مجنونة

[محمد العسيلي]

‎صباح الفل والياسمين على حضراتكم
دي قصيدة كتبتها وأحب أشاركم بيها...‏
مجنونة
ما تتهوريش
ما تتكبريش
وفي عز حبي ما تتصوريش
إني في يوم أقبل أكون لغيرك
يا حياتي
أنا كلي ليكي
وعمري ليكي
وماضي ليكي
واليوم ده ليكي
وبكره برضه
و في علم غمضه
حكون يا عمر العمر كله
أكيد برضه ليكي
وإزاي مكونش ‏
وأنا من لما شفتك
بقيت يا روحي
كل ماضيكي
أنا يمكن أبعد
أنا يمكن ألم بعضي وامشي
وأبكي رمشك وأبكي رمشي
عشان بس أقولك
حتى البعاد
اللي قدرتي في يوم عليه
كان صعب عندي
لكن ما غيرش
حاجة في قلبي
شايلها ليكي
ولسه برضه
شايلها ليكي
محمد العسيلي
جمهورية مصر الحرة‎‎

[زياد السعودي]

مرحى بكم
وبصهيل حرفكم

بوركت ايها الكناني
محبة

[آمال محمد]

.
.

صهيل خفيف أنيق

ولو ان العبارات فيها حدة

والموسيقى كانت ساعة تمشي ساعة ما تمشيش


تقديري

[محمد العسيلي]

البركة كل البركة فيكم أستاز زياد السعودي
وسمحلي أقولك
يا مرحبا يا مرحبا
بالناس والصحبة الطيبة
تشرفونا وتأنسونا
أصل القلوب قريبة

[محمد العسيلي]

يا جمالك وانتي بتتكلمي مصري بصي أستازة آمال أصل ده بيعتمد على الموسيقى اللي انتي حاطها بنافخوك بس أنا حبقى أخد بالي أكتر ما توقعش مني بأي حتة
وسمحيلي أقولك
تمشي ما تمشيش
أهو كله يعدي
وكلام بجيب
وكلام بودي
لكن زيارتك
ومرورك عندي
ده ما يعديش
بسهولة عندي
زي القمر
أهو لما بيجي
يملى البشر
بجمال ودلال
و ده زي مرورك
أستازة آمال‎

[فاطمة الزهراء العلوي]

جميل الوفاء في ابجدية الحب

صهيل شفيف

شكرا اخي

[محمد العسيلي]

بتشرفيني استازة فاطمة لما شعري بيعجبك وبحبكم أهل المغرب الطيبين جدا جدا ودي حاجة معروفة انكم أهل الاخلاق الطيبة

[عبير محمد]

صهيل جميل فيه موسيقى رقيقة

وبوح غاية في الشفافية والنقاء

دمت بألق الوارف محمد العسيلي

ودام نبضك

ودّي ووردي

[محمد العسيلي]

المشاركة الأصلية كتبت بواسطة عمر الهباش

الله الله كلمات عامية جميلة بلهجة مصرية صافية مغناة من القلب

شكرا للمبدع محمدالعسيلي على ما تتحفنا به

سلام عليكم والله أنا أسف جدا جدا على التأخير في الرد واشكرك على الكلام الحلو كلك زوء حضرتك

[محمد العسيلي]

المشاركة الأصلية كتبت بواسطة عبير محمد

صهيل جميل فيه موسيقى رقيقة

وبوح غاية في الشفافية والنقاء

دمت بألق الوارف محمد العسيلي

ودام نبضك

ودّي ووردي

سلام عليكم أستازة عبير سعيد بيكي جدا وأسف والله عالتأخير أصل السيرفر باظ عندي لما قطعو الجمعة الماضية فمش عارف ليه وازاي باظ واما صلحته وفرمت اللابتوب ضيعت الموقع خالص وبعدين لقيته لما حطيت اسمي بمحرك البحث ويا دوبك لما افتكرت كلمة السر اسف جدا ‏‎

[محمد العسيلي]

المشاركة الأصلية كتبت بواسطة عدنان حماد

بوح شفيف بلهجة جميلة
تقديري

أسف جد انا افتكرت اني رديت عليك بس الظاهر ما بانش شكرا جدا ليك ‏‎
‎يا فندم وسعيد جدا بحضرتك

رائعة
جميلة البوح المعنى
هذبه----عذبه
طاب حسك

[عبير محمد]

اقتباس:

المشاركة الأصلية كتبت بواسطة محمد العسيلي
سلام عليكم أستازة عبير سعيد بيكي جدا وأسف والله عالتأخير أصل السيرفر باظ عندي لما قطعو الجمعة الماضية فمش عارف ليه وازاي باظ واما صلحته وفرمت اللابتوب ضيعت الموقع خالص وبعدين لقيته لما حطيت اسمي بمحرك البحث ويا دوبك لما افتكرت كلمة السر اسف جدا

.

.



ولايهمك

‏‎

[فاتن دراوشة]

قال ايه يِقول بيحبّ قال

وَنا قَلْبي مِنّي تاه وِسالْ

بسّ امّي وَعّتني وأنا

لِكلامها عُمري مَخون مُحال

قالِت يَبِنْتي تْزَكّري

وْخَلّي الكَلام

حَلقة بِوِدْنِك وافْهَمي

إنّو أبَدْ

مَبْيومْ تِآمْني للرِجال

لَنْهُمْ بِديل

يِلْعَبْ على كلّ الحِبال

قَلْبو سَبَق

فيهِ البَنات

خيلٍ أصيل

تِجري عَشانو وتِسْتِبِقْ

يا بِنْتي كوني مْصَحْصَة

خلّي عِنيكي مْفَتّحة

واوعي عَريسِك يِلْتِهي

مَع أيّ بِنْت بْمَصْلَحَة

وإن دا جَرى

خلّي نَهارو الحِلْوِ ليلْ