في كُلْ بَلدْ إِلْنَا فِيهَا وَلْدْ !٠٠٠ - ۩ أكاديمية الفينيق ۩



لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: رفيف (آخر رد :عدنان عبد النبي البلداوي)       :: الزمن الأخير (آخر رد :حسين محسن الياس)       :: ،، نهرُ الأحلام ،، (آخر رد :أحلام المصري)       :: صَمَتَ الليل؟ (آخر رد :أحلام المصري)       :: لغة الضاد (آخر رد :عدنان عبد النبي البلداوي)       :: إلى السارق مهند جابر / جهاد دويكات/ قلب.. (آخر رد :أحلام المصري)       :: لنصرة الأقصى ،، لنصرة غزة (آخر رد :محمد داود العونه)       :: السير في ظل الجدار (آخر رد :محمد داود العونه)       :: إجراءات فريق العمل (آخر رد :محمد داود العونه)       :: بــــــــــــلا عُنْوَان / على مدار النبض 💓 (آخر رد :محمد داود العونه)       :: إخــفاق (آخر رد :محمد داود العونه)       :: جبلة (آخر رد :محمد داود العونه)       :: تعـديل (آخر رد :محمد داود العونه)       :: إنه أنـــــــا .. (آخر رد :الفرحان بوعزة)       :: أُمْسِيَّات لُصُوصِيَّة ! (آخر رد :محمد داود العونه)      


العودة   ۩ أكاديمية الفينيق ۩ > ▆ أنا الفينيقُ أولدُ من رَمَادِ.. وفي الْمَلَكُوتِ غِريدٌ وَشَادِ .."عبدالرشيد غربال" ▆ > ⊱ السّـــــــــــــاخِر ⊰

⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ...

إضافة رد
 
أدوات الموضوع انواع عرض الموضوع
قديم 28-08-2018, 03:38 AM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي في كُلْ بَلدْ إِلْنَا فِيهَا وَلْدْ !٠٠٠

في كُلْ بَلدْ إِلْنَا فِيهَا وَلْدْ !٠٠٠
(أمَّا عيلة!!٠٠)
*********************
قالت الأديبَةُ مَيّ زيَادة ، ذاتَ مرَّة ، متسائلةً ;
{ ''أينَ وطنِي'' ؟!٠٠٠
ولِدتُ في بلدْ , وأَبي منْ بلدْ , وأُمِّي مِن بلدْ , وسَكَني في بلدْ , وأَشباحُ نفسي تنْتَقِلُ من بلدٍ إلى بلدْ . فلأيِّ هذهِ البُلدانِ أَنتَمِي , وعنْ أيِّ هذه البُلدانِ أُدافِعْ؟!٠٠٠٠٠}٠

