لِنَعْكِسَ بّياضَنا


« تَحْــليقٌ حَيٌّ وَمُثـــابِر »
         :: طالب مركز جنيف الدولي للعدالة (جنيف للعدالة) الأمم المتحدّة بارسال لجنة تحقيق دوليّة (آخر رد :زحل بن شمسين)       :: خلج (آخر رد :نجيب بنشريفة)       :: حتّام هذا الفجور؟ (آخر رد :ناظم العربي)       :: خربشات على سديم الروح (آخر رد :ناظم العربي)       :: يا حلمَ ليلةِ صيفٍ انقضت وبقي الحلمُ عالقاً لم ينته (آخر رد :حنا حزبون)       :: الى محمود درويش (آخر رد :ناظم العربي)       :: نجاح الشعب السوداني وثورته بفرض الاتفاق المرحلة الانتقالية !!! (آخر رد :زحل بن شمسين)       :: أنا مواطن ... وابكي الوطن،، وبكائي يروي المحن ....؟؟؟؟؟؟؟؟؟؟ (آخر رد :زحل بن شمسين)       :: ابو عكر وزوجته زعرورة بالحج........................؟! (آخر رد :زحل بن شمسين)       :: قتل مع سبق التأويل / رافت ابو زنيمة (آخر رد :رافت ابو زنيمة)       :: أمة علامة جرها التطبيع (آخر رد :رافت ابو زنيمة)       :: زماني وفارس هواه (آخر رد :غلام الله بن صالح)       :: عينت الأميرة هيا محامياً للملكة البريطانية لتمثيلها في طلاقها من أمير دبي (آخر رد :نجيب بنشريفة)       :: نواجه التلاعب الضخم الإنفاق الحكومي يصل إلى 35 ٪ من الناتج المحلي الإجمالي (آخر رد :نجيب بنشريفة)       :: شبق طين / يحيى موطوال (آخر رد :الزهراء صعيدي)      


العودة   ۩ أكاديمية الفينيق ۩ > ▂ ⚜ ▆ ⚜ فينيقكم بكم أكبـر ⚜ ▆ ⚜ ▂ > ⊱ السّـــــــــــــاخِر ⊰

⊱ السّـــــــــــــاخِر ⊰ الجد الباطن حين يكون خريج دفعة الظاهر الساخر ...

إضافة رد
 
أدوات الموضوع انواع عرض الموضوع
قديم 19-02-2019, 01:58 AM رقم المشاركة : 1
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي إحترمْ حَالكْ النَّاس بتِحترمَكْ



