لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ... |
|
أدوات الموضوع | انواع عرض الموضوع |
29-08-2016, 03:26 AM | رقم المشاركة : 1 | |||
|
يِي يِي شُو حِلوة حرُوبْنا ،لمَّا تولِّعْ بتجَنِّنْ
يِي يِي شُو حِلوة حرُوبْنا ،لمَّا تولِّعْ بتجَنِّنْ
******************************* بتعرفوا يا جماعة خطرت عَ بالي هسَّا فكرة سوْداويِّة!٠٠٠ أيْ نعم الحرب في غزِّة قاسية و موجعة ،بس والله مَقدورْ عليها وبالنهاية رحْ توقِّف وبنرجع نعمِّر ونبنِي ونصلِّح ونتجوَّزْ ونخلِّفْ قَواريط لَ يوم القواريطْ!٠٠[ شو ناقصنا ها؟!٠٠٠٠ هاي الشغلة بِدْهاش شطارة ومهارة ] وبعدين بنقْعُدْ نحكيلهم عَ بطولاتنا والشّهدا اللي قدَّمناهم فِدا هالوَطنْ الغالي و نخَرِّفْهُم عن آمالنا وآلامنا وتاريخ بلادنا إللي ما شفناها وعن جمالها٠٠٠٠ وبلا طولةْ سيرة ; يعني أكَمِّنْ يوم أو بالكتير أكَمِّنْ أسبوع وبتعدِّي هاي الحرب وبتوقِّفْ وبتصير تاريخ!٠٠ويللا لَعاد هاي إسرائيل مش متل العربْ ، فَشَرْ تساوي زيْنا إحنا العرب٠٠٠ نفَسْها -يا حرام- قصيرْ وبتخلِّص الحرب بسرعة!٠٠ إيه والله٠ بس المصيبة الكبيرة هي في الحروب إللي بدت وإستوطنت في بلادْنا ومش ناوية تُخلُصْ ; هاي العراق صارْلو ما شالله أكتر من عشر سنين ولسَّاتْها الحرب بين الأشقاء-يخزي العين عنها- في عز شبابها ٠٠٠ وبسوريا رغم القسوة والدمار وهجرة نُصْ سكَّانها بعِدها-هيك بيقولو،أنا شو بيعرِّفني- بَعِدهَا بأول مشيتها وعم تتعلَّم من أختها في العراق٠٠٠ قالْ شو لِسَّا ماشُفْتوا شي٠٠٠٠وهاي ليبيا مَاشية عَ طريق الصومالْ و مَعُو مَعُو بتصير متِلْها وأكتَرْ ، وما في حدا أحْسَن من حدا ومِشْ هيكْ وبَسْ في الصومال كانوا يقرِصْنوا على ناقلات البترول مشان ياخدُو عليها الفِدية ، أمَّا بليبيا فبفضِلْ مِنْ الله البترول عندهم كتير ومنشان هيك يمكن تطوَّل الحرب فيها حتَّى يخلُص النَّفط عندهم ،يا حبِّة عيني!٠٠٠ أو إذا كان حظهُم ملِيحْ بتيجِيهُم شِي دولة دولة أجنبية و بتِحْتلهُم وبتريِّحهم من البترول ومن الحرب!٠٠٠٠ وبمَصِر بعِدْهُم بمرحلة جَسِّ النبض والجيش بعدو ما تدخَلْ وشافْ شُغلُو!٠٠٠ أما لبنان إللي بعدو ما تعافى من الحرب السابقة وهاي كأنُّو-بعيد الشَّر عنو- صابتو نَكْسة وعم تِرجع الحرب والتفجيرات تصير فيه ببعض العطَل والأعياد وأيام المواسم السياحية وبما إنُّو عندهم خِبرة ،عم بيحاربوا في دول شقيقة !!!