لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
|
أدوات الموضوع | انواع عرض الموضوع |
03-04-2019, 12:36 PM | رقم المشاركة : 1 | |||
|
الصدى
(عا بلادي مارح عودْ؟!!...
...طبّيلي هالفنجانْ خبّي الوتر والعودْ... ...والنّاي بالريحانْ) غافي على كتف النّهِرْ يمكن سنه...يمكن دهرْ غنّى لطقّ من القهرْ... باقي الصدى رجعانْ...: ( يا مّا مويلي هوا...يامّا مويليّا ضربات الخناجر خَلّت ...شوكتنا محنيّه) ***************** دَمّكْ عسل متلوتْ...يا خِفِّتو دَمّكْ شامي عصير التّوتْ...يا روحها لأمّكْ ومهما انهدّ بيوتْ ... رح ترجع تلمّكْ من عند ربّا العاصفه جايي عملت قليل الموت تحلايه وغطّت حنين الصوت بمْلايه سمعتُو كأنو سْكُوتْ ! ...منّو الصدى رجعانْ ( يا مّا مويلي هوا...يامّا مويليّا ضربات الخناجر خَلَّت ...شوكتنا محنيّه) ************************ ضعنا يا إمي وضاعت الأحلامْ مركب هوى ...وشراع حنّيه كنتِ لأغفى...تنْطريني نامْ تبوسيلي إيدي ...تزوغ عينيّ تقوليلي" ماشي الحالْ لاينشغلّك بالْ سرّك بعبي مطرحو...وهالسر مابينقالْ" راسي اللي عمبتدورْ مش قادر عليها شفلَك شي طاقة نورْ تا بوس إجريها يمكن ألف ناطورْ شافت بعينيها ويمكن ألف وشويْ الغزلان فوق الميْ شدّو الرحال خطيْ وشراعهون مِخْفِي نصّون صبِح غرقانْ والنصّ عميطفي هدّو التّعب مطفِي وهالنص رح يبقى ونبض القلب بقيانْ عميعزف الدّ قّه وبالشام رح يبقى وكل ال بيحب الشام عا حبّها بيبقى ومتل الصدى رجعان...: " يامّا مويلي هوا...يامّا مويليّا ضربات الخناجر خلّت...شوكتنا محنيّه" **************************************** |
|||
04-04-2019, 02:04 AM | رقم المشاركة : 2 | |||
|
رد: الصدى
بإذن الله ستعود لبلدك وأرضك بين أحبابك
موال أوجعه الحنين والفراق نرجو من الله أن يعود الأمن والأمان يرفرف فوق ربوع الشام الحبيبة كل التقدير أ. عاصم وأهلاً بعودتك إلى فينيقك تحياتي |
|||
04-04-2019, 10:19 AM | رقم المشاركة : 3 | |||
|
رد: الصدى
أوجعتْ قلبيَ الكلماتْ
صداها أشدُّ من اللكماتْ والرُّوح مجروحة عَ أوطانْ مذبوحة!٠٠٠ والحنين مَا بيِرحَمْ والشُّوق ما بيِسلَمْ عَ بلادنا لازِم نعُودْ يا رب علينا تْجُودْ اشتِقنَا لأرض الجدودْ تحياتي أستاذ عاصم كِلمَاتكْ دخلت جوَّاتِ القلبْ لإنْها جَايِّة من ثنايا القلبْ!٠٠٠ |
|||
04-04-2019, 04:02 PM | رقم المشاركة : 4 | |||
|
رد: الصدى
موال حزين يفيض جمالا
أبدعت التعابير بإحساس عالٍ دام إبداعك و فرج الله عن أرضنا |
|||
09-04-2019, 11:58 AM | رقم المشاركة : 5 | |||
|
رد: الصدى
ما أجمل كتابتك وصهيك يا عامر ! الله المستعان. تحيّاتي وتقديري. |
|||
03-03-2023, 10:29 PM | رقم المشاركة : 6 | ||||
|
رد: الصدى
اخي الشاعر عاصم المير وجدانية مؤلمة كلنا معك.. محبتي
|
||||
أدوات الموضوع | |
انواع عرض الموضوع | |
|
|
|