وقصة الأديبة الرَّاحِلة مَيّ تذكرني بعائلةٍ فلسطينية ، (وهي في الواقِع تقريباً وربَّما بِلا مبالغة قصَّة أيّ عائلة فلسطينية) ، و إليكم أحبَّتي ، قصَّتها على لسانِ أحد أطفالها;
سأل الطفل أباه :
- إنتِ من وين يا بابا ، ووِينْ ولِدتْ ؟٠٠
قال الأبٌ :
- أنا من فلسطين ، بَسْ ولدِتْ بعد النكسة في الأردن ٠٠
حكَّ الولد الصغير رأسه الصغيرة ، وهو يحاول إستيعاب حِكايةْ والده ، ثم سأل بفضول :
- طَيِّبْ وأمِّي وين وُلِدتْ كمانْ في فلسطين؟!! ؟٠٠٠
أجابَ الأبُ :
- لأ يابا إمَّك إنوَلْدَت بلبنان ٠٠
هزَ اطفل رأسه ، وقد زاد إستغرابه وأردفَ يقول :
- مَعْنَاتو أخُويْ الكبيرْ ''سعيد'' بِيكونْ لازِمْ خِلِقْ إمَّا في الأردن أو لبنان ؟!٠٠
قالَ لهُ أبوه :
- لا واللهِ يا إبْنِي أخوك الكبير ''سعيد'' إنوَلدْ في ''ليبيا'' و أخوك الوَسْطَاني ''أحمد'' ، فَـ اللهْ رَزَقْنَا فِيهْ فِي ''الكويت'' ، أمَّا أختَكْ الصغيرة ''مريومة'' فَإجَتْنا في ''سوريا'' وأمَّا حَضِرْتَك يا سيِّدْ ''يوسف'' فَقد شرَّفِتْنا ونِحْنَا في ''اليَمنْ''!، مْنِيحْ هيك يابنَيِّي ؟!٠٠٠ وهَايْ كمان مشَانْ أريّحَكْ وأرْتاحْ مِن أسئِلتكْ ، فأللهُ العَليمْ ، بإنُّو أخوكْ البُبُّهْ (البِيبِي) ، اللِّي في بَطِن إمَّك ، اللهُ العَليمْ ، رَحْ يولَدْ يَا إمَّا فِي ''السعودية'' أو يِمْكِن فِي ''الإمارات'' بإذنِ اللهْ ، وحسب تَسَاهِيلو ، وَ وينْ رَحْ يِجِينَا عَقد العمَلْ ; هُونْ أو هُونْ ، أو إنُّو إذا تْوقَفَتْ الحَرب يمْكِن نِبقى هُونْ بِاليمَنْ ، وهيكْ بِيكونْ نَصيبُو إنُّو يُولَدْ في ''اليَمن''!٠٠٠٠
تعَجَّبَ الطِّفلُ كَثيراً وصاحَ :
- مَعْقولْ إحْنَا عيلة وَحَدةِ وكُلْ واحَدْ فِيها لَـ هَالعيلِة من دِيرِةْ!!!٠٠٠شُو هَالعيلِةْ ; طَيِّبْ يا بابا ، فِيكْ تفَهِّمنِي ، لَكَانْ إحْنَا كِيفْ و وِينْ تَعرَّفنا عَ بَعَضْ ؟!!!٠٠يعنِي قصدي يَابَا إنُّو إحْنَا وِينْ إلتَقِينَا كُلَّياتْنا مع بَعَضْ وإتَّفقنا إنُّو نْسَاوِي(نعْمَل) عيلِةْ!٠٠٠٠ شُو هَالصُّدْفِة الغَرِيبة؟!٠٠
عنْجَد إحْنَا الفَلَسطِينيَّة شَغْلة عَجِيبةْ غَريبة; كُلْ سِنِة إحْنَا في بَلَدْ و فِي كُلْ بَلدْ إِلْنَا فِيهَا وَلْدْ !٠٠٠

م٠ط٠ ع٠
/مضيِّع طريق العنوان/
صوفيا -27.09.2016

~~~~~~~~~~~~
لَهُونْ إخواني بِتكون خِلصَتْ حْكَايِةْ هالولَدْ ، بَسْ واللهِ ، بِينِي وبينكُو لأ ما إنتهَت!!٠٠٠ من ناحيّة صَارَتْ هالحْكَايِةْ أكبَرْ وأعقَدْ ومن ناحيّة تانية تعمَّمَتْ٠٠٠
كيف يعني؟!٠٠
إنتو سَأَلتُوا وأنا رَحْ أجَاوِبكُم٠٠٠أوٌّل شِي ، كنَّا متفَرِطْعِينْ بهالبلاد العربيِّة ، يَعنِي في المنطِقة ، (اللِّي، اللهْ يِشمَلْها ويشمَلْنا برَحِمتُو) ، واللِّي كَانْ فِي يُومْ من الأيَّام- إسِمْها ''الوطن العربي'' يَعنِي كُنَّا في وسَطْ عَربِي - نَفسِ اللغة و العَادات والتَّقَاليِد وظَلِّينا فَلسطينيِّة ، لإنُّو ، قَالْ - واللِّي كان يِسمعْ كَان يصَدِّق - وحِرصَاً على قضيِّة العَربْ المركزيّة وحفاظَاً على الهويَّة القوميّة لفلسطين فكان التَّجنيس والتَّوطين ، خطوطاً حُمْراً لا يمكن تجَاوزها أو التَّسامحْ فيها!٠٠٠
طيِّب هَايْ فهِمْناها ، بَسْ ليشْ وكِيفْ صَارتْ أعقَدْ؟!٠٠
يا جماعة الخير ، أنا كنت جَايِّيكُم بالحَكي ; بالفعل صارت أعقَدْ لإنُّو في زمن هاظا اللِّي بيقولوا عليه ''الربيع العربي'' هالمرَّة تفَرطَعْنا وتشتَّتَنا في كل بلاد الله الواسعة وبشكل خاصْ في أوروبا وهون- يعني في الدول الأجنبية - مافيش وجود لهَاي الخطُوط الحَمرا ،لأ وحتَّى بالعكس فهناك سياسة توطين وتجنيس ، يعني صارت العيلة الوَحَدة ممكن يكون فيها أربع أو خمس جنسيات مختلفة وربّما أكثر من هيك وفوق هاظا الولاد صاروا يرطنوا بكل اللغات ما عدا اللغة العربية٠٠٠ أي والله ، شوفتوا ليش صارت أعقد {ومشان أوضحها أكثر رح أعطي حَالِي كمثال واقِعي فأنا بلغاري وأغلب أخوتي فلسطينية ولكن لي أخت أردنية ، أخوي الكبير عندو أربع أطفال ; ولدين وبنتين ; ولد بلغاري و ولد نرويجي أما البنات فواحدة بريطانية والثاني فلسطينية وإذا تعمَّقت أكثر فأولاد خالاتي فيهم الأمريكي والنمساوي والأردني والفلسطيني وأما أولاد عمي ففيهم الألماني والهولندي والسويدي والدانيماركي ، أما أقاربي الأبعد فلا تكاد جنسية أجنبية تخلو منها} ، وزي ما قُلتِلكم صارت الحْكَايِةْ عامِّة فبعد ما كانت تخصّ الفلسطينية لحالهم شملت كتير من أخوانا العرب من العراق وسوريا واليمن وليبيا وبعد ما كان اللجوء حكراً علينا نحنا الفلسطينية ، ظهر على السَّاحة مع الأسف لاجئيين آخرين ، بس والحقُّ يقال فهم لا يستطيعون منافستنا لإننا لاجئون أبَّاً عن جد ، بينما هم لاجئون مستحدثون!٠٠٠
وبكلِّ فَخرٍ فنحنُ نَسبقهُمْ في الخِبرة وفي الأقْدَمية ، وبِدهُم فَتْ خُبزْ مشان يلَحقُّونا٠٠٠٠ بَسْ إن شاء الله تنحَل مشاكلهم ويرجع السلام لبلادهم ويرجعولها وعقبال عنَّا٠٠٠
شي بيضحِّك ، بس واللهِ إنُّو جاي عَ بالي إنِّي أبكي!٠٠٠
وفي الأخير إذا رجعنا لحكاية الطفل فَمَا رَحْ نْقُولْ غير ; كانَ الله في عوُنُه ! ، خصوصاً لمَّا يِعرِفْ إنُّو هوِّ وأخوتُه مش بس مولودين في بلاد مختلفة ، لأ وكل واحد معاه جنسية مختلفة عن التاني٠٠٠٠ فَهاي كيف بدها تِِرْكَب بِراسو وكيف بدُّو عقلو يستوعِبها؟!٠٠ الله أعلم!٠

أحسَنْ شِي إنُّو خَلِّينا نْرُوحْ إنَّامْ(نَنَام) وبُكرَةْ بيحِلّها ألفْ حَلَّال!٠٠٠

م٠ط٠ ع٠
/مأجِّر الطابق العلوي/
صوفيا -27.08.2018






  رد مع اقتباس
/
قديم 28-08-2018, 04:10 PM رقم المشاركة : 2
معلومات العضو
زياد السعودي
الإدارة العليا
مدير عام دار العنقاء للنشر والتوزيع
رئيس التجمع العربي للأدب والإبداع
عضو اتحاد الكتاب العرب
عضو رابطة الكتاب الاردنيين
عضو الهيئة التاسيسية للمنظمة العربية للاعلام الثقافي الالكتروني
الاردن

الصورة الرمزية زياد السعودي

افتراضي رد: في كُلْ بَلدْ إِلْنَا فِيهَا وَلْدْ !٠٠٠

سلام الله
ميمون منجزكم
طمعاً في رايكم وتعقيبكم
نرشح لكم هذا المنجز :

http://www.fonxe.net/vb/showthread.php?t=71133

رايكم منارة

ود لا يبور






  رد مع اقتباس
/
قديم 29-08-2018, 01:33 AM رقم المشاركة : 3
معلومات العضو
نوال البردويل
عضو أكاديمية الفينيق
عضو تجمع أدب الرسالة
فائزة بالمركز الثالث
مسابقة القصة القصيرة2018
عنقاء العام 2016
تحمل وسام الأكاديمية للابداع والعطاء
عضو لجنة تحكيم مسابقات الأكاديمية
فلسطين

الصورة الرمزية نوال البردويل

افتراضي رد: في كُلْ بَلدْ إِلْنَا فِيهَا وَلْدْ !٠٠٠

هذا اللي حاصل معنا كلنا والحمد لله على كل حال
عائلتي منها الفلسطينية ومنها استراليين وكنديين وبريطانيين وأمريكان وإيرلنديين
هذا حالنا وربي يفرجها على الجميع
كل التقدير وتحياتي






  رد مع اقتباس
/
قديم 30-08-2018, 07:45 PM رقم المشاركة : 4
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: في كُلْ بَلدْ إِلْنَا فِيهَا وَلْدْ !٠٠٠

[COLOR="DarkRed"][quote=نوال البردويل;1753516]هذا اللي حاصل معنا كلنا والحمد لله على كل حال
عائلتي منها الفلسطينية ومنها استراليين وكنديين وبريطانيين وأمريكان وإيرلنديين
هذا حالنا وربي يفرجها على الجميع
كل التقدير وتحياتي




شكراَ على مروركم اللطيف
بالفعل فنحن كلنا في الهمِّ شرقُ والله يجيرنا من أعظم
خألص التحيَّات مع أطيب الأماني






  رد مع اقتباس
/
قديم 01-09-2018, 02:51 AM رقم المشاركة : 5
معلومات العضو
يامن بولص
عضو أكاديميّة الفينيق
إحصائية العضو







آخر مواضيعي


يامن بولص غير متواجد حالياً


افتراضي رد: في كُلْ بَلدْ إِلْنَا فِيهَا وَلْدْ !٠٠٠

اعجبني ما قلت

اتابعك تقدير






  رد مع اقتباس
/
قديم 03-09-2018, 01:18 PM رقم المشاركة : 6
معلومات العضو
غلام الله بن صالح
عضو أكاديميّة الفينيق
عضو تجمع أدباء الرسالة
يحمل أوسمة الأكاديمية للابداع والعطاء
الجزائر
إحصائية العضو








آخر مواضيعي

غلام الله بن صالح متواجد حالياً


افتراضي رد: في كُلْ بَلدْ إِلْنَا فِيهَا وَلْدْ !٠٠٠

نص محزن
مودتي






  رد مع اقتباس
/
قديم 08-12-2018, 07:27 AM رقم المشاركة : 7
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: في كُلْ بَلدْ إِلْنَا فِيهَا وَلْدْ !٠٠٠

اقتباس:
المشاركة الأصلية كتبت بواسطة غلام الله بن صالح مشاهدة المشاركة
نص محزن
مودتي
أي والله إنها حكاية محزنة ولكنها- ومع اسفي الشديد-تعبر عن واقعنا المؤلم٠٠٠٠٠
تحياتي لكم وأشكر لكم مروركم الكريم






  رد مع اقتباس
/
قديم 08-12-2018, 07:33 AM رقم المشاركة : 8
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: في كُلْ بَلدْ إِلْنَا فِيهَا وَلْدْ !٠٠٠

اقتباس:
المشاركة الأصلية كتبت بواسطة يامن بولص مشاهدة المشاركة
اعجبني ما قلت

اتابعك تقدير
شكراً لكم على متابعتكم الكريمة ويسعدني ذلك جداً ، وأتمنى أن أكون عند حسن ظنكم٠٠٠٠٠تحياتي






  رد مع اقتباس
/
قديم 17-12-2018, 06:26 PM رقم المشاركة : 9
معلومات العضو
هادي زاهر
عضو أكاديميّة الفينيق
يحمل أوسمة الأكاديميّة للابداع والعطاء
فلسطين

الصورة الرمزية هادي زاهر

إحصائية العضو







آخر مواضيعي

هادي زاهر متواجد حالياً


افتراضي رد: في كُلْ بَلدْ إِلْنَا فِيهَا وَلْدْ !٠٠٠

اخي محمد " بس واللهِ إنُّو جاي عَ بالي إنِّي أبكي!"






" أعتبر نفسي مسؤولاً عما في الدنيا من مساوىء ما لم أحاربها "
  رد مع اقتباس
/
قديم 08-05-2019, 01:13 PM رقم المشاركة : 10
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: في كُلْ بَلدْ إِلْنَا فِيهَا وَلْدْ !٠٠٠

اقتباس:
المشاركة الأصلية كتبت بواسطة هادي زاهر مشاهدة المشاركة
اخي محمد " بس واللهِ إنُّو جاي عَ بالي إنِّي أبكي!"
أخي زاهر
إبكِ كما تشاء فالبكاء ينفِّس عن الأرواح المكلومة ويطهر القلوب ويخفف الآلام!٠
شكراً لمرورك الكريم ولتعاطفك!٠٠٠






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 06:32 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط