موشَّح بايخ ,مَقيتْ ومقرف كمان

[محمد طرزان العيق]

موشَّح بايخ ,مَقيتْ ومقرف كمان
******************************

جَانا الكُورُونَا ، جَانا الكُوروونَا٠٠٠
أوُعكُو تِيجوا عَ بلغاريا تزورونا٠

حَالةْ طوارئ فرضُوهَا علينا٠٠٠
واللهْ يستُر مِن يَاللِّي جايِّينَا٠

جمّدوا الحياة بكلِّ البِلاد٠٠٠
الله يكون في عُونِ العِباد ٠

ما تلقاش واحَدْ بالشَّارِع يمشِي٠٠٠
كلّو مِستعجِل والخُوف متفشي٠

حَوّلوا العَاِصمة لِمدينة أشبَاح ٠٠٠
وما حَدا عادْ عَ شغلوا راح٠

هدَّ اللهْ حيلَكْ واللِّي جابَكْ يا كُورُونَا٠٠٠
ومعاك ترامب الخبيث ابن المَلعونا٠

إحنَا ما نِتخلّى أبَدْ عنِ الأمَلْ٠٠٠
وإدعُولنا بسرعة يِجينا الحَلْ ٠

الحَذَر يا جماعة ما بيمنع قَدَر٠٠٠
والحُكومِة بالغَت بتقدير الخَطَر٠

والبرلمانْ مَبسوطْ عَ حَالُو٠٠٠
وبهموم الشَّعِب ولا عَ بَالُو٠

ياللا بَلكِي بيقبضُولهُم قِرشين٠٠
وشُو مَا كَانوا برضَكْ حِلوينْ٠

مِعتمْدِين ع الاتِّحاد الأوروبّي٠٠٠
يِشحَدوا ويتقَاسَموا والعَالِمْ ربّي٠

لا تُقولُولِي هاظا قدَر ومكتوبْ٠٠٠
كلُّو بفعِلْ فَاعِلْ وكلُّو مَحسُوب٠

هاللِّي عَم يِجري يانَاسْ مش مَعقولْ٠٠
يا تُرى مِين عن هالفوْضَى مَسؤولْ٠

أكيد في حدا إلو مصلحة بهَالشِّي٠٠٠
اللي بيعْرِفْ يِتفضَّل وبالسِّر يفشِي٠

أزَمِة ومِتِل غيرهَا رحْ تعدِّي يا نَاسْ٠٠٠
بسْ بعِدْمَا تكونْ الفَاسْ فاتَتْ بالرَّاسْ٠

قالْ شو خَايفِين عَ صِّحة البشريّة٠٠٠
وهمِّي والله عِصَابة أشرارْ مُفتريّة٠

يامَا فَبرَكوا من قَبِل قَضَايا وأزَمات٠٠٠
وبالآخِرْ إنكشفَتْ واستَمَرتْ الحياة٠

خَلَصْ يا إخْوان وبيِكَفِّي لَحدِّيت هُونْ٠٠٠
وشُو ما عِملوا مٍش رح يغيروا الكون٠

الله يا قادِر ترُدْ كيدْهُم إلى نحرهُمْ٠٠٠
لولا شْوَي بِدِّي أفْتِي حَلالْ ذَبحهُمْ٠

محمد طرزان العيق
14.03.2020

[نوال البردويل]

فايرس مخلق بإذن الله رح ينتهي
صحيح إنه قتل من الناس كتير لكن مصيره مصير الجمرة الخبيثة وغيرها
تقديري د. محمد وتحياتي

[محمد طرزان العيق]

المشاركة الأصلية كتبت بواسطة جمال عمران

مرحبا 🌷أخى محمد
كلها (ملاعيب شيحا) إبحث عن المستفيد.
مودتى

أسعدني تعليقكم أخي جمال
وفعلاً جُلّ إهتماتنا أنا وغيري من الناس ، موجّه لمعرفة الجهات المستفيدة٠٠٠ هناك حروب من قبل وسائل الميديا وهي أخطر بما لايُقاس من فيروس كورونا تخاض تجاه عقل ووعي الشعوب
تحياتي

[محمد طرزان العيق]

المشاركة الأصلية كتبت بواسطة نوال البردويل

فايرس مخلق بإذن الله رح ينتهي
صحيح إنه قتل من الناس كتير لكن مصيره مصير الجمرة الخبيثة وغيرها
تقديري د. محمد وتحياتي

أسعد الله مساءكِ أستاذة نوال ، ومساء الجميع
صحيح ما قلتِ فالأمر كله فبركة ، وإدارة لحروب إقتصادية وإعلامية بهدف خلق حالة من الهلع والفزع ، تُفقِد الجماهير وعيها وتشلّ تفكيرها وتشتّت إنتباهها وتعمي بصيرتها عن أمور أخرى تُحاك لها٠٠٠
ورغم معرفة الشعوب ، بسبب الخبرة ، إلا أنها تتعرّض لحربٍ إعلامية ضروس
تحياتي لكم

[هادي زاهر]

الله يبعده عن الجميع.. تحياتي الحارة