إحترمْ حَالكْ النَّاس بتِحترمَكْ
*********************************
بودِّي أستشيركم بشغلة !٠٠٠
هاظاك اليوم ،يا جماعة الخير، لِعِبْ الفار بعبِّي !!٠٠ حاولِتْ إنِّي ألبس ثوب مش من قياسي٠٠٠تناسيتْ الزمن وأفَاعيله٠٠ وتخيَّلت إنِّي فارس زماني ، إجيت ألعَبْ دور مش مفصَّل إلِي ولا المسرح بيناسبني !٠٠٠
يا جماعة ، وأنا ماشي بالشارع ، شفِتْ وَحدِة٠٠ أمَّا شُو وَحدِة ، يعني شَقفِة٠٠سبحان مَنْ صوَّرْ٠٠٠ إشي ، إشي ، عنجَدْ ، يعجزْ عنُّو الوَصِفْ٠٠٠
صدْقوا بالله بتقول للقمر ; إنزل بدِّي أقعُد مَحلَّك٠٠٠إيه والله!٠٠٠بتعِرفوا إنُّو هاظا القاضي إللي بمصِر لوْ إنُّو شَافْها أو بَسْ لمَحْها لَكانَ قد عفا عن هاظول الألف ومتين بني آدَم٠٠٠يعني قصدي أقول إنها فعلاً متل ما بيقول المثل الفلسطيني قالْ شو ''والله بتنزِّل عن حبل المشنقة''!٠٠
المُهم إنِّي لمَّا شُفتها بالشارع و هيِّي عم تتمخْتَر ،( كِنْها عَارفة إنها حلوة ،وقاعدة تتمايلْ عَ الجنبين)٠٠٠أنا بصراحَة نسيت إنِّي خِتيار متَختِخْ٠٠نسيت عمري ،نسيت إنِّي متجوِّز وجِدْ وعندي مَرَة[زوجة]٠٠٠ حسِّيت قَالْ إنُّو رجعت لشبابي٠٠٠ إستَجمَعِت قِواي ورتَبت الكَلمات اللِّي حَافظْهن ، قالْ شو بدِّي أغازِلها ٠٠٠ كُنتْ مِحتَار بَسْ إنُّو ; كيف بدِّي ألَحِّقها؟!٠٠٠ أنا حَاطِطْ عَ الأوَّل ، يعني مشيتي عَ قَدْ حالي وكلْ خطوة بقحَّة أو بضَـ٠٠طة [ بالمناسبة في هون يوجد حرف الرَّاء مابين حرفي الضاد والطاء ، وقد سقطَ سهواً أو خجلاً ]!!٠٠ وهَاي المَخلوقة تقولوا إنها غزال وعم يرْمَحْ ٠٠٠حَاطَّة عَ الرابع وماشْيِه ٠٠٠يعني كُل خُطوة منها بأربَع فشْخَات من اللِّي عندي ٠٠٠مهَي الشغلة كلْ واحَدْ و الموتور ''المحرَّك'' تَبَعُو ، فَشُو جابْ لَجابْ٠٠
طيِّب والله إنها شَلْعَتْ لي قلبي مِن شروشُه ، كيف بدِّي أحَاكِيها والمسافة بينَاتنا عم تكبَرْ٠٠ صُرتّ ألاهِثْ ورَاها ومِش شايف قُدَّامي حدا غيرها٠٠خبَطِت بِـ تنين تلاته من هالنَّاس٠٠٠ربَّكْ حميد ويلَّلا في هُناكْ إشارة مرور قدَّامنا٠٠٠قُلت لَحَالي إجَاكْ الفَرَجْ يا ''دون جوان'' زَمانَك وهاي هي فُرصتَكْ الوحيدة٠٠٠صُرت أدْعِي لربِّي إنُّو تصير الإشارة حَمْرا٠٠٠يعني يا بِتصِيبْ يا بِتخِيبْ!!٠٠٠ الغَريب إنُّو إشَارة المرورْ تعاطَفَتْ مَعَاي وراحَتْ وَغيَّرتْ لُونْهَا من الأخضَر لِلأَحمَر!٠٠٠
وقَّفَتْ هاي الصَبيِّة عَ الإشَارة وأنا حَطِّيتْ عَ التَّاني وشدِّيتْ عَزْمَاتي والبَرَاغِي و فِعلاً ولحُسنْ حظِّي وصَّلتْ لعندها وصُرت أنا وإيَّاها ''فيسْ تُو فيسْ'' يعنِي وجهَاً لوجِه ٠٠٠سَاعِتها كَانْ قلبي يدُقْ زيِّ الطَّبِلْ وحسِّيت إنُّو كُلّ النَّاس عَ الإشارة سَامعينُه!٠٠٠إتطلَّعت بأميرَتِي٠٠٠ وعينْكُمْ مَا تْشُوفْ ; مَفَاصْلي إنحَلَّتْ ، إرْتَبطْ لسَانِي، تقولوا إنُّو شِي بحَّارْ مَاهِرْ عِمِل فيه عُقْدة [رَبْطَة] بَحريِّة ، وبِدْها حِلِمْ الله تَا تِنْفَكْ٠٠٠ والأهَمْ إجَا الخَرَفْ وحَرَّنْ على مركَز الكَلام في دماغي٠٠وبهَاللّحظه حسِّيتْ إنُّو راسِي فَاضي وفَارِغْ٠٠ والكِلماتْ اللِّي كنت مرتِّبها تفَرطَعَتْ وطارت بالهَوا مثل فَقاقِيعْ الصَّابون ٠٠٠الشِّي الوحيدْ اللِّي حَاسِس فِيه هُوِّ صوت الطبلْ في صَدري و نَارْ طَالعة من خدودي!!!٠ أكيد إنهم كانوا بْيِشبَهُوا حَبِّة بَندُورة مِستْويَّة٠٠٠٠٠

