لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
|
أدوات الموضوع | انواع عرض الموضوع |
04-08-2014, 01:16 PM | رقم المشاركة : 1 | ||||||
|
قصة الموت
واحنا صغار...
كنت بخاف من سيرة الموت... ريحة الموت.. لما يموت حد من العيلة.. او م الجيرة .. كنت بقول .. لحظات وهموت.. كنت بقول الموت دا سحابة ... لما بتنزل... لازم كل الناس دى ... تتبل.. كنت بحس كأنه واقفلى .. خلف التل... لما هنام راح يجينى .. ياكلنى.. وافضل طول اليوم عيان .. وافضل غارق وسط صحابى ....فى التوهان... ***** كان الموت ف عنيا ... جبان.. ما بيدخلش بيوت العالم .. غير هربان.. بيخاف ييجى لاى غريب... لكن عيلتى.. حد قريب.. كان بيجيله ف وسط الضلمة.. يخطفه منّا بدون ترتيب... يفرح فينا كوحش بيسعد ..بالتعذيب.. ***** كنت صغير... لو مات حد أخاف من بيته... أقرف أكل عند اصحابه.. حتى الميه.. حتى الشجر الاخضر طالع وسط مقابر... حتى التوتة... وحتى النخلة.. اغلى صحابى.. لو يوم طرحت جنب ال(الطربة).. كنت أخاف أكل من خيرها... كل عيال الحتة تاكلها ... بس لوحدى ... كنت بخاف لو أقرّب منها... كنت بشوف فى ثمارها الموت.. كنت بقول لو كلت .. هموت.. كان الموت ف عنيا .. دا غول.. له جبروت.. ***** واما كبرت... صبح الموت دا ...بقية عيلتى.... صاحب ابويا وامى وخالتى.. خد من بيتى تلات أولاد... حتى ف نفسى ... كان بيزورنى.. ضيع منى كتير من عمرى... ***** واما الشعر الابيض زاد.. شفت الموت دا أساس لحياتنا... بيه مبنية ... حتى بيوتنا... شفته ف بلدى... شفته ف شعبى .. شفته ف دينى واملى وحلمى.. شفته ف كل مكان .. ومعاد.. ايها شئ ف الدنيا مصيره .. هو الموت.. مهما ان كان ف الدنيا .. طاغوت.. ***** شفت البلد الشامخ ...بلدى.. شفت الشعب الجامح... شعبي... جه فى الاخر .. عجّز .. مات.. شفت بلاد وبلاد بتموت.. احلى ممات..... شفت شعوب الموت فوق راسها ... بين خطاويها... شايلة الموت على ايدها يوماتى من غير حد يحس بموتها.... أو يحميها... ***** شفت الموت للدين فى قلوبنا شفته بيحرق نار ضمايرنا.. وبيكويها.. صبح الموت حدوته جميلة .. وبنحكيها.. رحلة جميلة ف عز الضلمة .. وبنقضيها... صبح الموت دا ... شهية أكل.. لو فات يوم من غير مانموت... بقى يوم ..كحل... صبح الموت من كتر وفاءنا... لو بدمانا .. راح نفديه.. أصل دا زمن الفجر بعينه.. صبح الموت أجمل ما فيه.. جمال نصير يوليو 2014
|
||||||
09-08-2014, 10:09 AM | رقم المشاركة : 2 | |||
|
رد: قصة الموت
..
نعم هو الموت ابعد الله عنا الموت وكنا مثلك ولكن تغير الحال وشكل ونوع الموت بعد دمار غزه وتهديم البيوت على روؤس اصحابها ولو عشت الموقف في غزه لتغير مفهوم الموت لديك دمت بود وعافيه احترامي |
|||
09-08-2014, 10:13 AM | رقم المشاركة : 3 | ||||
|
رد: قصة الموت
واما كبرت...
صبح الموت دا ...بقية عيلتى.... صاحب ابويا وامى وخالتى.. خد من بيتى تلات أولاد... حتى ف نفسى ... كان بيزورنى.. ضيع منى كتير من عمرى... **** صحّ لسانك أيها القدير فقد صار الموت بريدا نستلمه يوميّا بأيدينا وهو يوزّع رسائله عند كلّ بيت وعنوان اللّهم لا نسألك ردّ القضاء وإنّما نسألك اللّطف فيه . لا اراك الله مكروها أيها المتميّز
|
||||
11-08-2014, 01:15 PM | رقم المشاركة : 4 | ||||||
|
رد: قصة الموت
أبو أحمد .. من منا لم ير ما رايتموه ؟؟ كلنا رايناه نحن ( الشعوب) بعين ذليلة وقلب جريح .. ولكن الامل فى الله وحده ان ينصركم .. فلم نفعل -ولن نفعل - لكم شئ لاننا ببساطة .. قضيتكم لا تهم كبراءنا .. فهم مع الصهيونية العربية .. ولكن الله ناصركم
|
||||||
11-08-2014, 01:16 PM | رقم المشاركة : 5 | |||||||
|
رد: قصة الموت
اقتباس:
|
|||||||
09-03-2020, 04:53 AM | رقم المشاركة : 6 | |||
|
رد: قصة الموت
صهيل موجع متميز بواقعيته وصدقه
لما قرأته كان عندي رد طويل وراح مني ألجمني ما قرأت من حزن هو جزء منا والجرح يجمعنا تحياتي أ. جمال |
|||
17-05-2020, 02:27 AM | رقم المشاركة : 7 | ||||
|
رد: قصة الموت
نص عبر عن الألم و كمية فقدان الحياة فيه
جميل بوحك هنا بواقع الحزن تحيتي لك ولقلمك الراقي
|
||||
أدوات الموضوع | |
انواع عرض الموضوع | |
|
|
|