**.. آه يا موت ..**

**توحة عصام** · 01-10-2010, 10:51 PM

آه يا موت ..

أه يا موت وآهين لجرحك

تيجى ف إيديك العذاب

آه قدر .. لازم نسامحك

بس يوحشنا اللى غاب

وآه يا موت .

*****************

آه يا موت ياللى ما تفرق

الصغير م الكبير

شوك بيجرح .. إيد بتسرق

نار بتحرق توب حرير

وآه يا موت

*************************
آه يا موت وياك حكاية كل قلب بجرحه عاش

خدت شمسه وضل عمره

وفرحه راح وياك مجاش ..

وآه يا موت

*********************

آه يا موت وياك كتاب

كل صفحة تقول حكاية

عن حبيب جوه التراب

اتنهى قبل البداية

وآه يا موت

**************************

صفحة فيها أم تبكى

ابن راح من حضنها

حاضنة صورته وذكرياتها

نار بتكوى ف قلبها

وآه يا موت

********************
صفحة فيها بنت حلوة

لابسة طرحة ف يوم فرح

قلبها بيغنى غنوة

بس يا خسارة انجرح

لما خدت معاك حبيبها

وسيبت ف عنيها الدموع

سيبت جرح ازاى يسيبها

لما طفيت الشموع

وآه يا موت

********************

صفحة فيها طفل باقى

ويا خوفه ف ليل عذاب

مد إيده عشان يلاقى

حضن أمه لقاه سراب

كان صغير صعب يفهم يعنى إيه إنسان يموت

يعنى إيه إنسان يسيبنا وحدنا وسط السكوت

كان صغير صعب يفهم يعنى إيه هيعيش يتيم

برد يسكن جوا قلبه .. شمس عمره خلاص تغيم

وآه يا موت

****************

أه يا موت حكايات كتير

الأمير ويا الفقير

كاس وداير ع القلوب

نبكى .. نحزن .. أو ندوب

عمرنا بيفوت سنين

لسه لينا معاك عتاب ..

آه بيقتلنا الحنين ..

أيوة واحشنا اللى غاب ..

وآه يا موت

توحة

السبت 25 /9/2010

**علي عضيبات** · 02-10-2010, 12:59 AM

مناجاة تحرق القلوب
كل الود

02-10-2010, 11:42 PM

توصيف مؤثر جدا ياتوحه ... غالبا تتجنب الاقلام الكتابة عن الموت ... فلا يريد احدهم ان يكون قريبا من موته .. جميل الموت كحقيقة ثابتة بحجم ما تورثنا حزنها ... تحياتي توح

**زياد السعودي** · 03-10-2010, 12:07 AM

سلام الله
تحية ترقى لتليق

حراككم طيب
وعذيركم
اذ نحرص على ان
نرى المزيد من توقيعكم تعقيبا
على اوراق الزملاء والزميلات
كيف لا
وانتم اصحاب تجربة
يشار اليها بالبنان
فكونوا معنا
كثير تقدير

**عدنان حماد** · 04-10-2010, 11:57 PM

تمنيت لو غناها محمد طه

جميل يا توحة

بوركت ولك التقدير

**توحة عصام** · 13-10-2010, 09:09 PM

ومررو يسعد القلب شاعرنا العضيبات

شكرا كثيرا

**فاتن فايد** · 13-10-2010, 09:18 PM

صهيلك يألم القلب

كان عالياً حد القرب

تؤثر كلماتك في النفس

فتوشم الروح بها

وتظل تتعلق باطراف عيوني حتى النوم

قوافل ود واقحوان

(كليوبـــــاترا)

**عمر ال شيبي** · 14-10-2010, 07:04 PM

بوح يدمي القلب

سلم قلبك وشكرا

**توحة عصام** · 14-10-2010, 09:21 PM

الشاعر العزيز أحمد بارود

بالفعل نكره الموت رغم أنه الحقيقة الوحيدة التى نحياها فى أحشاء عالم يختنق بروائح الكذب الكريهة

كل الشكر للمرورك الميمون شاعرنا

**توحة عصام** · 14-10-2010, 09:23 PM

وتقدير كبير لتواجدك عميدنا الجليل

فقط أمواج الحياة تقذفنا بعيدا لبعض الوقت فنعود بشوق كبير

شكرا لك

**توحة عصام** · 14-10-2010, 09:25 PM

واكتمل الجمال بمرورك أيها العدنان

شكرا لعبير قلمك

**توحة عصام** · 14-10-2010, 09:27 PM

الشاعرة الجميلة فاتن فايد ...

وتظل الروح تنزف ليعلو صوت الأنين

كل الحب أيتها الشامخة كليو باترا

**مرفت محمد فايد** · 15-10-2010, 08:29 PM

توحة عصام
أه يا موت و أهين لما بتلي دموع العين

أه منك لما بتخطف منا حبايب

أه منك و آه و آهين

حرف عطرة يا توحة

بورك حرفكم

**توحة عصام** · 16-10-2010, 10:26 PM

شاعرنا الكبيرعمر آل شيبى

يسعدنى عبق قلمك حين ينشر عطرا بمتصفحى

كل الشكر

**توحة عصام** · 16-10-2010, 10:30 PM

الكاتبةالجميلة مرفت فايد ..

ومرور هو الاجمل أيتها العذبة

كونى كما تحبين وأكثر

**توحة عصام** · 24-06-2011, 10:23 PM

شكرا لعبير أرواحكم أيها الاحباء

مودتى ووورد الياسمين

**د. نديم حسين** · 27-06-2011, 05:14 AM

الأخت الشاعرة توحة عصام

صهيلٌ جميلٌ حارقٌ . والموت علينا حق !

سلمت يداك .

**توحة عصام** · 04-07-2011, 10:54 PM

د\ نديم حسن

دائما وأبدا يسعدنى مرورك الطيب

دمت بكل خير أيها الكريم

توحة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

لِنَعْكِسَ بّياضَنا