الوقت عمْ ِيِمشِي والإشَارَة قرَّبتْ تِتْغيَّر٠٠٠
إتطلَّعتْ فِيني الصبيِّة بحِنيِّة وبعطِفْ وأنا بَنشَرِتْ عَ الآخِر، يعني عْجَالِي نفَّسَتْ٠٠٠قُلتْ لحَالِي ; وَلَكْ شِدْ حيلَك هَاي رِزقَكْ أَجَاكْ لَحَدْ عندكْ ، وهاي البنِت مسَخِسْخَة عليك و وِقْعَتْ في حبالَك٠٠يلَّلا يا زِيرْ شُوفْ شُغلَك!٠٠٠شَجَّعتْني نظْرِتها الحَانية وفتَحتْ تمِّي لأحْكي!٠تصدقوا ياجَمَاعة الخير، إنْ كَانْ إنتُو حَكيتُو، أنَا حَكيتْ٠٠ما طِلِعْ منِّي غيرْ حَشْرجَة وهَمْهَمَة٠٠قامَتْ الصَبيِّة قرَّبتْ منِّي أكثرْ وبكُل رقَّة سألتني : شُو مَالكْ يا عمِّي!؟ ، فِيكْ إِشِي؟٠٠بدَّك مُسَاعدة!٠٠عِندَك حَرارة؟!!٠
خدُودَكْ ، يا عَمُّو حُمُرْ مثلْ حبِّة بَندُورة مِستويَّة! ٠٠
أنَا لمَّا سمِعِتْ صُوتها شَعرت كإنِّي عمْ أسْمَع فيروز; صوتْ رقيق ، حنونْ، بسْ الكِلمات شويِّة تقِيلة٠مَدَّتْ إيدْهَا إلِي ومِسْكَت بإيدِي تقولوا حَرير ولِبِسْ إيدِي وسَرَت فِينِي رَعْشِة كَهْرَبا خفِيفة ، بَسْ لذيذة، وقالَتْ لي; إنتِ ياعَمُّو بِحاجِة لِمُسَاعَدة !٠
وبِهاي اللحظَة إتبدَّلت إشارةْ المُرورْ فقالَتْ الصبيِّة : تَعالْ يا عمُّو لازم أقَطْعَكْ الشَّارِع ومِسكَتْ بإيدي ومشِينَا سَوى!٠٠٠

كُنْت مَبسوطْ مِنها كتيرْ وبنفس الوَقِت كُنْتْ مَزعوجْ٠٠٠شُو هَاي كلْمِة يا ''عمٍّو'' ما عَجْبتني كتير! ، بَسْ سَاعِتْها أنا صْحِيتْ عَ حَالِي وعرِفْتْ الحَقيقة اللِّي نسيتها بِلحظَة حَيْوانيِّة ; إنُّو الأيَّام عَمْ تُركُض والزَّمَن عَمْ يُركضْ والعُمُرْ مَعاهُم كَمان عَمْ يُركضْ٠٠٠إتطلَّعتْ بالبنتْ لْقِيتْها قَدّ بِنْتي بالعُمُر ويِمكِنْ أصْغَر!٠٠٠
عِنْدها بلَّشُوا مَفاصْلي يرْجعُولي٠٠قَلبي صارْ يشتْغِل بشكِلْ طبيعي، ودمَاغِي إنْشَحَن مِن جديدْ٠٠رِجْعتلِي إنْسَانيِّتِي٠٠وهَربَتْ الغَريزة البَهِيمِيِّة إللِّي كَانتْ مسيّطْرَة عَ كياني ، ولأول مرَّة بأشوف إنها بِنِتْ صبيِّة عاديِّة ، حلْوِة وكويّسِة كَمانْ٠٠٠
نَظرِتْ إليهَا هالمَرَّة نَظْرة أبويِّة! ، صَحيحْ إنها كانَتْ حلْوِة ، بس جَمَالْها كَانْ طَبيعي وعَنْجَدْ كَلامْ العاشِقْ كان مزبوط لمَّا قال لِـ اللِّي لامُوه : ''خُذُوا عينِي وشُوفُوا فيها'' وبالفعل نَظْرةْ عن نَظْرةْ بتِفرِقْ!٠٠
وإنحَلَّتْ عُقْدة لِسَاني٠٠٠شَكَرتْ البنِتْ مِن كلِّ قَلبِي ودَعيتْ لَهَا الله أنْ يحْفَظْ عليها صِحَّتْها وشَبَابْها!٠٠لعَنتُ الشيطانَ إللِّي كانْ جِوَّاتِي[بداخلي] ، وبلحظة تْذكرِتْ مَرتِي، إللِّي بالبيتْ عَمْ تِسْتَنَّانِي وخطَرْ عَ بَالِي حَفيدي، إللِّي كانْ كَمانْ مِنتِظِرني مشَانْ نكَمِّل لِعْبة مبارِحْ!٠٠٠ ودَّعْت الصَبيِّة الحِلْوة وقُلتْ لنَفْسِي : شو يا ولَدْ بدَّكْ تُوخِد زمَانك وزَمانْ غيرك؟!، الطَمَعْ ضَرْ ما نفَعْ واللِّي ما بيِحتْرِمْ سِنُّه ، فَالنَّاس إمَّا بتحْتِقره أو بتِتْمَسْخَر وبتِضْحَكْ عَليه ، وكُلْ عُمُرْ وإلو حَلاوْتُه ٠٠واللِّي بيِحترمْ حَالو النَّاس بتحترموا ٠٠٠و رحِمَ الله إمرءاً عَرَفَ قَدْرَ نَفسِه فلَزِمَ حَدَّهْ!٠٠٠
صَحْ كَلامي ويلَّلا أنا غلطان!٠٠وهاظا هو اللِّي كُنْتْ بدِّي أسْتَشِيركُمْ فيه٠٠٠٠

