حكاية صايِّمْ , مكيِّفْ ويمْكِن مصَيِّفْ كمانْ!٠٠٠ - ۩ أكاديمية الفينيق ۩



لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: حلم قصير وشائِك (آخر رد :عبدالماجد موسى)       :: رفيف (آخر رد :عدنان عبد النبي البلداوي)       :: الزمن الأخير (آخر رد :حسين محسن الياس)       :: ،، نهرُ الأحلام ،، (آخر رد :أحلام المصري)       :: صَمَتَ الليل؟ (آخر رد :أحلام المصري)       :: لغة الضاد (آخر رد :عدنان عبد النبي البلداوي)       :: إلى السارق مهند جابر / جهاد دويكات/ قلب.. (آخر رد :أحلام المصري)       :: لنصرة الأقصى ،، لنصرة غزة (آخر رد :محمد داود العونه)       :: السير في ظل الجدار (آخر رد :محمد داود العونه)       :: إجراءات فريق العمل (آخر رد :محمد داود العونه)       :: بــــــــــــلا عُنْوَان / على مدار النبض 💓 (آخر رد :محمد داود العونه)       :: إخــفاق (آخر رد :محمد داود العونه)       :: جبلة (آخر رد :محمد داود العونه)       :: تعـديل (آخر رد :محمد داود العونه)       :: إنه أنـــــــا .. (آخر رد :الفرحان بوعزة)      


العودة   ۩ أكاديمية الفينيق ۩ > ▆ أنا الفينيقُ أولدُ من رَمَادِ.. وفي الْمَلَكُوتِ غِريدٌ وَشَادِ .."عبدالرشيد غربال" ▆ > ⊱ مَطْويّات⊰

⊱ مَطْويّات⊰ للنصوص اللاتفاعلية ..

إضافة رد
 
أدوات الموضوع انواع عرض الموضوع
قديم 24-06-2018, 03:21 PM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي حكاية صايِّمْ , مكيِّفْ ويمْكِن مصَيِّفْ كمانْ!٠٠٠

