كل إحداش أيلول و رُوسْنا عَ كْتَافنا٠٠٠

[محمد طرزان العيق]

كل إحداش أيلول و رُوسْنا عَ كْتَافنا٠٠٠
***************************
بمناسبة حلول ذكرى 11 أيلول عند الشقيقة الكبرى أمريكا نتقدَّم من جديد بواجب العزاء لأهالي الضحايا إللي إلى اليوم ما عرفنا عدَدهم ،لأنُّو كان الرقم مطَّاطي وهلامي متغيِّر وبشكل خاص بالنسبة لعدد الضحايا من أولاد عمْنا إللي كان في البداية حوالي 350 وبعدين صار 35 وبعدين 5 وبالآخر -الله العليم- يمكن ثبَتْ إنُّو ما في حدا منهم سلَّمْ لوْحاتو ،يعني إتَّكلْ!٠٠٠٠رغم إنُّو بعض الحُسَّاد والمُغرِضين بيقولوا إنُّو اليهود همِّ أصحاب البُرْجين٠٠٠شايفيين محاسن الصُدَف؟!٠٠ فسبحان العَاطي وسبحان الحَامي٠٠٠معلش ما تواخذوني نسيتْ إنهم شعبُ الله المختار٠٠٠وهاي مو عجيبة ٠٠٠شو يعني عادي !٠٠٠ومشان تصدْقوا هاي رَح أذكِّرْكو بعجيبة ثانية ; فمثلا في طيارة إنحرقتْ تماماً وطبعاَ معاها الركَّاب والنَّاس إللي كانوا يلعبوا دورْ الخاطفين ، فسبحان الله مرَّة ثانية وثالثة ٠٠٠٠تصوَّروا يا جماعة الخير إنُّو من كل الطيَارة ما بقي ساغْ سليمْ غير جواز سفر أحد الخاطفين العرب وكم صفحة من القرآن الكريم٠٠على كلِّ في عجايب كتيرة صارت بس بدِيش أطوِّل عليكو السيرة وحابب أقول شغلتين
أولاً ; والله العظيم أقرُّ وأعترف وأنا بكامل ما تبَقَّي لي من قوايَ العقلية وبدون أي ضغط أو إكراهْ بإنُّو أنا بريئ مما حدث في هظاك اليوم و ما إلي أي علاقة لا من قريب وبعيد بأحداث 11 أيلول/سبتمبر الجِسام ، تماماً متل ما ''أسامة بن لادن'' كمانْ-وهاي عَ مسؤوليتي- مالو أي علاقة حقيقية مؤثرِة وفعَّالة٠٠٠
مش قصدي يا جماعة أدافع عنُّو ، لأ أبداً وإنما دفاعاً عن هيبة وكرامة الأخ الأكبر أمريكا ،يعني هاي إهانة كبيرة لأمريكا إذا كان إبن لادن في مغارتو في تورا بورا وهالشباب ،إللي عمرهم ما ساقوا طيَّارات وبمواس حلاقة سيطروا على أربع طيارات وساقوها فوق عاصمة أكبر وأقوى دولة في العالم وعملوا هاظا اللي تابعناه ع التلفيزيون ٠٠٠٠ طيِّب كانوا مجهْزِّين كاميرات التصوير ومن زوايا مختلفة والسي أي إيه ما قدرت تساوي شي وطبعاً هاي كمان عجيبة ٠٠٠ ما علينا !٠٠٠ القصة وما فيها إنُّو الأميركان ،ضحكوا على إبن لادن وإتهموه بهالأحداث وهوِّ فِرحْ بالدور ،إنبسط عليه ، ودقْ على صدْرُه ، وصدَّق المسكين حَالو إنُّو هو وكوْكَبة من المجاهدين وراء هذا الفيلم المُحَاكْ بغباء!٠٠٠ بتعرفوا يا إخوان هاي الحكاية ، ذكَّرتني بحكاية إختطاف الجنود الإسرائيليين الثلاثة المُختَلقة وغير المؤكَّدة ، واللي بعض جَماعة من ''حماس'' كيَّفوا على هالخبرية ومن زُودْ حَماسهُم إتْبنُّوا هاي العملية والباقي بتعرفوه!٠٠٠
ثانياً أتمنَّى يعني وبكل تواضع أن يُحتفى بأحداث أيلول وأن تصبح عيد وطني -عفواً ويلْعَن أبو إبليس اللعين-قصدي تصبح يوم حداد وطني إجباري في كل دول العالم حزناً على أرواح من سقطوا في هذا اليوم التاريخي المجيد وبالطبع تستثنى أرواح هاظولا ال 18 شب ،اللي قاموا بالإختطاف ،على الرغِم إنُّو ثبتْ إنو بعض مَنْ وردت أسماؤهم كانوا مَيِّتون ،قبل هذه الأحداث و أما البعض الآخر فكانوا في بلادهم وهم إلى يومنا هذا ما زالوا أحياءً يرزقونْ وهاي كمان عجيبة تالتة أو رابعة ، مهو في هظاك اليوم صارتْ كتير ،كتيرْ من العجايب!٠٠ وشو بِدْنا نعِدْ لَنعِدْ٠٠٠واللهِ ما بنُخْلُص لَبُكرَة أو بعِدْ بكرة٠٠٠أنا حسب معرفتي المتواضعة إنُّو قائمة الخاطفين عدَّلُوها كذا مرَّة ،حتَّى زبطَتْ معاهم!٠٠ مش مُهم ،بس الأهم إنّو نحتفل بهالمناسبة لإنُّو يا جماعةِ الخير ، والحقُّ يقالْ ، إنُّو الرَّاس الأمريكي بيسْوى ميت ألف راس ويمكن أكثر من دُولنا التعبانة٠٠٠٠ وعندي سؤال أخير ،يعني لو سمحتوا ، طيِّبْ ، ليش إلى اليوم ما صَارْ تحقيق أمريكي رسمي حول أحداث 11 أيلول؟!، وليش/وهاظا سؤال مو كتير مهم/هاجَموا العراق وأصلاً شو دَخلو بكل الموضوع ؟!٠٠٠ عجيبة ها؟ بالله مو عجيبة؟!٠٠
كل إحداش أيلول و رُوسْنا عَ كْتَافنا٠٠٠
يا معترين العالمْ تحَسَّسوا رُوسْكو!٠٠٠

