|
♞صَهيــــــــــلْ واحات فيها يتمدّد الموّال على خبب إيقاع الشعر الشعبي إرثاً ثريّاً و حاضراً مموسقاً.. محكيات تحمل المضامين |
|
أدوات الموضوع | انواع عرض الموضوع |
10-10-2023, 02:08 AM | رقم المشاركة : 1 | ||||||
|
النفخ في الحروف
النفخ في الحروف
.................. أنا بكرة هموت.. مش راح أخلد.. ولا حتى ف نفسي إني أعش وسط الخلق.. كتير..!!! أنا عايز عمر كما العصافير..!!! فوق شجر الحلم بتبني عشوش.. وف ساعة الخوف... تنفد وتطير ***** أنا بكره هودع كل الكون.. من غير تهويل راح أصبح غصبن عني.. وعنكم.. بين الناس... حبة اقاويل!! ملهاش تفاصيل راح تفضل يوم...؟!! أسبوع...؟!! بكتيره نقول...أسابيع؟!! والكل هينسى.. ويسرح ويا هموم الدنيا... يشوف حاله.. تاخده ولاده... تاخده الأيام... تاخده حياته وانا زى الشمعة الخلصانة... ساحت على طبق الخوف...م الخوف وقضيت العمر يا دوب...هاوي.... أنفخ ف حروف!! رسمت على وش الكون.. أوطان.. مليانة أمان..!! رسمت أحلام.. رسمت للخلق طريق مفتوح.. وبرغم الضعف ال بينخر... وسط الايام وأنا كلي جروح.. وبعيش اللحظة وأنا المكتوف متكتف بين ضعفي .. بضعفي متكتف وانا عايش.. مكسوف مكسوف من نفسي.. ومن خوفي مكسوف من إني يادوب عايش.. انفخ ف حروف ***** انا بكرة هموت راح أصبح ذكري يادوب ف " اللاب" او خلف الباب يمكن تبكيني حبيبة قلب ومعرفهاش... او كانت بين قلبي ف سري.. ضمن الأحباب او بكتيره.. راح اكون أنشودة ف وسط كتاب يكتبني الشعر ويحسبني.. مش م الأغياب ***** أنا بكرة هموت.. وهكون بين صخر الارض..تراب فأمانة عليكم.. سامحوني.. انا فعلا عشت حياتي...ضباب مخدوع بالدنيا وف الدنيا والاسوء..شفت الكل... سراب يمكن نتقابل ف الاخرة... يمكن تاخدوني لجنتكم.. يمكن أتونس بقلوبكم وافرح باللمة تجمعنا.. عند التواب ***** #جمال_نصير أكتوبر٢٠٢٣
|
||||||
12-10-2023, 01:20 AM | رقم المشاركة : 2 | ||||
|
رد: النفخ في الحروف
صهيل ملؤه شجن وعاطفة
واستعراض لسيرة المرء في حياته وبعد رحيله حرف صادق يصف الحال ، أعجبني هذا المقطع كثيرا: (أنا بكره هودع كل الكون.. من غير تهويل راح أصبح غصبن عني.. وعنكم.. بين الناس... حبة اقاويل!! ملهاش تفاصيل) تقبل مروري وكل التقدير
|
||||
19-10-2023, 08:12 PM | رقم المشاركة : 3 | ||||||
|
رد: النفخ في الحروف
شكرا تليق بك سيدتي
|
||||||
|
|
|