حكاية صايِّمْ , مكيِّفْ ويمْكِن مصَيِّفْ كمانْ!٠٠٠
************************************
السلامُ عليكو!٠٠٠
هاظا يا مَرْحومِينْ البَيّ ، والرحمة بتجُوزْ عَ الميِتْ والحَيّ٠٠٠٠٠صلُّوا عَ النَّبي العدنان وزيدُوا صلاتُه ٠٠٠
كان يامَا كان في واحدْ صايِم ومكيِّفْ بيروح ع الجَّامع كل يوم المغربيَّاتْ ، يعني متل ما تقولوا عَ الفطور، بيصلي المغرب وبيفطر مع هالناس الصّايمة وعَبينْ مايشرَبوا كاسةْ الشَّاي ويتخرَّفوا شويِّة بصير وقت العشاء فبيقوم يصلِّي العشاء جماعةً والتراويح كَمانْ٠٠٠ وكل يوم هيك على هالمِنوال! وصاحبنا الصايم ,المكيِّف إلِو صديق، يعني، هيك شَرْواكم بالخير، طيِّب ومحترم ، وإبن عالَمْ وناس ، ومِنْ حسُنْ حظُّه كانْ هاظا الصديق ساكن تقريباً في نفس الحي , ولذلك إتفقوا إنّو يرُوحوا كُلْ يوم عَ الجَّامع ويرجَعوا سَوا لإنهم هيكْ وهيكْ هُمِّ جيرانْ وبعدين الصديق بيكسَبْ بِـ صاحِبنا أجِرْ وثواب (قال تقُولوا صاحِبنا هاظا مفظِّل ع صَديقو ، لأ ويمكنْ حتَّى محمْلو جْمِيلة إنُّو عمْ يركبْ معو بسيَّارتو!!٠٠)٠٠ وع كُلْ حالْ الله يتقبَّل مِنْهم ومنكُمْ ومنَّا الصيامْ ياربْ٠٠٠قولوا آميييين٠٠٠٠
قبل يومين، يا جماعِةْ الخيرْ، صارت مع هاظا الصايمْ والمكيِّف حكايِة طريفة ، عجيبة وفعلاً غريبِة ، فلقد إختفت -بعيدْ عنكَو- شَحَّاطة الجِلد , إللي كانْ لابِسها لما كانْ رايح مع صديقو الطَيِّب عَ الجامع٠٠٠
هسَّة قبل ما أحكيلكو حكاية هايِّ الشحَّاطة ، اللي صارتْ معو من يومين, وصلتني أخبار إنًّو اليوم الصبح كمان صايرة معاه حكاية جديدة ، الله وكيلكو طازة طازة ، يعني ما صارْ إلهَاش أكَمِّن ساعةْ ٠٠٠وهيكْ جَاي عَ بالي أحكيلْكُم عنها بالأوَّل٠ فَـ شو رايكم ؟!!٠٠٠ طيِّبْ كويِّسْ إتفقنا!٠٠٠
قام زَلْمتْنا الصايم والمكيِّف من النوم غسَّل وجهو و لبِسْ أوَاعِيه وتعطَّر ، مشَّط شَعراتو ولبِسْ سبَّاطُو وبعِدْ ما زبَّطْ حَالو و إتْهَنْدَزْ, إتكَلْ على الله وتسَهَّلْ عَ الشُغلْ٠٠٠
وصَّل عَ محطة الباص وقَعدْ يستنَّى الباص ٠٠٠٠ وبعد ما إستنَّى شي ربِعْ أو تِلِتْ ساعة ،الله أعلم، فَجأة نَطَزْ وكإنُّو شِي حيِّة قَرصَتُه ووقَّفْ ع إجريهْ وقَامْ يركظْ زي المجنون وقطَّعْ الشارِع إلى الرصيف التاني و هناك قَعد مِنْ جديدْ في المَحطَّة المقابلة يستنى الباص!!٠٠٠
أمَّا البنت إللّي كانتْ قاعدِة بجنْبُه ع المحطَّة الأوَّلانيِّة نطَّتْ من الرعبة، ياحرام ،عَ أربَعِتْها! ٠٠٠بعِد ما شافتْ صاحبنا كيف قامْ فجأة ، وكيف صار يركُظْ ٠
بتعرفو شو اللي صار؟!!!!٠٠٠
الحكايِّة كلْهٌا إنُّو صاحبنا الصايم فِطِنْ أنُّو قاعد في المحطة الغلط [المقابلة] و إللي بتودِّي على عكس الإتجاه اللي هوِّ ناوي يروح عليه [محل عمله] !٠٠٠ وحمَدْ الله إنُّو الباص ما إجاشْ طُولْ هالوقت ، فلوْ كان رِكِبْ فيه , كانْ يعني راح عَ الشرق بدل ما يروح عَ الغربْ وهات دبِّرها ولذلك ركظْ زلمَتْنا زيِّ المَلسوعْ ولحَّقْ حالو قبِلْ ما تُوقَعْ الفَاسْ بالرَّاس ، وكان فرحانْ كتير، رغم إنو مرُّوا باصينْ إتنين, وطبعاً وراحُوا عليه ، لمَّا كان قاعِدْ مِستَرطِبْ ، ومكيِّف بجنبْ هالصبية ،إللِّي يمكنْ من رعْبِتها -ياحرام- بطَلَتْ تحْبَلْ و تخَلِّفْ!!!٠٠
