لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
⊱ مَطْويّات⊰ للنصوص اللاتفاعلية .. |
|
أدوات الموضوع | انواع عرض الموضوع |
24-09-2019, 02:09 AM | رقم المشاركة : 1 | |||
|
إحنا ويَّاكْ ياعُمُر والزَّمنْ بينَّا!٠٠٠( حكايِةْ ''جَبِرْ بنْ حنَّا'' )٠
إحنا ويَّاكْ ياعُمُر والزَّمنْ بينَّا!٠٠٠
( حكايِةْ ''جَبِرْ بنْ حنَّا''٠) ********************************* إحنا وإيَّاك يا هالزَّمَنْ٠٠٠٠ والأيَّام موجودة بينَنَا٠ بَسْ ليش تا نِتصارَع٠٠٠ فيما بينَنَا٠ واللهِ إنُّو الصُّلُح والتفَاهُم٠٠٠ أحسَنْ إِلَكْ إلنَا مش لإنِّي هيكْ بَحكِي٠٠٠٠ صُرِتْ حَكيمْ زَمَانَّا لأ ، لإنِّي بعرفِ إنُّو فِـ يُومْ٠٠٠٠ راحْ ييجي أوَانَّا٠ وإنُّو مَعَاكْ يا زَمَنْ بالسِّجَالْ٠٠٠٠ مُحَالْ يِطْلَعْ إلْنَا٠ إنتِ عَارِفْ شُغْلَكْ مليحْ٠٠٠٠ وإحنَا عَارفينْ شُغِلنَا٠ أو بِالأَحرَى إنتِ ما إلَكْ حدودْ٠٠٠٠ وإحنَا مَرسُومِةْ حْدُودْنَا وبالنهَاية إنتِ المِتْحكِّم٠٠٠٠ مِشْ بَسْ بأمِرنَا٠ لأ ، وأعترِفْ إنَّكْ كمانْ٠٠٠٠ ومُسيطِرْ عَ عُمِرنَا٠ إنتِ بَسْ هدِّي مَعَانَا اللِّعِبْ٠٠٠٠ والسَّمعْ إلَكْ والطَّاعَة منَّا٠ شو بِدنَا بالعُمرِ الطويل٠٠٠٠ إذا كانْ الشَّقا مَكتوبْلنَا٠ يا ناس ، سَاعِةْ هَنَا بتسوى دَهِر كامِلْ٠٠٠٠ مُزْمِنِة ومخَزَّنِة فيه أحزانَّا الحمدُ لله إنُّو بنِجْهَلْ عالمْ الغيبْ٠٠٠٠ وبنِعرِفِشْ شو مقَدَّرِلْنَا٠ السَّعَادة مِشْ بطولة العُمُر٠٠٠٠ ولو إنُّو فيها تبَهْدَلْنا٠ ولا بعدَدْ السنين اللي عِشنَاهَا٠٠٠ ومَرَّتْ وإنحسبَتْ عَلينَا٠ السَّعَادة إنُّو الله للحق يهدينا٠٠٠٠ ويخفِّفْ علينا بَلانَا الله يرزِقنا هَداةِ البَالْ والأمَانْ٠٠٠٠ والسَّلامْ يتعَمَّمْ بوَطنَّا بَسْ يا حسرَة علينا كيف رحْ نرتاحْ٠٠٠ والله بَالِينا بحُكَّامْنَا٠ يا رَبْ تِكرمْنَا برَحِمتَكْ وتعفُو عنَّا٠٠٠٠ وتِحسِنْ إلنَا خَوَاتِيمْنا إتذكَّرتْ حكَاية ويمكِنْ إنتُو بتِعِرفُوهَا :٠٠٠ حكايِةْ ''جَبِرْ بنْ حنَّا''٠ إتمنَّى يكتبوا عَ شَاهْدِة قَبرُه السَّاعَاتْ ٠٠٠ يَاللِّي بعُمْرُه فِيهَا تهنَّا٠ يا حرام إنكَتَبْ عَ الشَّاهْدِة التالي٠٠٠٠ هذا المُواطِن جَبِرْ مِنْ عنَّا٠ عَاشْ كُلْ حياتو في بطنْ أمُّو وطَوَّالي٠٠٠٠ مِنْ بطِنْها إجَا عَ القَبِر لعنَّا٠ ~~~~~~~ محمد طرزان العيق 27.01.2019 |
|||
06-10-2019, 12:37 PM | رقم المشاركة : 2 | ||||
|
رد: إحنا ويَّاكْ ياعُمُر والزَّمنْ بينَّا!٠٠٠( حكايِةْ ''جَبِرْ بنْ حنَّا'' )٠
قلتم جميلا
واثريتم الذهن ودنا |
||||
10-10-2019, 09:43 PM | رقم المشاركة : 3 | ||||
|
رد: إحنا ويَّاكْ ياعُمُر والزَّمنْ بينَّا!٠٠٠( حكايِةْ ''جَبِرْ بنْ حنَّا'' )٠
دام نبضك الهادف
وحرفك المعتق بالحكمة شاعرنا القدير تحية تليق وكل الود والورد
|
||||
15-10-2019, 04:28 AM | رقم المشاركة : 4 | |||
|
رد: إحنا ويَّاكْ ياعُمُر والزَّمنْ بينَّا!٠٠٠( حكايِةْ ''جَبِرْ بنْ حنَّا'' )٠
شو بِدنَا بالعُمرِ الطويل٠٠٠٠
إذا كانْ الشَّقا مَكتوبْلنَا٠ يا ناس ، سَاعِةْ هَنَا بتسوى دَهِر كامِلْ صدقت... كلمات تقطر حكمة شفافة نقية دمت ودام حرفك الصادق تحياتي د. محمد |
|||
أدوات الموضوع | |
انواع عرض الموضوع | |
|
|
|