د٠محمد طرزان العيق
صوفيا / 29.04.2014






  رد مع اقتباس
/
قديم 19-02-2019, 04:34 AM رقم المشاركة : 2
معلومات العضو
نوال البردويل
فريق العمل
عضو تجمع أدب الرسالة
عنقاء العام 2016
تحمل وسام الأكاديمية للابداع والعطاء
عضو لجنة تحكيم مسابقات الأكاديمية
فلسطين

الصورة الرمزية نوال البردويل

إحصائية العضو







آخر مواضيعي

نوال البردويل غير متواجد حالياً


افتراضي رد: إحترمْ حَالكْ النَّاس بتِحترمَكْ

نصيحة لذوي العقول الـ واع ية
عسى أن يدركوا معنى الرسالة ومضمونها النبيل
ساخر لطيف هادف
كل التقدير د. محمد
وتحياتي







  رد مع اقتباس
/
قديم 19-02-2019, 08:13 AM رقم المشاركة : 3
معلومات العضو
جمال عمران
فريق العمل
يحمل أوسمة الأكاديمية للابداع والعطاء
مصر

الصورة الرمزية جمال عمران

إحصائية العضو







آخر مواضيعي

جمال عمران متواجد حالياً


افتراضي رد: إحترمْ حَالكْ النَّاس بتِحترمَكْ

أخى محمد
ياعمنا هذا تصرف انسانى بحت ..لالوم عليك مادمت عدت الى صوابك ورشدك.
احيانا ما تسيطر علينا هذه المشاعر فى لحظات لكنها تمضى دائما كما جاءت تشيعها ابتسامة من شفاهنا وخاطر يقول ...ليت الشباب يعود يوما ..لأريه مافعل المشيب .
مودتى






  رد مع اقتباس
/
قديم 19-02-2019, 05:58 PM رقم المشاركة : 4
معلومات العضو
رافت ابو زنيمة
عضو أكاديميّة الفينيق
يحمل أوسمة الأكاديمية للعطاء والإبداع
الأردن

الصورة الرمزية رافت ابو زنيمة

افتراضي رد: إحترمْ حَالكْ النَّاس بتِحترمَكْ

والله جميل
وشكرا
دمت بخير وصحة
محبتي






كــــــــــــــــــــــان،،،!!
  رد مع اقتباس
/
قديم 21-02-2019, 11:58 AM رقم المشاركة : 5
معلومات العضو
زياد السعودي
عميد أكاديمية الفينيق للأدب العربي
مدير عام دار العنقاء للنشر والتوزيع
رئيس التجمع العربي للأدب والإبداع
عضو اتحاد الكتاب العرب
عضو تجمع أدباء الرسالة
عضو الهيئة التاسيسية للمنظمة العربية للاعلام الثقافي الالكتروني
الاردن

الصورة الرمزية زياد السعودي

افتراضي رد: إحترمْ حَالكْ النَّاس بتِحترمَكْ

يشدني مداد ساخركم
بوركتم وانتم تبدعون
وود






  رد مع اقتباس
/
قديم 21-02-2019, 02:49 PM رقم المشاركة : 6
معلومات العضو
الزهراء صعيدي
عضو أكاديميّة الفينيق
تحمل أوسمة الأكاديمية للابداع والعطاء
سوريا

الصورة الرمزية الزهراء صعيدي

إحصائية العضو








آخر مواضيعي

الزهراء صعيدي غير متواجد حالياً


افتراضي رد: إحترمْ حَالكْ النَّاس بتِحترمَكْ

صح لسانك و دام رقي فكرك
حكم راقية برسالة جميلة
دام مدادك البديع






  رد مع اقتباس
/
قديم 21-02-2019, 03:14 PM رقم المشاركة : 7
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحترمْ حَالكْ النَّاس بتِحترمَكْ

اقتباس:
المشاركة الأصلية كتبت بواسطة الزهراء صعيدي مشاهدة المشاركة
صح لسانك و دام رقي فكرك
حكم راقية برسالة جميلة
دام مدادك البديع
أختي الزهراء
تحية لكِ ولأهلنا في سورية الحبيبة
أشكرك على كلماتك الطيّبة وعلى التقييم الرائع
إنما هي قصصٌ من الواقع ، عَلَّنَا مِنها نعتَبِرْ






  رد مع اقتباس
/
قديم 21-02-2019, 03:19 PM رقم المشاركة : 8
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحترمْ حَالكْ النَّاس بتِحترمَكْ

اقتباس:
المشاركة الأصلية كتبت بواسطة زياد السعودي مشاهدة المشاركة
يشدني مداد ساخركم
بوركتم وانتم تبدعون
وود
عميدنا المحترم
أولاً أبادلكم الودَّ بودٍّ ومحبّة
وثانياً أعتّزُ بمروركم الكريم وبمشاركتكم ورأيكم وأعتبره شهادة لي وأفتخر بها
تحياتي






  رد مع اقتباس
/
قديم 21-02-2019, 03:23 PM رقم المشاركة : 9
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحترمْ حَالكْ النَّاس بتِحترمَكْ

اقتباس:
المشاركة الأصلية كتبت بواسطة رافت ابو زنيمة مشاهدة المشاركة
والله جميل
وشكرا
دمت بخير وصحة
محبتي
أشكركم من كل قلبي
تسعدني زيارتكم وتعليقكم
ذوقكم هو الرفيع والراقي
تحيّاتي






  رد مع اقتباس
/
قديم 21-02-2019, 03:29 PM رقم المشاركة : 10
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحترمْ حَالكْ النَّاس بتِحترمَكْ

اقتباس:
المشاركة الأصلية كتبت بواسطة جمال عمران مشاهدة المشاركة
أخى محمد
ياعمنا هذا تصرف انسانى بحت ..لالوم عليك مادمت عدت الى صوابك ورشدك.
احيانا ما تسيطر علينا هذه المشاعر فى لحظات لكنها تمضى دائما كما جاءت تشيعها ابتسامة من شفاهنا وخاطر يقول ...ليت الشباب يعود يوما ..لأريه مافعل المشيب .
مودتى
أخي جمال
تسعدني زيارتكم دوماَ ، فأهلاً وسهلاً٠٠٠
أحاولُ أن أنقل خبراتنا في الحياة بقالبٍ سهل ولطيف ، علَّنا نأخذ منها الدروس والعبر
لا يصلحُ العطَّار ما أفسده الدهرُ وعلينا أن نعترف ونرضى بواقعنا وبأفاعيل الزمن
شكراً مرة أخرى وألف ألف تحية






  رد مع اقتباس
/
قديم 21-02-2019, 03:35 PM رقم المشاركة : 11
معلومات العضو
محمد طرزان العيق
عضو أكاديميّة الفينيق

الصورة الرمزية محمد طرزان العيق

افتراضي رد: إحترمْ حَالكْ النَّاس بتِحترمَكْ

اقتباس:
المشاركة الأصلية كتبت بواسطة نوال البردويل مشاهدة المشاركة
نصيحة لذوي العقول الـ واع ية
عسى أن يدركوا معنى الرسالة ومضمونها النبيل
ساخر لطيف هادف
كل التقدير د. محمد
وتحياتي
الأستاذة نوال
كل المحبة والإحترام والتقدير
أشكرك على الدعم المتواصل من خلال تقييمكم الايجابي وكلماتكم الرائعة والتي تشجعني على تقديم المزيد والمزيد
ويسعدني كثيراَ أن موضوعاتي تروقكم
شكراً وتحية
وعاشت فلسطين حرّة أبيّة






  رد مع اقتباس
/
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة نصوص جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 04:44 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
جميع الحقوق محفوظة لأكاديمية الفينيق للأدب العربي
يرجى الإشارة إلى الأكاديمية في حالة النقل
الآراء المنشورة في الموقع لا تعبر بالضرورة عن رأي الإدارة بل تمثل وجهة نظر كاتبها فقط