام
في السياسة والرياضة وأحيانا في الجنس ، فآخذ منهم ما أريد
وهم يحصلون على خدمة علاجية خمس نجوم .
تحياتي






  رد مع اقتباس
/
قديم 06-03-2019, 09:25 PM رقم المشاركة : 5
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: أنا وطبيب الأسنان

اقتباس:
المشاركة الأصلية كتبت بواسطة فوزي بيترو مشاهدة المشاركة
وبما أني طبيب أسنان وإبن خالتي إدوار " حلاق "
وجدت أن هناك تشابها بين المهنتين . الكرسي هو الكرسي
إن كان للمريض أو للزبون . فكلنا زبائن يا صاحبي .
الفرق بين ابن خالتي وبيني هو في " طق الحنك "...
مسكين إدوار البسة بتاكل عشاه .. تم بلا لسان !
أما محسوبك ، ولكي أبعد شبح الخوف عن مرضاي ، ولكي يقوموا
بدفع الأتعاب من غير لف ودوران . فإنني أغرقهم بسيل من الكلام
في السياسة والرياضة وأحيانا في الجنس ، فآخذ منهم ما أريد
وهم يحصلون على خدمة علاجية خمس نجوم .
تحياتي
مساء الخير
سابقاً في قديم الزمان كان الحلاق يقوم أيضاً بمهمة قلع الأسنان والحجامة اي فصد الدم الفاسد وحتى تجبير الكسور

شكراً على المداخلة اللطيفة والشروحات الوافية
انا شخصياً وكما ترى لا أحب الكلام والثرثرة واجلس في حضرة طبيب الأسنان بأدبٍ جم ولا افتح فمي البتّة وعلى الحكيم أن يدبر راسو
تحياتي






  رد مع اقتباس
/
قديم 11-03-2019, 11:15 AM رقم المشاركة : 6
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: أنا وطبيب الأسنان

اقتباس:
المشاركة الأصلية كتبت بواسطة جمال عمران مشاهدة المشاركة
أخى محمد
موضوع يحمل السم فى العسل ..يعنى واخدنا لاتجاه والمعانى رايحة فى اتجاه تانى خالص ..وهذا ينبئ عن كاتب. .لئيم ..داهية. .وهى كلمات تعنى أريب وذكى. .
اعتقد ان طبيب الأسنان سوف يغير صنعته إلى طبيب لسان ..وسوف يكون لديه الكثير من الأدوات والمعدات الطبية التى توقف ثرثرة لسانك الى الأبد .
..مداخلة لاستكمال المزاح ..مع احترامى
مودتى
الأستاذ العزيز جمال
تحياتي ومحبّتي
أعجبتني مداخلتكم الساخرة وتقييمكم وتعليقكم على الموضوع والهدف منه٠٠٠
لقد كشفتَ مخطّطاتي وأهدافي وقرأتَ ما بين السّطور
أدامكم الله وأدام عليكم إبداعكم٠






  رد مع اقتباس
/
قديم 11-03-2019, 11:21 AM رقم المشاركة : 7
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: أنا وطبيب الأسنان

اقتباس:
المشاركة الأصلية كتبت بواسطة عوض بديوي مشاهدة المشاركة
سـلام من الله و ود ،
التورية كانت بطل هذا النص ،
ونص يحتاج لعودة في مثل هذه كوميديا سوداء...
* لا تغير الموضوع عجبنا...
محبتي
أخي الحاج عوض
تحيّاتي وأمنياتي لكم بدوام الصحة والإبداع٠٠
سأستمع إلى نصيحتكم الثمينة ولن أغير الموضوع وطلباتكم أوامر
أسعدني وأثلج صدري إعجابكم بالقصة وبالخصوص بطلها الثرثار
سلامُ ومحبَّة






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 10:03 PM.


Powered by vBulletin® Version 3.8.7
Copyright ©2000 - 2020, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط