والله...يا زمن

[محمد قصي المحمود]

والله...يا زمن
مصيبة الوكت من يعمه
ويصير الفجر (فجر مكفوف)
مصيبة من تحل المحنه
وللخراب تدكلها ادفوف
كلي بروح أبوك بيا زمن
عكرك يتقدم الصفوف!!
يا زمن اشما اوصفك
وبوصفك تعجز الحروف
خليت الوكت يوم الغدر بالفحول
رديِّ الديرة صار بيهَ ايصول
ومن جان يخطر اباله
المركون إعلَّ لزباله
يركب حصانه والبديرة يجول
تراها الفرعون ما دامت
ولا للجان ..راس
اتريده اتدوم للجانوا اذيول
.
.
.
آهي فرّة عرس
ويوم ويخلص الموال
وتطلع عالحرامية الشمس
والمضموم يطلع وينكال
ومثل ما كال المثل
الشمس ما تحجب بغربال
.
.
برايتك يَيويَّ..لا توصيني
بنص العين مضمومة والجفوف
بيض وسود وحمر وخضرته
والباقي للخلك صار معروف
يوم ويجي فوك الغيم مرفوعة
وداير مدايره فرسانه اطوف