لِنَعْكِسَ بّياضَنا | |
« تَحْــليقٌ حَيٌّ وَمُثـــابِر » |
|
⊱ مَطْويّات⊰ للنصوص اللاتفاعلية .. |
|
أدوات الموضوع | انواع عرض الموضوع |
21-07-2018, 09:37 AM | رقم المشاركة : 1 | |||
|
فنِّ الإنقلاب السريع ، في الزمن البديع!٠٠٠
فنِّ الإنقلاب السريع ، في الزمن البديع!٠٠٠
****************************************** بصراحة وعنجد ،أنا ما كنتْ حابِب ، أحكي بالسياسة ، لإنّي شبعت وزهقت ،بل وكرِهت هاي السياسة ، بس ، شو أساوي في إشي عمْ يحِكْنِي!٠٠٠٠طيِّب بلاها السياسة ويلعن أبو أبوها ، إلى سابع جِدْ٠ طيب شو رايكم نحكي مثلاً عن ; فنِّ الإنقلاب السريع ، في الزمن البديع! ٠ المُنقَلِب فيها حَمَلْ وديعْ ، والضَّحية هي الثَّعلب المُريعْ ، الجيش مُهَان و وضعهُ صريعْ ، والشعب كان شجاع وفظيعْ٠٠٠ الإنقلابي ما لحَّق إنُّو يفرَحْ ، والمغدور به عم يسرح ويمرَحْ ، بيقولوا القصف كان شغال ، بس مافي ولو صُورَة ، وكمان مافي دمار أو حتى جُورَة !٠٠٠ الإنقلاب برئاسة هيئة الأركان ، ولكن ما صدر عنو أي بيانْ!٠٠٠الجيش كان مسلَّح ولكنُّو جبان ، والمواطن بصدره العاري شيخ الفرسانْ ، معقول يا ناس هذا الزمانْ٠٠٠معقول إنُّو الجيش ينذَلْ وينْهَانْ ٠٠٠ طبعاً مَهو بهيكْ أمَر صاحِب الشان ، مولانا وتاج راسنا سيدنا السلطانْ ، حيث إنُّو أصدر بهاي الليلة الفرَمَان ٠٠٠ الإنقلاب كإنُّو كان مزحة ، والرئيس كان في فسحة٠٠٠ والحكاية صارت ، ولله ، مِرحَة ٠٠٠٠شو بدَّك بالحكي والسَّهرة كانت شِرحة٠٠٠ المسرح كان كبير والجمهور كان كثير٠٠٠ والمشهد كان هيِّن و يَسِير ، ومافي شي ع المخابرات عَسِيرْ و المكتوب والمُخطَّط لازم يصِيرْ ، سبحان الله ; الشرطي غلب الجندي ، والمواطن المعتَّر غلب العسكر٠٠٠٠ والمْشَلَّح غلب المسلَّحْ!٠٠٠ بتعرفوا إنُّو دارْ في خَلَدي ، إنِّي عم أتفرَّج ع فلم هندِي٠٠٠ وَلكُمْ كيف هاي صارت ، أقسم بالله نَعُوستِي طَارت! ٠٠٠٠ مهو هادا زمن العجايبْ وبتحصل فيه كلِّ الغَرايبْ وبخمس ساعات إنقلب المشهدْ ، وخمسين ألف ، بَسْ ، ينتظرهم سجن مُؤَبَّد٠٠٠ خبر الإنقلاب مزبوط و تأكَّد ، بس اللي عِمله ونفَّذه هو الرئيس الأوْحَد٠٠ومَدَدْ يا رسول الله مدَدْ٠٠٠تعيش يا رئيسنا وفِداكْ البَلدْ٠٠٠ صاحب الإنقلاب هوُّ نَفسُه الضحيِّة ، وبهيك إنتصرت الشرعيِّة ع الشرعيِّة ، وطُزْ بكلِّ القوانين المرعيِّة ، مش قلنالكم إنها مسرحيِّة وملعوبة بطريقة محبوكة وملعوبِة بطريقة فنيّة والنتائج كانت سحرِيّة٠٠٠٠قالْ الجيش كان ورا الإنقلاب ، بس ما كان عاملها حساب,وتَعُوا تفرَّجوا يا أحبابْ : الجيش والعَدالة صاروا الضَّحية ، والنَّاس بأمورها ملتهِية ، ترا يا جماعة الخير ، إسمعوني مليح ; مش من عندي هايِّ الخُرَّفية ٠٠٠بهيك خبَّرتني الحجِّة وصفْيِّة٠٠٠ وهكذا أسدل السِتار على أجمَل الأخبار٠٠٠فلقد نجحَتْ الديموكتاتورية ، بإسم القانونْ والديموقراطية٠ مات الرئيسْ ، عاش الرئيس٠٠٠٠وبَلاهَا العَدالة ونظُم التدريس٠٠٠ يحيا الوثنْ ، عفواً يحيا الوطنْ ، ويعيش الرئيس إلى يوم الكَفنْ ، وكُرمَاله رح يتوقَّفْ الزمنْ ، ومبروك عليك ،الرئيس، يا وطنْ!٠ م٠ط٠العيق 21٠07٠2016 |
|||
21-07-2018, 02:24 PM | رقم المشاركة : 2 | |||
|
رد: فنِّ الإنقلاب السريع ، في الزمن البديع!٠٠٠
ساخرة لاذعة أحاطت باقتدار بتفاصيل المشهد العربي الضحل ...
شكرا على هذا النص الرائع و المميز أستاذي الفاضل محمد طرزان العيق على فكرة ما يحدث لا يطير النعوسة فحسب هذا بل يهز من يغط في أثقل غيبوبة ... تحياتي و تقديري ... |
|||
22-07-2018, 12:22 AM | رقم المشاركة : 3 | |||
|
رد: فنِّ الإنقلاب السريع ، في الزمن البديع!٠٠٠
المهم إنه السلطان ضل سلطان
ما شاء الله مافيه زيه في هالزمان ارتفعت الميزانية وعاشت الناس عيشة هنية وخلصت الحدوتة حلوه واللا ملتوته تقديري وتحياتي |
|||
24-07-2018, 11:46 AM | رقم المشاركة : 4 | ||||
|
رد: فنِّ الإنقلاب السريع ، في الزمن البديع!٠٠٠
كما قال أخى جمال عمران أضيف أنى أعيش فى وطن من افعالنا حيران ضاعت منا فيه ذاكرة العنوان ......... حرفك أبر لكن الجسد ميت ........... تقديرى |
||||
أدوات الموضوع | |
انواع عرض الموضوع | |
|
|
|