٠٠٠والسودان إنقسم وبعدو ما إرتاح٠٠٠ واليمن موجودْ فيهِ كَرٍّ وفَر وأما الجزائر إستوت وهيَّاتها عَم تنطِبِخْ عَ نارْ هادية و كمان دول الخليج والمغرب العربي٠٠٠٠يللا شو بدِّي أعِدْ لأعِدْ٠٠٠٠ خلِّينيي ساكت أحسن إلِي عَ قولةْ إمي الله يِرحمها ويرحَمْ أمواتكم!٠٠٠ وما بَقول إلَّا الله يُستُرنا ويرحمنَا برحِمتُو، ومَا خَفِيَ-خَفَا اللهْ- أعظمْ٠٠٠ رحماكَ ياربْ٠٠٠٠طيِّب إذا الشغله هيكَة!٠٠٠لكَانْ إيمتى رح يفضوا العرب تا يحرِّروا فلسطين؟!٠٠٠ الأميركان بيقولوا لإسرائيل وبيطمْنوها ، متل ما قال الشاعر ''جرير'' لَـ ''مربعْ'' لمَّا هدَّدو الفرزدق وسَحَبْ عليهْ السِّكينة!٠٠٠ قال جرير زَعَمَ الفَرَزْدَقُ أَنْ سيقتلُ مِرْبَعًاً٠٠٠٠أبشر بطول سَلامةٍ يا مِرْبَعُ وسلامةْ فِهِمكوا يا عربْ هاي سِهلة بِدْهَاشْ شَرِحْ٠٠٠٠ وبعدين بيني وبينكو وإن شالله ما تِسمَعنِي إسرائيل٠٠٠٠ ما في حَدَا فاضي لحَدَا!٠٠٠ ملحوظة ; الدول العربية إللي ما ورَدْ إسمها في النَّص لا تزعل منِّي ،ولا تاخُد عَ خاطرها٠٠٠قسمَاً عظماً ، أنا مش قاصِد أقِلْ من قِيمِتْها وأستَوطِي حيطْها!٠٠٠ وأحب أنْ أطمئنها إنٍّو دُورْها-بإذن الله - جَايْ فلا تحْمقْ ولا تِزعْل ٠٠٠٠ جايِّيكُم الدوْر يَعني جايِّيكُم٠٠٠واللي بيصبُر بِينُولْ ، الله يعطيكوا ع قَدْ نيَّاتكم!٠٠٠والله لا يحرِمْها لَكُل ْمِشتهي٠٠٠٠الله كريم ٠٠٠٠لمَّا بيعطي بيقول خوووود!٠٠ وهاي أنا من عندي بدْعِيلكو من كل قلبي محمد طرزان العيق صوفيا /02.08.2014 |
|||
29-08-2016, 03:50 AM | رقم المشاركة : 2 | ||||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
سلام الله
وتحية ترقى لتليق بكم بكل الود نذكركم وأنفسنا بضرورة المباعدة بين عمليات النشر .. لاتاحة المجال لتنفس النصوص (3 أيام بين النص والذي يليه نشراً ) عذرا منكم تقديرنا والاحترام |
||||
29-08-2016, 04:04 AM | رقم المشاركة : 3 | |||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
أنا في شديد الأسفِ من سهوي ومن نسياني ، ولسوف ألزم نفسي بأصول النشر وأكرر إعتذاري عمّا بدر منِّي٠٠٠تحياتي
|
|||
29-08-2016, 11:28 PM | رقم المشاركة : 4 | |||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
أسلوبك أخي العزيز محمد طرزان جميل جدا في الساخر، وصلت الفكرة بوضوح، ولكن لي عتب واحد - إذا بحق لي- وهو أن النص جاء باللهجة المحكية، مع ان للساخر طعما آخر بلغة الضاد الفصيحة، خصوصاً أن بعض أخواننا العرب قد لا تستهويهم اللهجة أو قد لا يفهمونها.
