|
|||||||
| ⊱ ذاكرة⊰ ان التهمهم الغياب ... لن تلتهمهم الذاكرة |
 |
|
|
أدوات الموضوع | إبحث في الموضوع | انواع عرض الموضوع |
03-01-2018, 12:16 AM
|
رقم المشاركة : 1 | ||||||||
|
يا جـمـّال رد جْمالك علينا / غيوانيات
الغيوان مدرسة الاغنية الشعبية التي قالت وجع المواطن المغربي/ المغاربي العربي
وفاء لمدرسة لم تنحز سوى للحق والصدق في القول وعمق الكلمة / ندرج بعضا من قصائد ناس الغيوان, 1 يَا جَمَّالْ رْدْ جْمَالْــــــكْ عـْلِــيـنــَـــــــــــــــا راه احنا ولاد ناس وف العز تربينـــــــــــا يا جمال رد جمالــــــك علــيـنــــــــــــــــــا راه احنا ولاد ناس وف الخير تربينـــــــــا عـيونــــا علــى شوفـــة لَمْـلِيــــــــحْ دْوَاوْ وانت ماشي زين لا ترمي لغبار ف عينينا قلُـوبْـنـَــا ب كـلـمـــــة الـمـحـبـــــــة دواو وانت قلبك حجر . . . نوض اخطينــــــــــا يا جمال رد جمالــــــك علــيـنــــــــــــــــــا لبسنا الحرير ورميناه كلمنا الحق وسمعنـــاه شفنا الزين ودْحِينَــاهْ عْرْفْنَا لهوى وما بغيناه وتجي أنت يا جمــــال وتدوز جمالك علينـــــا يا جمال رد جمالــــــك علــيـنــــــــــــــــــا * * * * قـُومْ يَا قلْبِي من نومك شوف الحالـــــــة حر العديان ف الدواخل دَارْ نْكَالَــــــــــــة درنا فيهم لامان يا قلبي مشينا طوالـــــة لقيناهم ثعبان شر من سم الــقــتــالـــــة نتذكــر خيمتنــا يــا قلبــي قبـــل الشعالة نتذكــر قمحنــا وشعيرنــا وْلـَّـى نخالــــة يا شقة ف القلب يا وعدي جرحك يَتْلاَلاَ ليالي لعذاب يا وعدي امتى تتســــالـــــى عيشونا ف لخدع يا قلبي واحنا رجالـــة عيشونا ف الضيم يا قلبي وكثرو القوالة لكن الوعد يروف يا قلبي تصفى ذا الحالة يبان البرهان ف الخاين يولي ف دلالـــــة https://www.youtube.com/watch?v=M7eMlmBi58M
|
||||||||
|
|
03-01-2018, 12:29 AM
|
رقم المشاركة : 2 | ||||||||
|
رد: يا جـمـّال رد جْمالك علينا / غيوانيات
2 السمطة : الحزام ويعني بها العصا
يَا وَلْفِي رزق شي ف شي والدايم الله فتحة ف گلبي ب دگة صْعِيبَة ولا نحكي على حبابي . . . حالي يا مَگـْوَاه خداتهم الغربة ف صنارة وسْبِيبَة صار البحر جَبَّانّة وُالحُوتْ جاه عْشَاهْ الشط بعيد. . . والبوغاز راه فين راه فين غادي ؟ الدراع عْيَا . . . ولمواج گـْلِيَبة لَهْوَاعَة خَادْ الثمن ودا المجداف معاه المركب يغرق . . . والموت قريب وَاشْ قْبْلْهَا ؟ شهدو احبابي بالله . . . * * * * مـــا أنـــا وحـدانـــي مـــا أنـــا بــــرانـــي أنــــــا مـــواطـــــــن والسـمـطـة عـلـيــــا والـجـنـوي مـاضــي يــجـــرح يـــديــــــا * * * * الـعـمـارات عـالـيــة لـكـواخ مـردومـيـــن لـمسـابـح دافــقـــــة لـفدادن مـحـروقـيـن الدنيا غادية يا اهلي ب حال الـمسـكـيـــن أرضـــي عــاطــيــة كنوزها مـفـتـوحـيـن لـوحـوش الضاريـة انيابهـــا مَـمْـدُودِيــنْ شـمـسـي ضـاويـــة لبيــوت مـغـموقـيــن بـحـوري عـامــــرة وحـنـــا جـيـعـانـيـــن الدنيا غادية يا اهلي ب حال الـمسـكـيـــن * * * * وَالسَّجـَـانَــة حَلُّوا يَا وِينْ بِيبَانْ لســـجـــــان والسجــانــة شعلو قنديل وِيْبَانْ النـُّـــــورَانْ والسجــانــة يخرج الولد من بين لكفـــــــان تهبى لجمار وتزول عليه من صعود النيران وَالظَّلْمَانْة يكفى تعذيب ل هاد العــــــالـــــــم يكفـــى همــاج راه حــنـــا أولاد العـــالــــــم
|
||||||||
|
|
|
03-01-2018, 12:34 AM
|
رقم المشاركة : 3 | ||||||||
|
رد: يا جـمـّال رد جْمالك علينا / غيوانيات
3
ياصاحْ راني وسْط الحملة يَا صَاحْ رَانِي وْسْطْ الحَمْلَة وْرْخِيتْ الشَّمْلَة ومَا فَاتْ الحَمْلَة وْإلَى تْفَاجَى الضّبَابْ الضَّايْرْ بِنَا يَا أهْلِي ُوصْلاَح ْالوَقْتْ . . . وُسَارْ عْلاَمْنَا وَاقْفْ عَلْى دْرْبْنَا يَا أَهْلِي يُومْ نْصْبغُوا دَارْنَا بْ لَبْيْضْ وُإِلَى كَانتْ المُوتْ عَدْلْ . . كِيف دَايْر حَالْ الظـُـلمْ ؟ وَاوَِوينْ أَِوينْ شَاوْرُوا عْلِيـــــــــــــّا وَاهْ وْلْفِـــي وْالدّنيـــــَا مَــا تْـــــدُومْ بْكَاوْ حْتىَّ عْيَاوْبِالدَّمْعْ نْجَالِــــــــــي حَالِي تْبْدْلْ حَالُــــه هـــَذَا أَحْــــــوَال وُالعْدْيَانْ فْ جْنَابِي كُلّهَا يْشَالِــــــي شِي سَالْبْ عْقْلِي شِي عَاجْبُهْ الحَال وَأَنَا وْسْط ْالحَمْلَة وُ وَحْدِي نْلاَلِـــي لاَ مَنْ مَدْ لِي يَدُّه وُلاَ عَنِّي سَــــــالْ مَلِّيتْ الوَحْدَة وُمَلِّيتْ مَا جَرَى لِــي غَرْضِي بَالسَّلاَمْ يِفَاجِي خْبَالِـــــــي نْبْكِي عْلَى مَحْرَابُهْ شَلَّى إِيَّـــــــــامْ ِ وينْ أَوِينْ أَِوينْ شاَوْرُوا عْلِيَّـــــــا شْفْتِــي الحَالَــة يَــاعِينِـــي دِْوي مَـــــا بِيدِيّـــــا مَـــــا نْدِيْــــــــــر آيَاي يَا عِينِي اَدْوِي وُالرَّحْمَــــة فْ الدّنْيَـــــا قْلِيلَــــة مَـــــا بِيدِيّـــــا مَـــــا نْدِيْــــــــــر آيَايْ يَا عٍينٍي ادِْوي كِيفْ نْوَالفْ يَا عَالَمْ كِيفْ نْوَالْفْ عِيشْتِــــي فِيــــكْ بْــــلاَ سْلـــــاَمْ آيَايْ يَا عيِنِي ادِْوي قْــــــلاَلْ قْــــــلاَلْ احْنـــــــــَا وَاشْ فِينــــــــَا مَـــــا يْتْقْسْـــــمْ عَهْــدِي بْلْوِْزيعَــة فْ لَغْنـــــــْمْ سَرْنَــــــــا فِيهَـــــــا كَامْلِيـــــــنْ آيَايْ يَا عِينِي ادِْوي سَامْحُوا لَبْكْمْ إِلَى تْكْلْمْ احْنَا قْلالْ مَا فِينَا مَا يْتقسمَ اْلوَجْدْ إِلَى يْهِيجْ مَا عْنْدُهْ صَحْوَة السَّرْ إِلَى انْحْلْ مَا غَطَّاهْ خْنِيفْ شْمْسْ الحَيّينْ مَا تْدْفِي المُوتَى مَاشِي بْصْيَاحْ لْغْرَابْ كَاتْجِي الشْتَا والله وُمَا قْفْلنَا لاَ فورْنَا
|
||||||||
|
|
|
|
|
|
|
العرض العادي