[احمد المعطي]

ومن قال لك يا صديقي إن الروس اللي على اكتافنا روس بشر صالحة للتفكير؟َ! أصلا إحنا ما إلنا روس مثل كل خلق الله، واللي بتشوفه بعينك هذا خداع بصري مش أكثر.ولو كنا نملك روساً ما كان هذا حالنا.
تحياتي الحارة
كل الود والاحترام والتقدير

[محمد طرزان العيق]

المشاركة الأصلية كتبت بواسطة احمد المعطي

ومن قال لك يا صديقي إن الروس اللي على اكتافنا روس بشر صالحة للتفكير؟َ! أصلا إحنا ما إلنا روس مثل كل خلق الله، واللي بتشوفه بعينك هذا خداع بصري مش أكثر.ولو كنا نملك روساً ما كان هذا حالنا.
تحياتي الحارة
كل الود والاحترام والتقدير

بمُناسَبة حُلولِ عيدِ الأضْحَى المُبَاركْ
أتقَدَّمُ منكُمْ جميعاً بأسْمى آيَاتِ التهنِئة
و كلُّ عَامٍ أنتُمْ بألفِ خير
أعادَهُ اللهُ عَلينَا وعَليكُمُ باليُمْنِ والبَرَكَاتْ
وبالسلام وبالأمان وبالمحبَّة وبالحرِّيَاتْ
إنَّهُ السَّميعُ البَصِيرُ والمُجيبُ للدعَواتْ
مَنْ مِثلُه كَريمٌ رَؤوفٌ وواسِعُ الرَّحَماتْ

صدقتَ والله!٠٠٠

[احمد المعطي]

المشاركة الأصلية كتبت بواسطة محمد طرزان العيق

بمُناسَبة حُلولِ عيدِ الأضْحَى المُبَاركْ
أتقَدَّمُ منكُمْ جميعاً بأسْمى آيَاتِ التهنِئة
و كلُّ عَامٍ أنتُمْ بألفِ خير
أعادَهُ اللهُ عَلينَا وعَليكُمُ باليُمْنِ والبَرَكَاتْ
وبالسلام وبالأمان وبالمحبَّة وبالحرِّيَاتْ
إنَّهُ السَّميعُ البَصِيرُ والمُجيبُ للدعَواتْ
مَنْ مِثلُه كَريمٌ رَؤوفٌ وواسِعُ الرَّحَماتْ

صدقتَ والله!٠٠٠

كل عام وانتم بألف خير

[خالداحمدمحمود]

لحد هلا ماعرفنا ل احداش ايلول اصلوااا من فصلوااا

[محمد طرزان العيق]

المشاركة الأصلية كتبت بواسطة خالداحمدمحمود

لحد هلا ماعرفنا ل احداش ايلول اصلوااا من فصلوااا

بل أنه معروف تماماً٠٠٠معروف من قام به وما هي أهدافه٠٠٠ خطط الأمريكان له منذ زمان وكانَ ما كان إحتلال العراق وتخريبه وتدمير ليبيا وسوريا واليمن والحبل على الجرار وأهم شيئ أن تكون حبيبة القلب إسرائيل بخير وأن تبقى متفوقة على الجميع٠