تحياتي الحارة كل الود والاحترام والتقدير |
|||
30-08-2016, 01:09 AM | رقم المشاركة : 5 | |||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
إيمتى رح يفضوا العرب تا يحرِّروا فلسطين؟!٠٠٠
الأميركان بيقولوا لإسرائيل وبيطمْنوها ، متل ما قال الشاعر ''جرير'' لَـ ''مربعْ'' لمَّا هدَّدو الفرزدق وسَحَبْ عليهْ السِّكينة!٠٠٠ قال جرير زَعَمَ الفَرَزْدَقُ أَنْ سيقتلُ مِرْبَعًاً٠٠٠٠أبشر بطول سَلامةٍ يا مِرْبَعُ (تيتحرروا بيحرروها إن شاء الله يعني هيك والله أعلم بعد مئة سنة غير السبعين اللي فاتوا هذا إذا صار وتحرروا لأنه فيه اللي ما وصلهم الدور) -شر البلية ما يضحك- جميل جداً أسلوبك الساخر دمت والرقي أ. محمد تحياتي |
|||
30-08-2016, 05:02 AM | رقم المشاركة : 6 | |||||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
اقتباس:
نشيد بلأخلاق الفرسان ونشيد بكم كل الود |
|||||
30-08-2016, 10:54 AM | رقم المشاركة : 7 | |||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
أخي العزيز
أحمد المعطي حيّاكَ اللهُ وبيّاك أشكركم على المشاعر النبيلة ، وأما بالنسبة لإستعمال اللهجة المحكيّة ، فإنّي بالعادة أنوِّع في أسلوبي ، فقد ألجأ إلى الفصحى الصرف أحياناً ، وتارةً أطلق العنان للدارجة وفي مراتٍ أخرى أخلطُ بينهما وهذا يعود لطبيعة الموضوع وحالة التجلِّي٠٠٠ أعترفُ بأنّي أفرِطُ أحياناً كثيرة بالعاميّة ،لأني أشعرُ بأنها أصدقُ وأقدرُ وأقربُ إلى القلب٠٠ وأحياناً حين أكون مُغرِقاً في المحليَّة أقنعُ نفسي، بأني كفلسطيني، أحافظُ على موروثنا الثقافي!٠٠ أشكرك على ملاحظتك وبالطبع لك الحق في الرأيِّ وفي النُّصح ، وستجد لي مواضيع- بإذن الله - بالفصحى٠ |
|||
30-08-2016, 11:00 AM | رقم المشاركة : 8 | |||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
أخي العزيز
أشكركم على قبول إعتذاري نهاركم سعيد تحياتي لكم وللجميع |
|||
30-08-2016, 11:08 AM | رقم المشاركة : 9 | ||||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
اقتباس:
ولقد قال نيلسون مانديللا عند إستقلال بلاده وتخلّصها من نظام الفصل العنصري ، قال إن حرية جنوب أفريقيا لن تتم إلا بالتحرير الكامل لفلسطين!٠٠ فمتى سنصحو يا عرب؟!٠٠ أشكركِ على مديحك وأرجو أن أبقى عند حسن ظنِّكم٠ تحياتي لكم٠ |
||||
01-09-2016, 04:22 PM | رقم المشاركة : 10 | ||||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
اقتباس:
فأنا أفعل ذلك أحيانا..لا عليك من رأيي ونصحي لأنه ليس إلا وجهة نظر، ولكني من أنصار الفصحى لأنها القاسم المشترك الذي يريط بين شعوب الامة لتعدد اللهجات وربما اختلافها في بعض الأحيان، فالفصحى يا صديقي هي الخيط اذي يجمع حبات العقد التي أرجو ان لا تتبعثر بسبب الظروف القائمة التي تمهد لتقسيم المقسم أصلا...ودي. وفقك الله، تحياتي الحارة كل الود والاحترام والتقدير |
||||
02-09-2016, 07:58 AM | رقم المشاركة : 11 | ||||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
العمى شو هى فلسطين محتله .......... |
||||
02-09-2016, 10:56 AM | رقم المشاركة : 12 | |||
|
رد: يِي يِي شُو حِلوة حرُوبْنا ،لمَّا تولِّعْ بتجَنِّنْ
والله هيك طلع معنا بالمحصِّلة٠٠٠ إكتشافٌ عظيم!٠٠
|
|||
أدوات الموضوع | |
انواع عرض الموضوع | |
|
|
|