وهالمسكين صاحبنا هيك الدنيا دايماً معاكْسِة معاه ومتِلْ ماتقولوا هالحياة ماشية معاه بالشَقلوبْ٠٠٠٠ كيف ما عمْ يضربها بتُزبُطِشْ معاه ٠٠٠و دايماً بيشتكي للناس وبيقولهم بَظْرُبها ''شمال'' بِتروحْ ''يمين'' ، بَظْرُبهَا ''يمين'' بتروح ''يِمَالْ''!٠٠
قالوا لُه قصدك ''شمال'' رَدْ عليهم وقال لأ ''يِمَالْ'' إستفسروا منُّو شو هالكلمة ، فقال لهم يعني بتروحْ بين اليمين والشمال ، بَسْ لإنها أقرب لليمين لذلك سمِّيتها ''يِمَالْ'' ولو كانت أقرب للشمال كان سميتها ''شِمين''!!!٠
وقالْهم لا تستغربوا أنا هاظا المصطلح أخدْتُو عن القائد الكبير المرحوم ''ياسر عرفات'' إللي كان يستخدم سياسة ''اللَّعَمْ''!!٠٠ لمَّا كان بدُّو يرضِي كل الأطرافْ وما يخلِّي حَدَا يزعل منُّو ، كانْ يستخدِمْ هاي الكلمة ، فهاي الكلمة/المصطلح مركَّبة من ''لا'' و''نعم'' يعني كان يتبِّع سياسة ''البابْ الموارَبْ'' فهو مُو مفتوحْ وبنفس الوقت مش مسَكَّرْ!٠٠٠ وهاي ، ياإخوان، متل ما إخترعْ ''إميل حبيبي'' كلمة ''مِتشَائِلْ'' واللِّي وصفْ فيها الإنسان اللي لا هُو متفائلْ ولا متشائِمْ يعني بالنُّصْ ، فهمتو عليِّ ما هيك٠٠٠عفارم عليكو٠٠٠٠
المهم ، يا أكَابِر، بيرجَعْ مَرْجوعنا لَـ حكايةْ هاظا الصايم والمكيِّف في الجَامِعْ ، اللِّي بديت أحكيها إلكُمْ٠٠٠
في هظاك اليوم كان متِّفِقْ مع صاحبو ، الله يجزيه الخير، إنُّو يروحوا سَوا متلْ كل يوم٠٠٠بس أخونا الصَايمْ والمكيِّف قرَّر في هاظا اليوم إنُو يروح عَ الجامع -أجلَّكم الله - بالشحاطة الجِلِدْ ، بدل السبَّاط ،لإنُّو كانتْ الدِّنيا شُوبْ وبَعْدين هوِّ رايحْ وجَاي بالسيَّارة ٠٠٠
وطبعاً سلامةْ فِهمْكو ومعرفِتكو فأيَّ بيتْ ما بيخلى من الشحاطات وهيك صاحبنا كان عندو مجموعة من الشَّحاطات; شحاطة بلاستيكية للبيت ، وتانية للحمام ، وشحَّاطات جلِدْ للطلعة٠٠إلخ٠٠
لبس الشحَّاطة وقعد يِحلق ذقنو إستعداداً للذهاب للجامع ٠٠٠وبعد شويِّة رنّ الموبايل ، نَطْ صاحِبنا وبسرْعة نزِلْ ع الشَّارع يستَنَّى صديقو٠٠٠ ركب السيارة وإنطلقوا للجامِعْ ، وبدِّيشْ أطوِّل عليكو السِّيرة فَـ بعِدْ صلاة المغرب طِلعْ مع هالنَّاس لبرَّا مشَانْ يُفطروا في سَاحة الجامعْ ٠٠٠كُلِّ الناس طِلعتْ إلَّا زَلمِتْنا الصايم والمكيِّف!٠٠ شو السيرة ياجماعة؟؟!٠٠ فشِّي شَحَّاطة!!٠٠ وصاحبنا قاعِدْ بيدوِّر هونْ وهُونْ بَسْ عَبَثْ ، تقولوا إنُّو الإرض إنشقتْ وبَلْعَتْها وصارتْ هالنَّاس كُلَّيَاتْها تدَوِّر مَعاه ;
-هاي لا مش هاي ٠٠طيِّب لَيكونْ هايْ !!!٠يقولهم لأ مش هاي٠٠٠ ياعمِّي شحاطتي جِلِدْ ولونها بنِّي ٠٠٠ ومن كثرْ الزَعَلْ صار يضحكْ ويقول ; شو لَيْكونْ أنا جِيتْ حافي عَ الجامع؟! ٠ وهاالنَّاس قاعْدِة تهدِّي فيه وتِعرِضْ على أشكالْ وألوانْ من الشحاطات ٠
