لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ... |
|
أدوات الموضوع | انواع عرض الموضوع |
02-10-2017, 08:31 PM | رقم المشاركة : 1 | |||
|
صَغِّرْها بتِصْغَر٠٠٠ وكَبِّرْها بتِكبَرْ''!٠٠٠
صَغِّرْها بتِصْغَر٠٠٠ وكَبِّرْها بتِكبَرْ''!٠٠٠
(طَبْعَة مَزِيدَة ومُنَقَّحَة) ***************************** هذا القولْ هو الدواءُ الشَّافِي والعلاج الكَافِي لأيِّ مشكلة٠٠٠٠٠ أي والله ، والحياة ما بتساوي قشرة بصلة٠٠٠٠ إللي إلكْ إِلَكْ ، واللي مُو إِلَكْ مِشْ إلَكْ٠٠٠٠٠ ومِشْ رحْ توخِدْ إشِي مَعَكْ٠ لا إنتِ ولِدِتْ بمزاجَكْ ولا رَحْ تموتْ بمزاجَكْ٠٠٠٠ وما حَدا سألَك وينْ بدَّكْ تُولَدْ ، ولا وين بدَّكْ تموتْ٠٠٠ لا تندمْ عَ ماضي ، مافِيكْ ترَجْعُو، ولا تِقلَقْ ع مستقبل ، ما بتِعرْفو!٠٠٠٠ حتَّى إسمَكْ الخَاصْ إنفرَضْ عليك فَرِضْ ، بتِتْذكَّرْ يعني إنُّو حَدَا إستَشَاركْ بِخِصُوصْ إسمَكْ ، طبعاً وبالتأكيدْ لأْ٠٠٠٠ ولو حاولْتْ تبدلُو لإسمَكْ بيظلْ ماسِكْ فيكْ ولَـ المَمَاتْ!٠٠ بدِّي أسألكْ إنتِ عرفتْ ليش إنتِ إنوَلَدتْ ''ذكرْ'' أو ''أنثى''؟؟!! ٠٠٠٠ أو ليش إنت ، جِيتْ مثلاً أسمَرْ مو أشْقر؟!٠٠يا إمَّا ليش إنتِ طِلياني مو إسْباني ، ها؟!٠٠٠ أصلاً مين ''إنتِ'' أو ''أنا'' لَحتَّى يسألونا!!٠٠وليش ليسْألونا٠٠٠ هذا هو المكتوب، والمكتوب ع الحاجِبْ لازم تشوفو العين٠٠٠ وإنتِ وأنا وكلْ واحَدْ وهوِّ ونصيبُهْ!٠٠ بدَّكْ تِزعلْ إزعل والأحسن ما تزعلْ٠٠٠٠ وإن زعِلِتْ ما بتروح إلَّا عليك!٠٠٠٠ ومن شان هيك قالوا : إبكِ ، تَبكِ لوحْدَكْ!٠٠٠ وإبتَسمْ تبتسِمْ لكَ الحَياةْ٠٠٠٠ وخلِّيكْ مبتِسمْ أحلالكْ ويمكن أيَّامك تصفالَكْ؟٠٠ يمكِن!٠٠٠٠ بَسْ إيمتى و وينْ ؟!٠٠٠الله وحده يعلم٠ولا يعلمُ الغيبَ إلِّا عالِمُ الغيبْ إضحكْ وخلِّي تُكالَكْ على الله!٠٠٠ مِنْ شَطْحات واحَدْ مفلسَفْ ونَعْسانْ ، ويمكنْ أكونْ صَحْ ويِمكنْ غَلطانْ٠٠٠هاظا اللي طِلعْ معي يا إخوانْ٠٠٠٠ د٠محمد طرزان العيق |
|||
أدوات الموضوع | |
انواع عرض الموضوع | |
|
|
|