المُهِم إقتنع أخونا بالأخير إنُّو يوخِدْلو شِي شحاطة من شحاطات الجامع ويروِّحْ فيها وبكرة بَلكِي ،عَ الله، إللي أخدها بالغَلَطْ يرجِّعها تاني يوم !٠٠٠٠ روَّحْ صاحبنا مع صديقو بآخِرْ هاللِّيل وبعد ما توادَعوا وتوَاعَدُوا ع تاني يوم ، فَاتْ على البيتْ وهُونْ كانَتْ المفاجئة٠٠٠إمسِكوا أعصابكو ياجماعة٠٠٠بسم الله الرحمن الرحيم وَلَكْ شو هاظْ؟!٠٠ معقول!؟؟؟؟٠٠
شافْ صاحبنا شحَّاطة الجلِدْ ،اللي كان يدوِّر عليها بالجَّامع مَصْمودِة ، معزَّزة و مكَرَّمة- في الكوريدور- بين هالشحّاطات والكنادِرْ ٠٠٠فرَكْ الصايمْ المصيِّفْ عيونو وحَكْ قرِعْتو ، غمَّضْ عيونو وفتَّحْها ، العَمى ٠٠٠العَمى الشَّحاطة عنَجدْ موجودة في المَمَرْ، و صار يحكي مع حالو; بسمِ الله ، شو جَابها هاي لهون!!!، شو يعني جنِّي إِبْرَقْ جابها؟؟٠٠ ويلَّلا أنا رحِت ،عنْجَد، حافِي! وصَارْ يفكِّر ; طيِّبْ كيفْ ضاعَتْ بالجامع وإلتَقَتْ في البيت هاظا- والله- إشي مو طبيعي!!!٠٠٠بعدين شلح صاحبنا شحَّاطة الجامع وإجا بدُّو يلبس شحّاطة البيت البلاستيكية المفضَّلة عِندو ٠٠٠إطَّلَعْ ودوَّر عليها وما لاقاها٠٠٠ العمى شو صاير بهالدِّنيا ٠٠٠إنقلب مخُّو وصار يبسمِلْ و يحُوقِل ونرفز وبلَّشْ يصيِّح بِـ تَالي هالليل٠٠٠ إجتْ مرتو تركُظْ من المطبَخْ ٠٠وقالتلو شو مالك يازلمة بتصيِّح بِنْصَاصِ اللَّيالِي ؟!٠ولمَّا عِرفتْ شو القِصَّة ، قالتلو : '' الله يصِلِحَكْ ، والله عنجَدْ إنَّك مِشْ''صايم'' بَسْ لأ و''مصيِّف'' كمان!!٠٠٠ شو مَالك ، يازلَمة، ما إنتِ طلِعِتْ تركظْ من البيتْ ، زي المَجنُونْ ، لما رنِّ إلَكْ صاحبك وكنت لابس بإِجريكْ شحاطةْ البيت البلاستيكية الزَرقا ، وأنا ناديتْ عليك عشان أنَبْهكْ ،بس إنتِ ما رَدِّيتْ علَيِّ وأنا فكَّرْتَك إنُّو إنتِ بدَّكْ هيك!!٠٠٠ '' ٠
وهيك لما فهمَتْ حكايتو ، وِقعَتْ على الأرِظْ من كُثر الضحك٠٠٠ وبلَّش هوِّ التاني يضحك معاها على حَالو وقال; يا سَوادْ وجْهِي من الناس ، بكرة ، شو بدِّي أقولهم؟!٠٠ صَفَنْ شوَيْ وقال لا بَقولّهُم ولا بِيقُولولِي ،أحسَنْ شِي أظَلنِي غَارِشْ ، والله بيعوِّظْنِي عن شحاطِة البيت٠٠٠إلتفَتْ عَ مرتو وقالّها ; إسمعي يا مَرَا ، صحيحْ إنُّو أنا صايِّم ومكيِّفْ ،بس مش مْصَيِّفْ!٠٠٠٠
بس ، يا ولاد الحلال ، أنا بدي أحكيلكوا سِرْ- بينِي وبينْكُو- عن صاحبنا ; مزبوط أنو هوِّ صايِمْ ومكيِّف ،لاكنُّو مرَّات بيكون- زَيْ ما قالتْ مَرْتو- مصيِّف كَمانْ ، وإذا هوِّ ما صَيَّفْ فهيِّ بِتصيِّفْ معو٠٠٠ ويَاما يَاما كانْ مصَيِّفْ!!!!!٠٠٠٠و أنا بَعرِفْ عنُّو حكَايَاتْ ، صايرَة معاه ، متِلْ هيك وأكتَرْ ، بَسْ أنا ما بَحِبْ النميمة وإستغابِة النَّاس وخصوصاً بِـ رمضان لإنها حَرام!٠٠٠٠ والله يسامحنا جميعاً٠٠
بالمناسبة لقِي صاحبنا ، تاني يوم ، شحَّاطُّو الزرقا بالجامع ورَوَّحْ مَعَاهَا عَ دارْهم وهو مَبسوطْ وبالفعل ظَلْ غارشْ ، زي إللِّي عاملُّو شِي عَمْلة٠٠٠٠
===========================
ملاحظة أوعوا ، يا حبايبي، تفكروا إنُّو عم أحكيلكو ع حالي!٠٠٠٠شو يعني فِشِّي في الميدانْ غير حدِيدانْ؟!٠٠٠

د٠ محمد طرزان العيق
26.07.2013






  رد مع اقتباس
/
قديم 24-06-2018, 03:46 PM رقم المشاركة : 2
معلومات العضو
نوال البردويل
عضو أكاديمية الفينيق
عضو تجمع أدب الرسالة
فائزة بالمركز الثالث
مسابقة القصة القصيرة2018
عنقاء العام 2016
تحمل وسام الأكاديمية للابداع والعطاء
عضو لجنة تحكيم مسابقات الأكاديمية
فلسطين

الصورة الرمزية نوال البردويل

افتراضي رد: حكاية صايِّمْ , مكيِّفْ ويمْكِن مصَيِّفْ كمانْ!٠٠٠

يعني طلع في النهاية مصيف ومكيف شو بده أحسن من هيك
استمتعت بالقصة كعادتك قص جميل بأسلوب مميز
بوركت وكل عام وأنت بخير
تحياتي






  رد مع اقتباس
/
قديم 24-06-2018, 04:40 PM رقم المشاركة : 3
معلومات العضو
غلام الله بن صالح
عضو أكاديميّة الفينيق
عضو تجمع أدباء الرسالة
يحمل أوسمة الأكاديمية للابداع والعطاء
الجزائر
إحصائية العضو








آخر مواضيعي

غلام الله بن صالح متواجد حالياً


افتراضي رد: حكاية صايِّمْ , مكيِّفْ ويمْكِن مصَيِّفْ كمانْ!٠٠٠

هو فعلا مكيف ومصيف ومخرف
استمتعت بقراءتها
دمت رائعا
مودتي وتقديري






  رد مع اقتباس
/
قديم 24-06-2018, 06:22 PM رقم المشاركة : 4
معلومات العضو
خالداحمدمحمود

عضو تجمع أدباء الرسالة
يحمل أوسمة الأكاديمية للابداع والعطاء
السودان

الصورة الرمزية خالداحمدمحمود

إحصائية العضو








آخر مواضيعي

خالداحمدمحمود غير متواجد حالياً


افتراضي رد: حكاية صايِّمْ , مكيِّفْ ويمْكِن مصَيِّفْ كمانْ!٠٠٠


عم بتحضر كتير د. محمد ل توصلنا للمرمى
بس تمريراتك مثل البرازيل أجمل من أهداف دول تانيه ..

استمتعنا بالمشهد

نريد أن نقرأ لك جديد أقصد فى 2018

تقديرى






  رد مع اقتباس
/
قديم 25-06-2018, 01:35 AM رقم المشاركة : 5
معلومات العضو
زياد السعودي
الإدارة العليا
مدير عام دار العنقاء للنشر والتوزيع
رئيس التجمع العربي للأدب والإبداع
عضو اتحاد الكتاب العرب
عضو رابطة الكتاب الاردنيين
عضو الهيئة التاسيسية للمنظمة العربية للاعلام الثقافي الالكتروني
الاردن

الصورة الرمزية زياد السعودي

افتراضي رد: حكاية صايِّمْ , مكيِّفْ ويمْكِن مصَيِّفْ كمانْ!٠٠٠

جميلة
لكن
ألا ترى أن فيها اسهاب لا يتمناه الساخر ؟

قبل وبعد
ودنا






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 02:40 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط